இடையறாதவன்….
பல்லவி…….
இடையறாதவன் நாமம் துதிப்போர்க்கெல்லாம்
தடையின்றி அருள் தரும் கேசவனைப் பணிந்தேன்
அனுபல்லவி
இடையன் கோபாலனை ஆயர்குல மாயனை
குடையாய் கோவர்தனமேந்திய கண்ணனை
சரணம்
நடை நடந்து பஞ்சவர்க்காய் தூது சென்ற மாதவனை
தொடை தட்டி பீமனுக்கு குறி சொன்ன ஶ்ரீதரனை
படை நடத்திய பார்த்தனுக்கு துணை நின்ற அச்சுதனை
மடை திறந்த வெள்ளமெனக் கருணை பொழிபவனை
No comments:
Post a Comment