விக்னேச்வரனை……
பல்லவி
விக்னேச்வரனை ஆராதனை புரிந்தேன்
விக்கினங்களை நீக்கும் வேழமுகத்தோனை
அனுபல்லவி
சக்கரக்கையன் கேசவன் மருகனை
குக்குடக் கொடியோன் கந்தசோதரனை
சரணம்
அக்கறையுடன் பாக்கு வெற்றிலை வைத்து
முக்கனி சக்கரை பாகும் பருப்புடனே
முக்கிய பணிகள் தொடங்கும் முன்னே
பக்குவமாய்ப் பாத பூஜை புரிந்தேன்
திக்கெட்டும் புகழ் விளங்கும் விக்ன விநாயகனை
அக்னி வைத்த நெற்றிக் கண்ணன் மகனை
துக்கமிடர் களையும் சக்தி கணபதியை
எக்காலமும் எனக்கருள வேண்டுமென வேண்டி
No comments:
Post a Comment