துளப ப்ரியனே…..
பல்லவி
துளப ப்ரியனே மாதவா உனது
அளவிலாக் கருணையை அளித்தெனைக் காப்பாய்
அனுபல்லவி
பள பளக்குமழகிய மணி மாலைகளும்
களபமுமணிந்த திருமார்புடையவனே
சரணம்
பிளந்தரக்கன் கேசியின் வாய்கிழித்த கேசவனே
அளகாபரணமாய் மயில் பீலியணிந்தவனே
களவு செய்து வெண்ணையுண்ட வாயனே
இளகிய மனம் படைத்த நாரயணனே
வண்ணான் கண்டு கொண்ட…..
பல்லவி
வண்ணான் கண்டு கொண்ட நம்பெருமாளை
கண்ணாரக் கண்டு மனமாரத்துதித்தேன்
அனுபல்லவி
பண்டுலகை உண்டுமிழ்ந்த கேவசவனுமவனே
புண்டரீகாக்ஷனும் புருஷோத்தமனுமவனே
சரணம்
கண்கவரழகன் கருநீலவண்ணன்
தண் மதி முகத்தோன் தாமரை நாபன்
விண்ணவர் வியந்தேத்தும் ஶ்ரீமன் நாராயணன்
புண்ணியம் செய்தோர்க்கு கண்ணெதிரில் காட்சி தரும்
நாம மொன்று போதுமே….
பல்லவி
நாம மொன்று போதுமே தாயே மீனாக்ஷி
காமக்ரோதங்களனைத்தும் விலகிட ( உன்)
அனுபல்லவி
சாம கானந்தனில் மனம் மயங்கிடும்
காமேச்வரியே கேசவன் சோதரியே
சரணம்
சோம சுந்தரரின் துணைவியே மாயே
பூமியில் உனையன்றி வேறுதுணை எனக்கில்லை
கோமகளே ராஜமாதங்கியே உமையே
தேமதுரத் தமிழால் உனைப்பாடுமெனக்குன்
காழியூர் நகர் வளர்…..
பல்லவி
காழியூர் நகர் வளர் சட்டநாதனை
ஏழிசை வல்லானை சிவனைத் துதித்தேன்
அனுபல்லவி
ஆழி சூழ் கடல் மீதுறங்கும் கேசவன் நேசனை
தோழி உமையவள் மனங்கவரீசனை
சரணம்
நல்லவர் நால்வகை மறையோதுமந்தணர்
வல்லவர் பலர் போற்றும் மலரடியுடையவனை
வில்லாய் மேருவை வளைத்து முப்பரமெரித்தவனை
சொல்லால் பாடி அவனருள் வேண்டி
நல்லார் தீமேவுந் தொழிலார் நால்வேதஞ்
சொல்லார் கேண்மையார் சுடர்பொற் கழலேத்த
வில்லாற் புரஞ்செற்றான் மேவும் பதிபோலுங்
கல்லார் மதில்சூழ்ந்த காழிந் நகர்தானே
நல்லவர்களும், நாள்தோறும் வேள்விகளைச் செய்பவர்களும், நான்கு வேதங்களை ஓதுபவர்களும், அன்புடையவர்களும் ஆகிய அந்தணர்கள், ஒளி பொருந்திய அழகிய தன் திருவடிகளைப் போற்ற, மேருவில்லால் முப்புரங்களை அழித்த சிவபெருமான் எழுந்தருளிய தலம், மலை போன்ற மதில்களால் சூழப்பட்ட சீகாழி நகராகும்.
குருவருள்தான்…….
பல்லவி
குருவருள்தான் திருவருளென்றுணர்த்திய முருகனை
திருமால் கேசவன் மருகனைப் பணிந்தேன்
அனுபல்லவி
குருவாகி தந்தைக்கு மந்திரமோதிய
குருபரனை முத்துக்குமரனைக் கார்த்திகேயனை
சரணம்
ஒருமையுடன் அவனிரு திருவடி பணிவோர்க்கு
இருவினை பயன் களையும் சிங்காரவேலனை
ஒரு குறையுமணுகாமலெனைக் காக்கும் குமரனை
திருவாவினன் குடி வளர் பழனியாண்டவனை
நடன நாடகப்பிரியனே……
பல்லவி
நடன நாடகப்பிரியனே நமச்சிவாயனே
படமெடுத்த பாம்பணிந்த பன்னகாபரணனே
துரிதம்
நந்தி கணங்கள் நான்முகனிந்திரன்
நரர் சுரர் நாரதரனைவரும் வணங்கிடும்
அனுபல்லவி
குடமாடும் கூத்தன் கேசவன் நேசனே
விடமுண்ட கண்டனே வீதி விடங்கனே
சரணம்
புடமிட்ட பொன்னே செம்பொன் மேனியனே
சுடலைப் பொடியணிந்த சாம்பசதாசிவனே
இடப வாகனனே கங்காதரனே சங்கரனே
ஜடாதரனே ஜலகண்டேச்வரனே
உமையும் உமையொருபாகனும்…..
பல்லவி
உமையும் உமையொருபாகனும்
எமைக்காக்க வேண்டுமென இணையடி பணிந்தேன்
அனுபல்லவி
நமை வழிநடத்தும் சென்னகேசவனும்
அமைதியுடனவன் மார்பிலுறை திருமகளும்
சரணம்
சுமையான இவ்வாழ்வு சுகமுடன் கழிந்திடவும்
இமைப்பொழுதும் இறையுணர்வு நீங்காதிருந்திடவும்
சமய நெறி வாழுவாமல் நாம் வாழ்ந்திடவும்
இமவான் மகளும் கயிலாய நாதனுமான
தர்மாம்பிகையே….
பல்லவி
தர்மாம்பிகையே தர்மசம்வர்த்தனியே
பர்வதவர்த்தனி உன் பதம் பணிந்தேன்
அனுபல்லவி
சர்வலோகநாயகியே கேசவன் சோதரியே
சர்பம்தனை அணிகலானாயணிந்திருப்பவளே
சரணம்
விற்பன்னர்கள் போற்றும் வேதப்பரிபுரையே
சொற்களுக்கும் மனதுக்குமெட்டாத பேரழகே
சி்ற்பரன் ஐயாறப்பன் மனங்கவர் நாயகியே
அற்புதங்கள் பல செய்யும் பொற்கொடியே தாயே
இமவான் மகளே…..
பல்லவி
இமவான் மகளே உமா மகேச்வரியே
சமயமிதுவே எனைக் காத்தருளவே
அனுபல்லவி
குமரனையீன்றவளே கேசவன் சோதரியே
அமரரும் துதித்திடும் பெரிய நாயகியே
சரணம்
கமல மலரிதழைப் பழிக்கும் வதனம் கொண்ட
சமமெனத் தனக்கொருவரில்லாதவளே
அமரேந்திரனும் அரியயனும் போற்றும்
ரமா வாணியே லலிதாம்பிகையே
பல்லவி
இமயமலையின் புதல்வியே! காப்பதற்கிதுஎத்தனையோ கோயில்கள்……
பல்லவி
எத்தனையோ கோயில்கள் உனக்கிருந்த போதும்
அத்தனையும் விட்டென் மனகோயிலமர்ந்தவளே
அனுபல்லவி
உத்தமியே கேசவன் சோதரியே உமையே
சக்தியே சமயபுரத்தாளே மாரியே
சரணம்
புத்திக்குமறிவுக்கு மெட்டா வேதப்பரிபுரையே
தத்துவப் பொருளே மாமுனிவர் போற்றும்
நித்திலமே தித்திக்கும் நாமங்களுடையவளே
எத்திசையும் புகழ் விளங்கும் திரிபுரசுந்தரியே
நித்தியமுனைத் துதித்தேன் …..
பல்லவி
நித்தியமுனைத் துதிக்கின்றேன் கண்ணா
சத்தியம் நீயல்லது வேறில்லையென்றே
அனுபல்லவி
உத்தமனே கேசவனே உனைத்துதிக்காமல்
முத்தே உனைப் பாராமல் உயிர் தரிப்பேனோ
சரணம்
புத்துயிராம் ஜனனமருளும் ஜனார்த்தனா
இத்தரையில் ஜனிக்குமனைவருமுன் பக்தர்களே
தத்தித் தவழுமலைகள் நீரலையில் மறைவது போல்
சத்தியனே உன் பகத்தியில் நான் கரைய வேண்டும்
நித்தியமும் நினைக்கிறேன்
நினைவெல்லாம் நீயே தான் !.....,....
உனைப் பாராமல்உனைத் துதிக்காமல்
உயிர் மூச்சு வேண்டுமா ? ....கண்ணா !.......
ஜனனம் அருளும்ஜனார்த்தனா
ஜனிக்கும் உயிர்களில் உனக்கு
புதிய பக்தர்கள்தோன்றிவிடுவர் ...........
நீரில் தோன்றும்
நீரலைகள்
நீரிலேயே
மறைவது போல்.,......
உன் பக்தியில்
நான் கரைந்து
மறைய வேண்டும் ?..........
ஜிஜி கவிதைகள்.....
கதி நீயே…..
பல்லவி
கதி நீயே கதி நீயே ஶ்ரீரகு ராமா
மதி முகத்தோனே மாதவனே கேசவனே
அனுபல்லவி
விதியையும் வெல்லும் வழியளி்ப்பவனே
இதிகாச புராணங்கள் மறை போற்றும் நாயகனே
சரணம்
அன்னை தந்தையோ மனைவி மக்களோ
இன்னுமுத்தியோகமோ பணியாளர்களோ
என்னுடைய பந்துக்களோ தரவியலாத
நன்னலமும் மன நிம்மதியும் தருபவனே
கன்ம வினையால் கட்டுண்டு பலப்பல
வன்மமுள்ள தீச்செயல்கள் புரிந்தேன்
தன்னலம் கொண்டு தவறுகள் செய்தேன்
இன்னலிடர் நீங்க உனைச்சரணடைந்தேன்
எனது சிரசிலுன்….
பல்லவி
எனது சிரசிலுன் சடாரி பதம் வைத்ததால்
புனிதமடைந்தேன் ஶ்ரீராமா உனதருளால்
அனுபல்லவி
உனது பாதுகையேயெனக் கேசவனே
மனதில் நினைத்து உனையே துதித்தேன்
சரணம்
அனவரதமுனையே துதிக்குமடியார்க்கு
உனது திருவடியருள் பெறும் பாக்கியத்தை
தினகர குலத்தோனே சடாரி மூலமாய்
தீர்த்த உன் கருணையை என் சொல்வேன்
பாலராமனி்ன் பாதம்…..
பல்லவி
பால ராமனின் பாதம் பணிந்தேன்
கோலாகலமாக அயோத்தியில் காட்சி தரும்
அனுபல்லவி
ஞாலமுண்டுமிழ்ந்த கண்ணன் கேசவன்
ஆலிலையில் துயின்ற பாலனுமான
சரணம்
நீலமணி ரத்தினம் மாணிக்கம் பதித்த
மாலைகள் புனைந்து பட்டுப்பீதாம்பரமணிந்து
சீலமுடன் வசிட்டரும் முனிவர்கள் பலரும்
அன்னை கோசலையும் தசரதரும் கொண்டாடும்
திருக்கதவில் பல உருவில்….
பல்லவி
திருக்கதவில் பல உருவில் காட்சி தரும் மாரியே (உன்)
அருட் கதவைத் திறந்தெனக்கு அருள் புரியலாகாதா
துரிதம்
கருமாரி காமாக்ஷி நீலாயதாக்ஷி
மீனாக்ஷி விசாலாக்ஷி அனைத்தும் நீயே
அனுபல்லவி
திருமால் கேசவன் சோதரியே முத்துமாரி
இருவினைப் பயனகல உனையே துதித்தேன்
சரணம்
கருவிலுருவாக சிவபெருமான் நாயகியே
இருள் நீங்கி என் மனம் ஒளியுறச்செய்வாயே
ஒருமையுடன் உனது மலரடியே பணிந்தேன்
பெருமைக்குரிய சமயபுரம் திருத்தலத்தில்
லலிதாம்பிகையே உனையே…..
பல்லவி
லலிதாம்பிகையே உனையே துதித்தேன்
பல விதமான வடிவெடுத்தவளே
அனுபல்லவி
அலகிலா விளையாடல் பல புரிந்தவளே
மலைமகளே தாயே கேசவன் சோதரியே
சரணம்
நலந்தருமன்னையே நாராயணியே
குலம் கல்வி செல்வமனைத்துமளிப்ப
சலனமில்லாதவளே சாகம்பரியே
தலையில் பிறையணிந்த தர்மாம்பிகையே
நிலம் நீர் நெருப்பு காற்று வெளியானவளே
உலகெலாம் படைத்தும் காத்துமிருப்பவளே
சலந்தரனையழித்த சிவபெருமான் நாயகியே
தலங்களுள் சிறந்த மீயச்சூர் தலத்துறையும்
உன்னைத் துதிப்பதன்றி….
பல்லவி
உன்னைத் துதிப்பதன்றி எனக்கென்ன வேலை
அன்னையே அறம் வளர்த்த நாயகியே சரணம்
அனுப்பல்லவி
பொன்னம்பலவாணன் ஐயாரப்பன் துணைவியே
சென்ன கேசவன் சோதரியே மாயே
சரணம்
மின்னல்கள் ஓராயிரம் ஒளியையும் மிஞ்சும்
பன்னகாபரணியே பர்வதவர்தனியே
முன்னும் பின்னுமென முடிவில்லாதவளே
மன்னுபுகழீசன் தன் பாகம் பிரியாளே
சங்கரா நாதவடிவானவனே…..
பல்லவி
சங்கரா நாதவடிவானவனே
வேதங்கள் போற்றும் ஓங்கார ரூபனே
அனுபல்லவி
பங்கய நாபன் கேசவன் நேசனே
கங்கையைத்தாங்கும் செஞ்சடாதரனே
சரணம்
திங்கள் பிறைணிந்த மங்களமூர்த்தியே
தங்க நிற மேனியனே தாமரைப் பாதனே
அங்கயற்கண்ணி மலைமகள் நாதனே
பொங்கரவணிந்தவனே புவனேச்வரனே
எங்கும் நிறைந்திருக்கும் ஏழைப்பங்காளனே
செங்கையில் மான் மழுவும் சூலமுமேந்திடும்
கங்காதரனே கயிலாயவாசனே
சங்காபிஷேகம் செய்து நாளுமுனைத்துதித்தேன்
ஸ்ரீ லலிதா ஆவிர்பாவ தினம் ஸ்பெஷல் !
அபிநவ ஸிந்தூராபாமம்ப த்வாம் சிந்தயந்தி யே ஹ்ருதயே
உபரி நிபதந்தி தேஷாமுத்பல நயனாகடாக்ஷ கல்லோலா ||
எவர்கள் தங்களது ஹ்ருதயத்தில் புதிதான குங்குமம் போல்
சிவந்த நிறமுள்ள தங்களை த்யானம் செய்கின்றார்களோ
அந்த பக்தர்களின் பேரில் ஸ்ரீ மஹாலக்ஷ்மியின் கடாக்ஷ
அலைகள் எப்போழுதும் விழுந்து கொண்டிருக்கும்..
- ஶ்ரீ லலிதா ஸ்தோத்ர ரத்நம் .
கடல் மகளின்…..
பல்லவி
கடல்மகளின் கருணைக் கடைக்கண்ணருள்
எப்போதும் தப்பாமல் கிடைத்த வண்ணமிருக்கும்
அனுபல்லவி
கடல் வண்ணன் கேசவனின் திருமார்பில் வீற்றிருக்கும்
மடந்தையந்தப் பார்போற்றும் மகாலக்ஷ்மியின்
சரணம்
தங்கள்இதயத்தில் எப்போதும் நினைந்து
குங்குமம் போல் சிவந்த நிறமுள்ள அவளை
தங்கம் போல் மின்னுமெழிலுடையவளை
மங்களம் தருபவளை தினம் துதிப்பவர்க்கு
அடியாருக்காக…….
பல்லவி
அடியாருக்காக முடிதிருத்தும் நாவிதனாய் மாறிய
நெடியோனைப் பாண்டுரங்கனைத்துதித்தேன்
அனுபல்லவி
கொடிய வல்வினைகள் தீர்க்கும் கேசவனை
அடி மூன்று மண் கேட்டு மாவலியை வென்றவனை
சரணம்
இடியெனத்தாக்கி பல அரக்கர்களைக் கொன்றவனை
நடித்துப் பல லீலைகள் புரிந்த கண்ணனை
ஒடித்து வில் வளைத்து ஜானகியை மணந்தவனை
இடுப்பில் கை வைத்து செங்கல் மீது நிற்பவனை
அனுபவித்தவரெவரோ……..
பல்லவி
அனுபவித்தவரெவரோ ராமா நாமத்தின் சுவையை
முனிவரும் தேவரும் போற்றித் துதித்திடும் நாமத்தின் சுவையை
அனுபல்லவி
அனுமன் இடையறாது பஜித்திடும் நாமம்
புனிதம் தரும் கேசவன் திருநாமம்
சரணம்
மனிதருள் மாணிக்கமெனத் திகழும்
புனிதர் தியாராஜர் தினம் துதித்த நாமம்
வனிதை பார்வதிக்கு சிவனுறைத்த நாமம்
பிறவிப் பெருங்கடலை கடந்திடச் செயும் நாமம்
அலங்காரம் புனைந்த…..
பல்லவி
அலங்காரம் புனைந்த பால ராமனை
பலவாறு போற்றிப் பாடித் துதித்தேன்
துரிதம்
அனுமன் கருடன் இந்திரன் பிரமன்
சனகாதி முனிவர்களனு தினம் துதித்திடும்
அனுபல்லவி
பல காலம் நிலையான கோவிலில்லாமல்
அலைக்கழிந்த கேசவனை சாகேதராமனை
சரணம்
நிலையிலா உலகில் நிலைத்திருப்பவனை
அலைகடல் நடுவே துயிலுறும் நாராயணனை
சிலை வடிவாக அயோத்தியிலெழுந்தருளி
நலமுடன் காட்சி தரும் தினகரகுலத்தோனை
பலவாறு உனைப் போற்றி…..
பல்லவி
பலவாறு உனைத் துதித்துப் பாடிவிட்டேன் காமாக்ஷி
பலனளிக்க இன்னுமென்ன தயக்கமெனச் சொல்வாயே
அனுபல்லவி
மலைமகளே உமையே கேசவன் சோதரியே
அலகிலா விளையாடல் பல புரிந்த ஈச்வரியே
சரணம்
சுலபாமாயெவருமணுக முடியாத
பலமுடைய திருச்சக்கரத்திலமர்ந்தவளே
நலம் பல நல்கிடும் நாராயணியே
நிலையிலா உலகில் நிலைத்திருப்பவளே
புலன்களுக்கெட்டாத மேருவில் வீற்றிருக்கும்
லலிதாம்பிகையே திரிபுரசுந்தரியே
தலங்களுள் சிறந்த காஞ்சி மாநகர் வளர்
குலமகளே தாயே எனக்கருள்வாயே
மயிலாடுதுறை அபயாம்பாளை…..
பல்லவி
மயிலாடுதுறை அபயாம்பாளை
நெய்க்குளத்தில் கண்டு மனமாரத்துதித்தேன்
அனுபல்லவி
மயில் பீலி சூடிய கேசவன் சோதரியை
மயூரநாதன் மனங்கவர் நாயகியை
சரணம்
வேதங்கள் இதிகாச புராணங்கள் போற்றும்
மாதரசியை மகிடன் தலை கொய்தவளை
யாதுமாகி நின்ற மாகாளி பைரவியை
பூதலம் கொண்டாடும் ஶ்ரீ லலிதாம்பிகையை
#க்ருஷ்ண_ரஸிகா
- ஹரிப்ரியா
என்னை எழுதேன்
என்றொரு குரல் கேட்கிறது.
இதோ வந்தேன் என்று
ஒவ்வொரு சொல்லாய் வந்து
வரிசையில் நின்று
நானும் அவன் புகழுக்கேதானுமாவேன் என்கிறது.
இருள் வானின் விண்மீன்கள்
கண்ணன் உடல் வண்ணத்தால் மிளிர்வதாய் சொல்லிப்போகின்றன.
கல் மரம் மலையென்று
இங்கே தெரியும் எல்லாப் பொருள்களும்
அவன் புகழொலிப்பில்
பங்குபெற விழைகின்றன.
இவ்வுலகம் கண்ணன் புகழொலிகளால் ஆனது..
பாடப்பொருள் தேடி….
பல்லவி
பாடப் பொருள் தேடி அலைந்தேன் கண்ணனெனை
பாடென்றானவனும் சரியென்றேன் நானும்
அனுபல்லவி
ஆடகப் பொன்னந்தக் கேசவன் புகழ்தனையே
பாடப் புகுந்தேன் அவனருளாலே
சரணம்
பாடப் பாட சொல்லும் பொருளும்
கூட வந்தெனை ஆட்கொண்டதென் சொல்ல
நாடும் பொருளனைத்தும் மாயக்கண்ணனே
தேடுமிடமெல்லாம் கண்ணனே தெரிகின்றான்
துரிதம்
கல் மரம் மலையும் விண்மீன்கள் கோள்கள்
எல்லாம் கண்ணனே கண்ணனன்றி வேறில்லை
இன்னலிடர் தீர…..
பல்லவி
இன்னலிடர் தீர உன்னையே துதித்தேன்
கன்னலே ஶ்ரீராமா எனக்கருள் புரிவாயே
அனுபல்லவி
பன்னகசயனனே திருமாலே கேசவனே
தன்னிகரில்லாத கலியுகத் தெய்வமே
பல்லவி
முன்னம் குகனையாட்கொண்ட ராகவனே
அன்னை கோசலையின் அருமை மைந்தனே
மன்னவனே அயோத்தியின் மணிவிளக்கே
இன்னமுதே எனையாளுமிறையே
நாகலிங்கப் பூவை விரும்பும்……
பல்லவி
நாகலிங்கப்பூவை விரும்பும் சிவனை
நாகநாதனை வேண்டித் துதித்தேன்
அனுபல்லவி
நாகாபரணமணிந்த நாகேச்வரனை
நாகத்தணை துயிலும் கேசவன் நேசனை
சரணம்
நாகேந்திரனை நமச்சிவாயனை
யாகப்பிரியனை யமனை அழித்தவனை
சாகசம் பல செய்த சாம்பசதாசிவனை
பாகம் பிரியாளின் நாயகனை ஈசனை
எத்தனை நாள்……
பல்லவி
எத்தனை நாள் நீ சும்மா இருப்பாய் ஶ்ரீராமா
குத்தம் நானென்ன செய்தேன் சொல்வாயே
அனுபல்லவி
மெத்தனமேன் ஊர் போற்றும் மரியாதைக்குரிய
உத்தமனே கேசவனே உயர்வான குலத்தோனே
சரணம்
மத்தால் கடைந்திடும் தயிர் போலெந்தன்
சித்தம் கலங்குதே என் செய்வன் ராமா
சுத்தமாயென்னை மறந்து விட்டாயோ
அத்தன் சிவன் போற்றும் திருநாமமுடையவனே
சத்தியசீலனே சாகேத ராமனே
உத்தமி ஜானகியின் மனங்கவர்ந்தவனே
வித்தர் வேதியர் போற்றும் வீரராகவனே
சித்தமிரங்காததேனோ ரகுராமா
சார்ங்கமேந்திய…
பல்லவி
சார்ங்கமேந்திய நாராயணனே
கார்வண்ணனே கண்ணனே எனக்கருள் புரிவாய்
அனுபல்லவி
பார் புகழும் பரம பதநாதனே பரந்தாமா
நீர்மலை மேல் நின்றருளும் நீர்வண்ணப் பெருமாளே
சரணம்
தேர் நடத்திப் பார்த்தனுக்குத் துணை நின்ற
பார்த்தசாரதியே பரவாசுதேவனே
நாற்கவிகள் போற்றும் திருமாலே கேசவனே
சீர் மல்கும் திருவல்லிக்கேணி வளர்
கமல மலர்ப் பதம்…..
பல்லவி
கமல மலர்ப் பதம் கனவிலும் மறவேன்
உமை மகனே விநாயகா என்றுமுன்
துரிதம்
அமரேந்திரனுமமரரும் பிரமனும்
நமனும் கணங்களும் நந்தியும் வணங்கிடும்
அனுபல்லவி
அமலன் ஆதிபிரான் கேசவன் மருகனே
குமரேசன் தமையனே குவலயம் காப்பவனே ( உன்)
சரணம்
உமதருள் முதலில் வேண்டிய பின்னரே
கருமங்களனைத்தும் துவங்கிடுமடியார்க்கு
நலமனைத்தும் நல்கிடும் விக்னேச்வரனே
சமமெனத்தனக்கொருவரில்லாதவனே
ஶ்ரீ சங்கரனின்…..
பல்லவி
ஶ்ரீ சங்கரனின் பாதம் பணிந்தேன்
வாச மலர் தூவி மனமாரத் துதித்து
அனுபல்லவி
ஈசனவன் கேசவன் நேசன்
ஆசுதோஷி அகிலாண்டேச்வரன்
சரணம்
ஆசா பாசத் தளைகளைக் களைந்திடும்
மாசிலாமணியெனும் தேசுடைய தெய்வம்
கேசமதில் மங்கை கங்கையை சுமப்பவன்
காசினி போற்றும் கபாலீச்வரன்
பார்த்தேன்! பரவசித்தேன்!பாடல் புனைந்தேன்!
சித்திரத்தில் கண்டு…..
பல்லவி
சித்திரத்தில் கண்டுனை பக்தியுடன் துதித்தேன்
நித்திலத்தொத்தே எனக்கருள்வாய் ஶ்ரீராமா
அனுபல்லவி
சத்திய சீலனே கேசவனே மாதவனே
உத்தமி ஜானகியின் மனங்கவர்ந்த நாயகனே
சரணம்
பத்தரை மாற்றுப் பசும் பொன்னே கன்னலே
தித்திக்கும் இன்னமுதாய்த் திருநாமமுடையவனே
கத்தும் கடல் மீது உறங்கும் நாராயணனே
எத்திசையும் புகழ் விளங்கும் அயோத்தி மன்னவனே
பாரெங்கும் புகழ் விளங்கும்……
பல்லவி
பாரெங்கும் புகழ் விளங்கும் சாரங்கபாணி மருகனே
காரமர் மேனிக் கணபதியே உனைத் துதித்தேன்
அனுபல்லவி
ஶ்ரீரங்கம் பதியிலுறை திருவரங்க நாதனை
ஊர் துதிக்கும் வண்ணன் நிறுவிய கரிமுகனே
சரணம்
காரியம் தொடங்கும் முன் அனைவரும் வணங்கிடும்
ஹேரம்ப கணபதியே ஏகதந்தனே விநாயகனே
சீரபிராமி உமை கொஞ்சும் வேழமுகத்தோனே
பூரணம் பொதிந்த மோதகப்பிரியனே அருளென
தோடுடைய செவியனை……
பல்லவி
தோடுடைய செவியனைப் பாடி மகிழ்ந்தேன்
காடுடைய சுடலைப்பொடியணிந்த நமச்சிவாயனை
அனுபல்லவி
மாடுகள் மேய்த்த கேசவன் நேசனை
ஆடும் தில்லைச் சிதம்பரநாதனை
சரணம்
ஓடுதனையேந்தும் கபாலீச்வரனை
நாடும் பக்தருக்கு நலமளிக்குமீசனை
தேடும் அடி முடிக்கு சொந்தமான சிவனை
வீடு பேரளித்தெனையாண்டருள வேண்டியே
அலர்மேல் மங்கை…..
பல்லவி
அலர்மேல் மங்கை மணாளா கோவிந்தா
பலர் போற்றும் பத்மநாபா உனைத் துதித்தேன்
அனுபல்லவி
உலகேழும் உண்டுமிழ்ந்த கேசவனே மாதாவனே
தலங்களுள் சிறந்த திருமலையில் உறைபவனே
சரணம்
நிலமகளலைமகள் இருபுறமுடையவனே
வலக்கரத்தில் சக்கரமும் இடக்ரத்தில் சங்குமேந்தும்
மலையப்பா மாலவனே ஶ்ரீமன் நாராயணனே
நிலையாயுடனிருந்து அகலக்கில்லேனென ச்சொன்ன
தூய மனத்தோடு…..
பல்லவி
தூய மனத்தோடு துதித்த அடியாளை
பேயெனச்செய்த பேயனைத் துதித்தேன்
அனுபல்லவி
மாயன் கேசவன் நேசனை ஈசனை
ஓயாது நடமிடும் ஆடவல்லானை
சரணம்
தாயுமானவனை தயாநிதியை
பாயும் நதி சூடிய கங்காதரனை
நேயமுடனடியரைக் காக்கும் நமச்சிவாயனை
தேயாத புகழ் மேவும் ஆலங்காட்டிறைவனை
பலவிதமாயுனைப் போற்றி…..
பல்லவி
பலவிதமாயுனைப்போற்றிப் பாடிவிட்டேன்
நலமருள்வாய் ஶ்ரீ மகாகணபதியே
அனுபல்லவி
தலங்களுள் சிறந்த பிள்ளையார் பட்டியில்
நலமுடன் கோவில் கொண்டிருக்கும் கரிமுகனே
சரணம்
நிலையிலா உலகில் நிலைத்திருப்பவனே
மலைமகள் தலைமகனே கேசவன் மருகனே
உளமுவந்து துதித்திடுமடியார் படுந்துயர்
இடர்களைக் களைந்திடும் வேழமுகத்தோனே
ஜய ஜய ஜகதீச சிவா….
பல்லவி
ஜய ஜய ஜகதீச சிவா
தயவளித்தெனையே காத்தருள்வாயே
அனுபல்லவி
புயங்கனே ஈசனே கேசவன் நேசனே
துயரிடர் களைந்திடும் நமச்சிவாயனே
சரணம்
அயனரி அமரர்கள் இந்திரன் பணிந்திடும்
ஐயாறப்பனே பஞ்சநதீசனே
வியந்திடும் வண்ணம் பல விளையாடல் புரிந்த
தயாநிதியே கங்காதரனே
விக்கினங்கள் தீர்க்கும்…..
பல்லவி
விக்கினங்கள் தீர்க்கும் விநாயகனே துதித்தேன்
அக்கறையுடனே எனைக் காக்க வேண்டுமென
அனுபல்லவி
சக்கரக்கையன் கேசவன் மருகனே
சிக்கல் சிங்கார வேலன் தமையனே
சரணம்
முக்கனியுடனே பாக்கு வெற்றிலையும்
பக்குவமான பழங்களும் தேங்காயும்
சக்கரைப் பொங்கலுமப்பமவல் பொரியும்
தட்சணையுடன் படைத்தே தாளினைப் பணிந்து
திக்கு வேறில்லை…..
பல்லவி
திக்கு வேறில்லை திரிபுரசுந்தரி
பக்குவமில்லாத எனக்கு உனையன்றி
அனுபல்லவி
சக்கரக்கையன் கேசவன் சோதரியே
குக்குடக் கொடியோன் குமரனின் தாயே
சரணம்
பக்தி எதுவும் நான் செய்திலேன்
முக்தி பெறும் வழியும் நானறிந்திலேன்
உக்தி உபாயமெதுவும் நானறியேன்
சக்தி உனையே தினம் துதித்தேன்
உக்கிரமான பவக்கடல் நடுவினில்
சிக்கித் தவிக்கின்றேன் தத்தளிக்கின்றேன்
அக்கரை செல்லவே எந்தன் துணை நீயே
அக்கறையுடனே ஆண்டருள்வாய் தாயே
அன்னபூரணியே விசாலாக்ஷியே……
பல்லவி
அன்னபூரணியே விசாலாக்ஷியே
உன்னைப் பணிந்தோர்க்கு உன்னதம் தருபவளே
அனுபல்லவி
மின்னுமழகுடைய கேசவன் சோதரியே
அன்னமனைவருக்குமளித்திடுமீச்வரியே
சரணம்
பன்னகாபரணனும் பன்னகசயனனும்
உன்னருளாலன்றோ இயங்குகின்றனர்
தன்னிகரில்லாத தனிப்பெருந்தேவியே
புன்னகை முகத்தாளே புவனேச்வரி நீயே
மன்னுபுகழ் மரகதவல்லியே மலைமகளே
பொன் கிண்ணம் தனிலன்னமேந்திய தேவியே
இன்னமுதே கன்னலே இயற்கைப் பொருளே
உன்னருளில்லையேல் உலகமியங்குமோ
கருடன் மீதேறி…..
பல்லவி
கருடன் மீதேறி பவனி வருமரங்கனை
இரு கண் கொண்டு கண்டு மகிழ்ந்தேன்
அனுபல்லவி
பெருமைக்குரிய திருமால் கேசவனை
திருவரங்கம் தலத்துறையும் பெரிய பெருமாளை
சரணம்
திருமகளின் ஆண்டாளெனும் பெயருடைய
கரி முன்னே அடி வைத்து ஆடி வர
இரு வெள்ளைப் புரவிகள் அலங்காரத்துடன் வர
கருடன் மீதமர்ந்து கம்பீரமாயரங்கன்
பச்சை மஞ்சள் சிவப்புப் பட்டாடையணிந்து
இச்சையுடன் திருமகளைத் தாங்கும் திருமார்பில்
திருவாபரணங்கள் அழகுடன் மிளிர
வரம் தரும் கரத்தில் ரத்தினக்கல் மின்ன
காதணியாய் பதக்கமுடன் வைரக்குழை தொங்க
கஸ்தூரி திலகம் நெற்றிதனில் மின்ன
கரங்களிலழகிய பூச்செண்டு ஏந்தி
தங்கக்குடையின் கீழ் கம்பீரமாயமர்ந்து
" வினதை சிறுவன் சிறகு என்னும்*
மேலாப்பின் கீழ் வருவானை*
அதுபோல வந்தான் நம்பெருமாள் .ரெங்கன் ராஜாதிராஜனாக
உமா என்கிற சரண்யா, ஸ்ரீரங்கம்.
15.02.2024.
படித்துவிட்டு பின்பு போட்டோவை பார்த்து ஒரு நிமிடம் அரங்கனை கண்முன் நிறுத்தி பாருங்கள். அற்புதமாக சேவை தருகிறானா!!
வேலனுக்கு வேல் தந்த……
பல்லவி
வேலனுக்கு வேல் தந்த வேல் நெடுங்கண்ணியை
ஆலமுண்ட நீலகண்டன் நாயகியைப் பணிந்தேன்
துரிதம்
மாலயனரனும் மனிதரும் தேவரும்
வேலாயுதனும் கரம் பணிந்தேத்தும்
அனுபல்லவி
மாலன் கேசவன் சோதரியை மகாதேவியை
காலனும் கலங்கும் காளி வடிவானவளை
சரணம்
ஏலவார் குழலியை ஏகாம்ப்ரேச்வரியை
கோலாசுரனை வதைத்த மகாமாயையை
நீலாயதாக்ஷியை நித்ய கல்யாணியை
பாலாம்பிகையப் பர்வதவர்த்தினியை
பார்த்தேன்!ரசித்தேன்!பாடல் புனைந்தேன்!
பனிமலை நாதனை…..
பல்லவி
பனிமலை நாதனை பனிமலையில் கண்டேன்
இனியென் மனக்கவலையனைத்தையும் துறந்தேன்
அனுபல்லவி
வனிதை பார்வதியை இடப்புறம் வைத்திருக்கும்
தனிப்பெருங்கடவுளைக் கேசவன் நேசனை
சரணம்
மனிதரும் மாயாமுனிவரும்
தேவரும்
குனிந்து வணங்கிடுமகிலாண்டேச்வரனை
பனிதரும் திங்களும் பாம்பும் பகீரதியும்
இனிது வணங்கிடுமீசனை சிவனை
கூர்மமாய் வடிவடுத்த…..
பல்லவி
கூர்மமாய் வடிவெடுத்த கமலக்கண்ணனை
ஆர்வமுடன் துதித்தேன் எனக்கருள வேண்டுமென
அனுபல்லவி
பார் போற்றும் மாதவனைப் பரவாசுதேவனை
கார் வண்ண மேனியனைக் கமல நாபனை
சரணம்
பாற்கடலைக் கடைந்து அமுதெடுத்த போது
மந்தரமலையெனும் மத்து மூழ்காதிருக்க
தந்திரமாயதனடியில் தாங்கி நின்ற
திருமாலைக் கேசவனை ஶ்ரீமன் நாராயணனை
