தாமரைக் கண்ணாளே……
பல்லவி
தாமரைக் கண்ணாளே காமாக்ஷி
மாமறைகள் போற்றும் திரிபுரசுந்தரி
அனுபல்லவி
காமனைப் படைத்த கேசவன் சோதரி
ஓமெனும் மந்திரத்தின் உட்பொருளாயிருப்பவளே
சரணம்
பாமரர் பண்டிதர் யாவரும் துதித்திடும்
கோமகளே அழகு அணிமணிகள் புனைந்தவளே
சாமரம் வீசிடும் நாமகள் பூமகள்
சேமமுடன் அருகிருந்து ஏவல் புரிந்திட
கோமகன் சிவபெருமான் உடனிருப்பவளே
காமனைக் காத்தவளே பிறையணிந்தவளே
பூமண்டலம் போற்றும் புவனேச்வரியே
காமகோடிபீடம் தனில் வீற்றிருப்பவளே
No comments:
Post a Comment