திரிசூலமேந்திய…..
பல்லவி
திரிசூலமேந்திய சிவபெருமானை
விரிசடையோனை பாடித்துதித்தேன்
துரிதம்
சரவணன் கணபதி ரதிபதி சுரபதி
சரச்வதியின் பதி கரம் பணிந்தேத்தும்
அனுபல்லவி
அரியெனும் கேசவன் நேசனை ஈசனை
நரியைப்பரியாக்கி பக்தனைக் காத்தவனை
சரணம்
திரிபுரமெரித்தவனை பணிந்திடுமடியாரை
பரிவுடன் காப்பவனைப் பரமேச்வரனை
விரிகமலமேந்தும் கரத்தாளீச்வரிக்கு
சரிபாதி தந்தவனை உமாமகேச்வரனை
எரிதழலேந்திய நெற்றிக்கண்ணனை
கரியுரி போர்த்திய காலாந்தகனை
மரித்தவரை எரிக்கும் மயானத்தலைபவனை
சரிநிகர் சமானமொருவரில்லாதவனை
No comments:
Post a Comment