அழகன்றே யாழியாற் காழிநீர் வண்ணம்,
அழகன்றே யண்டம் கடத்தல்,-அழகன்றே
அங்கைநீ ரேற்றாற் கலர்மேலான் கால்கழுவ,
கங்கைநீர் கான்ற கழல்?
பாழியந்தோளுடைய…..
பல்லவி
பாழியந்தோளுடைய பத்மநாபனை
ஊழிமுதல்வனைக் கேசவனைப் பணிந்தேன்
அனுபல்லவி
காழிச்சீராம விண்ணகரத்துறைபவனை
வாழ உலகினில் மழையளிக்கும் மாதவனை
சரணம்
ஆழியேந்திய ஆழ்கடல் வண்ணனை
அழகே வடிவான குழலோனைக்கண்ணனை
அழகு மலரமர்வோன் கழுவும் கழலடி
பொழியும் கங்கைநீர் தருவானை
No comments:
Post a Comment