என்ன பாடியழைத்தால்…….
பல்லவி
என்ன பாடியழைத்தால் நீ வருவாயோ
அன்னையே மகாலக்ஷ்மி எனக்கதையுரைப்பாயே
அனுபல்லவி
சென்ன கேசவன் மார்பிலுறைபவளே
உன்னருளாலன்றோ அனைத்துலகுமியங்குவது
சரணம்
தன்னிகரில்லா தனிப்பெருமையுடையவளே
பன்னகசயனன் திருமாலின் நாயகியே
புன்னகை முகத்துடனே கோலாசுரனைக் கொன்ற
மின்னல் கொடியிடையாளே வெண்ணிலவின் சோதரியே
முன்னம் சங்கரர் பாடியழைத்ததுமே
பொன் மழை பொழிந்த கடல் மகளே தேவி
மன்னு புகழ் மரகதமே மயூரவல்லியே
அன்னபூரணியே அகிலாண்டேச்வரியே
No comments:
Post a Comment