சங்கீத தேவதையை…..
பல்லவி
சங்கீத தேவதையை சரஸ்வதியைத் துதித்தேன்
பங்கய மலரமர் பரதேவி கலைமகளை
அனுபல்லவி
சங்கரனும் கேசவனும் பிரமனும் வணங்கிடும்
மங்கள நாயகியை மாமேரு தனிலுறையும்
சரணம்
பண்ணிசை ஒலிகளில் இன்னிசை ஸ்வரங்களில்
தண்மதி ஒளியில் தமிழிசைப் பதங்களில்
விண்ணிலும் மண்ணிலும் வீணையின் நாதத்திலும்
புண்ணியம் செய்தோர் மனத்திலும் விளங்கும்
No comments:
Post a Comment