கோசலை மைந்தனை……
பல்லவி
கோசலை மைந்தனை ஶ்ரீராமனைத் துதித்தேன்
தேசுடைய சந்திரனைப் பழிக்கும் முகத்தோனை
அனுபல்லவி
பேசும் தெய்வமாய் விளங்கும் ரகுராமனை
ஈசனும் போற்றிய திருநாமமுடையவனை
சரணம்
வாசவாதி முனிவர்கள் பணிந்திடும்
கேசவனை மாதவனை தினகரகுலத்தோனை
சாச்வதமானவனை சாகேத ராமனை
நேசமுடனடியார் குறை தீர்ப்பவனை
காசினி புகழ்ந்தேத்தும் கல்யாணராமனை
மாசிலாமணியை மாயபிரானை
ஆசாபாசத்தளைகளை களைந்திடவே
வாசமலர் தூவித் திருவடி பணிந்து
No comments:
Post a Comment