அரங்கனொருவனே……
அரங்கனொருவனே………
பல்லவி
அரங்கனொருவனே முழுமுதற் கடவுள்
பரந்தாமன் கேசவன் பாற்கடல்வாசன்
துரிதம்
நரர் சுரர் நாரதர் சுகசனகாதியர்
அரனயனிந்திரனனந்தன் கருடன்
அனங்கன் அஜமிளன் அனுமனாகிய
அனைவரும் வணங்கி கரம் பணிந்தேத்தும்
அனுபல்லவி
பரவாசுதேவன் பரம் பொருளவனே
பரம பதத்திலுறை வைகுண்டநாதனவன்
சரணம்
அரங்க நாயகி பெரிய பிராட்டியை
அரவணைத்துத் திருமார்பில் தாங்கும் மாலவன்
மரவுரி தரித்து வனங்களில் திரிந்த
நரனென விளங்கிய ரகுராமனவனே
கரன் முரனைக் கபந்தனை வாலியை மற்றும்
அரக்கன் ராவணனை இரணியனை வதைத்தவன்
கரங்களில் சங்கும் சக்கரமுமேந்தும்
நாரயாணனும் நரஹரியுமவனே
No comments:
Post a Comment