சிவகாமசுந்தரியின்…….
பல்லவி
சிவகாமசுந்தரியின் மலர்த்தாள் பணிந்தேன்
பவரோகம் தீர்த்தருள வேண்டுமென விரும்பி
துரிதம்
தவமுனி சிவகணம் நந்தி நான்முகன்
தேவர்களிந்திரனனைவரும் வணங்கிடும்
அனுபல்லவி
நவநீதக் கண்ணன் கேசவன் சோதரி
சிவபெருமான் சிதம்பர நாதன் துணைவி
சரணம்
கவலை பிணியிடர் காலபயம் களைந்திட
அவனியோர் பணிந்திடும் அறம் வளர்த்த நாயகியே
சிவனடியார்க்கருளும் புவனேச்வரி நீயே
சிவசக்தியே தாயே எனக்கருள்வாயே
No comments:
Post a Comment