அருள் மழை பொழிபவள் ஜகன் மாதா
ஆனந்தம் தருபவள் ஜகன் மாதா
இனிய வாழ்வளிக்கும் ஜகன்மாதா
ஈசனின் பாதியவள் ஜகன்மாதா
உரகசயனன் சோதரி ஜகன்மாதா
ஊழ்வினை ஓட்டுபவள் ஜகன்மாதா
எங்கும் நிறைந்தவள் ஜகன்மாதா
ஏகாந்த மானவள் ஜகன்மாதா
ஐயாற்றில் அறம் வளர்த்த நாயகியாய் ஜகன்மாதா
ஒன்றாகி இருப்பாள் ஜகன்மாதா
ஓம்கார ரூபிணி ஜகன் மாதா
ஔடதமாய் காப்பவள் ஜகன்மாதா.
அருள் மழை பொழியும் அழகு முகமும் ஆனந்த தர வல்ல அழகிய பொற்பாதங்களும் காணக் கண் கோடி வேண்டும தாயே .🙏🙏🙏🙏🙏
உரகமெல்லணையான்…….
பல்லவி
உரகமெல்லணையான் கேசவன் சோதரியை
அறம் வளர்த்த நாயகியை மனமாரப் பணிந்தேன்
அனுபல்லவி
அரவணிந்த ஐயாரப்பன் நாயகியை
பரமானந்தம் தரும் அகிலாண்டேச்வரியை
சரணம்
ஊழ்வினை களைந்து நல்வாழ்வளிப்பவளை
எங்கும் நிறைந்தவளை ஏகாந்தமானவளை
ஒன்றாயும் பலவாயும் விளங்குமோங்காரியை
மருந்தென இருந்து பவநோய் தீர்க்கும்
துரிதம்
ஆனந்த முகமும் அழகிய பதமும்
தேனெனத் திகட்டா மொழிகள் பேசிடும்
மான் விழியாளை மரகதவல்லியை
காணக்கண்கள் பலகோடி வேண்டுமெனும்
No comments:
Post a Comment