பத்மாவதியை…..
பல்லவி
பத்மாவதியை கோவிந்தன் நாயகியை
திருச்சானூர் திருத்தலத்தில் கண்டு துதித்தேன்
அனுபல்லவி
பத்மநாபன் கேசவன் மார்பிலுறைபவளை
சத்தியவதியை திருமகளை அலைமகளை
சரணம்
வித்தர் ஞானியர் வேதங்கள் வியந்தேத்தும்
உத்தமியைத் திருமகளை உன்னதமானவளை
மத்தகஜங்கள் நீராட்டும் வேழத்திருமகளை
புத்தம் புதுக் கமல மலர் கையிலேந்தும்
கத்தும் கடல் நடுவே உறங்கும் நாராயணன்
சத்தியகிரிநாதன் திருவேங்கடவன்
நித்திலத் தொத்தெனும் பெயருடைய ஶ்ரீநிவாசன்
பத்தினியை பரந்தாமன் மனங்கவர்ந்தவளை
No comments:
Post a Comment