அழைத்து வருவாயே…..
பல்லவி
அழைத்து வருவாயே அண்ணல் நாராயணனை
கழலடி பணிந்தவனை சுமந்திடும் கருடனே நீ
அனுபல்லவி
மழை தடுக்க க்குன்றமேந்தி நின்ற மாதவனை
அழைத்தவுடன் ஓடிவந்து கஜேந்திரனைக் காத்தவனை
சரணம்
சுழல் சக்கரமும் சங்கும் கதையும் கைவாளும்
அழகு சாரங்கமும் கையிலேந்தி நிற்பவனை
அழலேந்தும் நெற்றிக்கண்ணன் நேசனை
குழலோனெனப் பெயர் கொண்ட கேசவனை
No comments:
Post a Comment