புவனம் போற்றும்…..
பல்லவி
புவனம் போற்றும் கற்பகாம்பிகையை
கவனமுடன் துதித்தேன் எனக்கருள்வாயென
அனுபல்லவி
குவலயம் உண்டுமிழ்ந்த கேசவன் சோதரியை
சிவனிடம் கொண்ட சிவகாமேச்வரியை
சரணம்
தவம் செய்யும் முனிவரும் தேவரும் மூவரும்
அவனியோரனைவரும் வழிபடும் பரதேவி
அவளருளாளே அவள் தாள் பணிந்தோர்க்கு
கவலையிடர்களைந்து நல்லருள் புரிந்திடும்
No comments:
Post a Comment