அரவிந்த மலர் தூவி…..
பல்லவி
அரவிந்த மலர் தூவி அரவிந்த பதம் பணிந்தேன்
பரம்பொருளே வேங்கடவா எனைக்காத்தருள்வாயே
அனுபல்லவி
வரம் தரும் கரமும் அபய கரமும் காட்டி
சரணடைந்தோர்க்கருள் தருகின்ற கேசவனே
சரணம்
பிரமனுமிந்திரனும் சுகசனகாதியரும்
கரம் பணிந்தேத்தும் திருமலைவாசா
திருமகளலமேலு நீங்காது உடனிருக்கும்
திருமார்பா கோவிந்தா தீனசரண்யனே
No comments:
Post a Comment