அருமறைகள் போற்றும்….
பல்லவி
அருமறைகள் போற்றும் திருமாலைத் துதித்தேன்
பெருமைக்குரிய திருவேங்கடதனிலுறையும்
துரிதம்
இருவர் தவிர பதின்மர் பாடிய பெருமையுடையவனை
வருமிடர் கவலை பவபயம் நீக்கும் கருணையுடையவனை
அனுபல்லவி
திருமகள் பத்மாவதி உடனிருந்து போற்றும்
திருமலைவாசனைக் கேசவனை மாதவனை
சரணம்
இருவினைப் பயன் நீக்கும் ஶ்ரீநிவாசனை
கருட வாகனத்தில் பவனி வரும் கரியவனை
விரும்புவோர் விரும்பும் வரங்களைத் தருபவனை
ஒரு குறையுமணுகாமலடியாரைக் காப்பவனை
No comments:
Post a Comment