கொஞ்சும் அழகுடைய……
பல்லவி
கொஞ்சும் அழகுடைய பிஞ்சுமுக முருகனை
தஞ்சமடைந்தேன் தயை புரிவாயென
துரிதம்
நந்தி கணங்கள் நான்முகன் நரர்சுரர்
நரபதி நாரதரனைவரும் வணங்கிடும்
அனுபல்லவி
துஞ்சும் அரவணையான் கேசவன் மருகனை
நஞ்சுண்ட கண்டன் சிவபெருமான் மகனை
சரணம்
குஞ்சர முகத்தோன் சோதரனை வேலவனை
வெஞ்சமரில் தாரகனைக் கொன்றழித்த குகனை
பஞ்சஞ்சு மெல்லடியாள் வள்ளி மணாளனை
அஞ்சேலென்றபயகரம் நீட்டும் ஆறுமுகனை
No comments:
Post a Comment