முக்கண்ணனை….
பல்லவி
முக்கண்ணனை முழுமுதற்கடவுளை
பக்கத்தில் பார்வதி உடனிருக்கும் சிவனை
அனுபல்லவி
சக்கரக் கையன் கேசவன் நேசனை
சுக்கிரன் துதித்திடும் அக்னீச்வரனை
சரணம்
குக்குடக் கொடியோன் திருமுருகன் தந்தையை
விக்கினங்கள் தீர்க்கும் விநாயகனைப் பெற்றவனை
அக்கிரமம் செய்த திரிபுரனை வதைத்தவனை
திக்கற்றவரைக் காக்கும் தீனதயாபரனை
தக்கனையழித்த கயிலாய நாதனை
சொக்கநாதனை மீனாட்சி நாயகனை
நெக்குருகி மனமார மலரடி பணிந்து
எக்கணமும் மறவால் பாடித் துதித்தேன்
No comments:
Post a Comment