திருமுக தரிசனமே…..
பல்லவி
திருமுக தரிசனமே போதும் ஶ்ரீராமா
வருமிடர் கவலை துன்பம் விலகிட
அனுபல்லவி
கருமபலன னைத்தும் நீங்கிடச்செய்யும்
திருமாலே கேசவனே தீனசரண்யனே
சரணம்
அருமறைகள் இதிகாச புராணங்கள் மற்றும்
குரு வசிட்டர் போற்றும் தினகர குலத்தோனே
செருக்குடன் திரிந்த அரக்கரையழித்தவனே
திருவென்னும் பெயராளின் கரம் பிடித்தவனே
ஒரு சொல் ஒரு வில் ஒரு இல்லென வாழ்ந்து
தருமநெறி நிலைத்திட தரணியிலுதித்தவனே
அருமா கடலமுதே கோசலை மைந்தனே
பெருமைக்குரிய அயோத்தி மன்னனே
No comments:
Post a Comment