வண்ணமயமான….
பல்லவி
வண்ணமயமான வடிவேலனைக் கண்டு
கண் மலர்ந்து எனக்கருள வேண்டுமெனத் துதித்தேன்
அனுபல்லவி
கண்ணன் கேசவன் மருகனை முத்துக்குமரனை
வெண்ணிலவைப் பழிக்கும் முகப்பொலிவுடையவனை
சரணம்
பெண்ணணங்குகள் வள்ளி தேவானையை மணந்த
சண்முகநாதனைக் கார்த்திகேயனை
மண்ணில் புகழ் விளங்கும் தணிகாசலனை
எண்ணிலா பக்தர்கள் துதித்திடும் சரவணனை
அண்ணன் கணபதிக்குப் பிரியுமுள்ள தம்பியை
புண்ணியம் செய்தோரின் மனக்கண்ணில் வருபவனை
அண்ணாமலை சிவனும் உண்ணாமுலையம்மையும்
கண்ணாரக் கண்டு கொஞ்சிடும் குமரனை
No comments:
Post a Comment