ஶ்ரீராமனவனே ஶ்ரீகிருஷ்ணனவனே…..
பல்லவி
ஶ்ரீராமனவனே ஶ்ரீகிருஷ்ணனுமவனே
நாராயணனும் கேசவனுமவனே
அனுபல்லவி
காரார் குழலாளைத் திருமார்பில் வைத்திருக்கும்
ஆராவமுதனெனும் சாரங்கபாணியவன்
சரணம்
மாரனைப் பிரமனைப் படைத்த பரந்தாமனவன்
பேராயிரமுடைய பெரிய பெருமாளவன்
தீராவினை தீர்க்கும் திருவேங்கடமுடையானவன்
பாரோர் பணிந்தேத்தும் பரவாசுதேவனவன்
மாதவன் மதுசூதனன் ஶ்ரீதரன் திரிவிக்கிரமன்
யாதவன் கண்ணன் ஶ்ரீஹரி கோவிந்தன்
ஏதமிலாத அச்சுதனனந்தனென
பூதலம் போற்றும் பல நாமமுடையவன்
No comments:
Post a Comment