துயரிடர் தந்தெனை…..
பல்லவி
துயரிடர் தந்தெனை நீ வாட்டினாலும்
துயரறு சுடரொடி உனையே துதித்தேன்
அனுபல்லவி
அயர்வறும் அமரர்களதிபதியே கேசவனே
மயர்வற மதிநலமளித்திடும் மாதவனே
சரணம்
உயர்வுக்கும் உயர்வான உயர்வுடைவனே
கயல்விழியள் திருவை மார்பில் சுமப்பவனே
தயவுடன் பணிந்திடுமடியாரைக் காப்பவனே
நயமுடன் வணங்கிடுமெனையாண்டருள்வாயே
No comments:
Post a Comment