வேணுகோபாலனை……
பல்லவி
வேணுகோபாலனை மாலனைக் கேசவனை
வேணுகானலோலனைக் கண்டு மனம் களித்தேன்
அனுபல்லவி
சாணூரனை மாய்த்த பாலகோபாலனை
ஆணழகன் கண்ணனைக் மதுசூதனனை
சரணம்
நாணம் மறந்த கோபியரின் மனம் கவர்ந்த
நீலவண்ணனை தாமோதரனை
தூணினைப் பிளந்து வந்து இரணியனை வதைத்த
மாலோலனை அழகு மாதவனை ஶ்ரீதரனை
“ சுகமாகத்தூக்கும் சுமை”
அகவை பன்னிரெண்டைத்தாண்டாத போதும்
முகவரியென்றெதுவும் இல்லாத நிலையிலும்
புகலிடம் தேடிடும் வேளையும் நீயெனக்கென்றும்
சுகமாகத் தூக்கும் சுமை
கரம் குவித்து சிரம் தாழ்த்தி…..
பல்லவி
கரம் குவித்து சிரம் தாழ்த்தி பரமேச்வரியை
அறம் வளர்த்த நாயகியை பதம் பணிந்து துதித்தேன்
அனுபல்லவி
வரம் தரும் கரமும் அபயகரமும் நீட்டும்
தர்மாம்பிகையை கேசவன் சோதரியை
சரணம்
அரனெனும் ஐயாறப்பன் மனங்கவர் நாயகியை
புரமெரித்த திரிபுர சுந்தரியை சங்கரியை
இரவு பகலளிக்கும் சூரியசந்திரர் பணிபவளை
அரவுடனுறவாடும் அகிலாண்டேச்வரியை
துரிதம்
நரர் சுரர் சுரபதி ஶ்ரீபதி பசுபதி ரதிபதி
சரச்வதியின் பதி கணபதி
தேவசேனாபதி தனங்களின் அதிபதி
அனைவரும் வணங்கிடும் லலிதாம்பிகையை
கிழிந்த காகிதம்போல்…..
பல்லவி
கிழிந்த காகிதம்போல் கிடந்திடுமெனது இந்த
இழிந்த நிலை கண்டு இரங்காததேன் ராமா
அனுபல்லவி
விழி வைத்துனைப் பார்த்து தினம் துதி்த்தலல்லாது
பழி பாவமேதும் நான் மனமறிந்து செய்ததில்லை
சரணம்
மொழி மதமினமென வித்தியாசம் கண்டதில்லை
இழி செயல் குழி பறித்தல் துரோகம் புரிந்ததில்லை
வழி தவறி நடந்ததில்லை எவரையும் வஞ்சிக்கவில்லை
எழிலனுனைத் தொழுவதன்றி வேறேதும் செய்ததில்லை
கோடிவினை தீர்க்கும்….
பல்லவி
கோடிவினை தீர்க்கும் கோதண்ட ராமனே உனை
பாடித்துதித்தேன் வலியிடர் நீங்கிடவே
அனுபல்லவி
நாடித்துதித்திடுமடியார்க்கெல்லாம்
ஓடி வந்து உதவிடும் கேசவனே மாதவனே
சரணம்
தேடித்தேடி உனை வணங்கிடுமென்னை
வேடிக்கையாக நீ பார்த்திருப்பதேனோ
ஈடிணையில்லா பரம் பொருள் நீயே
ஆடிக்களைத்தேன் இனி ஆடமுடியாது
I salute day and night the goddess who is darling of Padmanabha,
Who has lotus like eyes, who lives in lotus,
Who has a pretty face like a fully open lotus and who holds a lotus.I meditate on the sister of the moon , who has a face like a full moon,Who wears divine gem studded ornaments and who shows, Blessing and protection by her two hands
I always meditate that Goddess who has the form of pleasure and salvation,
Who takes that form which is dear to the God, Who is the form of divine joy,
Who knows everything , who is the mother of all,
Who lives on the chest of Lord Vishnu and who is very merciful.
கமலநாபன்…..
பல்லவி
கமலநாபன் கேசவன் நாயகியின்
கமல கரத்தாளின் கமல பதம் பணிந்தேன்
அனுபல்லவி
கமல மலரமர் கமலக்கண்ணியின்
அமரருமிந்திரனுமனைவரும் வணங்கிடும்
சரணம்
பூரண நிலவொத்த அழகு முகத்தாளின்
வரதாபய கரம் காட்டும் கரத்தாளின்
கரங்களில் கழுத்தில் ஆபரணமணிந்தவளின்
திருவென்னும் பெயராளின் சந்திர சோதரியின்
பக்தியும் முக்தியும் தரும் சக்தி தேவியின்
உக்தியுடனனந்தன் விரும்பும் வடிவெடுக்கும்
சக்தியானவளின் திருமால் மார்பிலுறை
உத்தமியின் தாயார் மகாலக்ஷ்மியின்
ध्यानम्-
पद्मनाभप्रियां देवीं पद्माक्षीं पद्मवासिनीम् ।
पद्मवक्त्रां पद्महस्तां वन्दे पद्मामहर्निशम् ॥ १॥
पूर्णेन्दुवदनां दिव्यरत्नाभरणभूषिताम् ।
वरदाभयहस्ताढ्यां ध्यायेच्चन्द्रसहोदरीम् ॥ २॥
इच्छारूपां भगवतस्सच्चिदानन्दरूपिणीम् ।
सर्वज्ञां सर्वजननीं विष्णुवक्षस्स्थलालयाम् ॥ ३॥
दयालुमनिशं ध्यायेत्सुखसिद्धिस्वरूपिणीम् ।
பத்³மநாப⁴ப்ரியாம் தே³வீம் பத்³மாக்ஷீம் பத்³மவாஸிநீம் ।
பத்³மவக்த்ராம் பத்³மஹஸ்தாம் வந்தே³ பத்³மாமஹர்நிஶம் ॥
பூர்ணேந்து³வத³நாம் தி³வ்யரத்நாப⁴ரணபூ⁴ஷிதாம் ।
வரதா³ப⁴யஹஸ்தாட்⁴யாம் த்⁴யாயேச்சந்த்³ரஸஹோத³ரீம் ॥
இச்சா²ரூபாம் ப⁴க³வதஸ்ஸச்சிதா³நந்த³ரூபிணீம் ।
ஸர்வஜ்ஞாம் ஸர்வஜநநீம் விஷ்ணுவக்ஷஸ்ஸ்த²லாலயாம் ।
த³யாளுமநிஶம் த்⁴யாயேத்ஸுக²ஸித்³தி⁴ஸ்வரூபிணீம்
ஶ்ரீகோமளவல்லிதாயார்திருவடிகளேசரணம்🙏🙏🙏
இடது கையில் அழகான சக்கரம் ஏந்தியவரே! கஜேந்திரன் என்னும் யானையைக் காத்தவரே!
முதலையின் சாபத்தைப் போக்கியவரே! கருணை நிறைந்த கண்களைக் கொண்டவரே! அழகு மிகுந்தவரே!
பிரத்யும்னன் என்னும் மன்மதனைப் பிள்ளையாகப் பெற்றவரே! பட்டு, பீதாம்பரம் அணிந்தவரே!
பக்தரைக் காப்பவரே! அர்ஜுனனின் தேரோட்டியாக வந்தவரே! உம்மை வணங்குகிறேன்.
கடல் நடுவே…..
பல்லவி
கடல் நடுவே கிடந்துறங்கும் ஶ்ரீமன் நாராயணனை
அடலேறென விளங்கும் கேசவனைப் பணிந்தேன்
அனுபல்லவி
படமெடுத்த பாம்பணைமேல் பள்ளிகொண்ட திருமாலை
குடமாடும் கூத்தனை கோவிந்த ராஜனை
சரணம்
இடக்கையில் அழகிய சக்கரமேந்தியவனை
முதலை சாபம் நீக்கி யானையைக்காத்தவனை
மதலையென மன்மதனையீன்ற அழகனை
பார்த்தனுக்கு சாரதியாய் வந்த மாதவனை
வாமே கரே சாரு சக்ரம் வார
ணேந்த்ரார்த்த ஸஞ்சின்ன ஸம்ஸப்த நக்ரம்!
காருண்யஸம் பூர்ண நேத்ரம் ஸ்வீய
ஸௌந்தர்ய ஸம்பூர்ண காமாக்ய புத்ரம்!
ஸ்ரீபார்த்த ஸாரத்ய வேஷம் பீத
வஸ்த்ராதிபூஷம் பஜே பக்த போஜம்!
ஶ்ரீபார்த்தசாரதிபெருமாள்திருவடிகளேசரணம்🙏🙏🙏
கோதை வடிவெடுத்த…..
பல்லவி
கோதை வடிவெடுத்த கோவிந்தனைப் பணிந்தேன்
கீதையை ஓதிய கேசவனை மாதவனை
அனுபல்லவி
ராதையின் காதலனைக் கண்ணபெருமானை
பேதை ருக்மிணியின் கரம் பிடித்த யாதவனை
சரணம்
சீதையை மணமுடித்த ஶ்ரீராமச்சந்திரனை
தாதையின் சொல் கேட்டுக் கானகம் சென்றவனை
மேதைமை பெற்றவனை பஞ்சவர் போரில் வெல்ல
பாதையமைத்தவனை ஶ்ரீமன் நாராயணனை
பல்லவி
பட்டாபி ராமனை தசரத குமாரனை
எட்டெழுத்தானை உளமாரத் துதித்தேன்
அனுபல்லவி
பட்டாடையணிந்தவனை வட்டநிலா முகத்தானை
சுட்ட செங்கல் மீது நிற்கும் பாண்டுரங்க விட்டலனை
சரணம்
அட்டாலும் சுவை குன்றா பாலைப்போலிருப்பவனை
சுட்டாலும் வெண்மை தரும் சங்கினையொத்தவனை
கெட்டலையுமென் மனத்தை சீர் திருத்த வேண்டி
மட்டவிழ் மலர் தூவிப் பாதம் பணிந்து
கண்ணனே…..
பல்லவி
கண்ணனே உந்தன் கழலடி பணிந்தேனே
எண்ணமெல்லாம் நீயே எனையாட்கொள்வாயே
அனுபல்லவி
மண்ணையுண்ட வாயனே மாதவனே கேசவனே
பண்ணிசைத்துனைப் பாடிப் பரவசமடைந்தேன்
சரணம்
கண்டு கொள்ளாதவர்க்கேன் கண்ணீர் விட வேண்டும்
செவி சாய்க்காதோர்க்கு என்ன சொல்லி என்ன பயன்
அழவைத்த மனிதரிடம் ஆறுதல் தேடுவதேன்
உதறித் தள்ளியவர் மேல் உயிர் வைத்துப் பயனில்லை
சர்வமும் நீயே…….
பல்லவி
சர்வமும் நீயே சமயபுரம் மாரியே
சர்ப்பக்குடை கீழமர்ந்து அருளாட்சி செய்பவளே
அனுபல்லவி
தர்மம் தழைத்திட தரணியிலவதரித்த
சர்வலோக நாயகியே கேசவன் சோதரியே
சரணம்
கர்வமின்றி உனைப் பணியும் பக்தருக்கெல்லாம்
நற்பலனளித்திடும் கற்பக தருவே தாயே
நிர்மல நிர்குண பரம் பொருளே தேவி
அற்பனெனை நீயே ஆண்டருள்வாயே
அரவணை மீதமர்ந்து….
பல்லவி
அரவணை மீதமர்ந்து காட்சியளித்திடும்
பரதேவி கோமளவல்லியைப் பணிந்தேன்
அனுபல்லவி
மரகதவண்ணன் சாரங்கன் மார்பிலுறை
திருமகளை கமல மலர்க் கரத்தாளை
சரணம்
வரம் தரும் கரமுமபய கரமும் நீட்டும்
பரமகல்யாணியை தேவி பார்கவியை
நரர் சுரர் நாரதரிந்திரன் பணிந்திடும்
அரங்கநாயகியை சமுத்திரகுமாரியை
கண்ணாரக் கண்டு…….
பல்லவி
கண்ணாரக் கண்டு மனமாரத்துதிக்க
பண்ணாரியம்மன் அருள் வேண்டித் துதித்தேன்
அனுபல்லவி
அண்ணாமலையான் சிவபெருமான் நாயகி
கண்ணபெருமான் ஆதி கேசவன் சோதரி
சரணம்
விண்ணும் மண்ணும் உலகேழும் படைத்தவள்
கண்ணபுரத்தாளவளே கருமாரியுமவளே
புண்ணியம் செய்தோர்க்குக் கண்ணெதிரில் காட்சி தரும்
தண் மதி முகத்தாளைத் தாமரை மலர்கரத்தாளை
திருமுக தரிசனம்….
பல்லவி
திருமுக தரிசனம் தருவாயீச்வரியே
கரிமுகன் அன்னையே கேசவன் சோதரியே
துரிதம்
அரனயனரியுமமரரும் முனிவரும்
சுரபதி மதனும் வணங்கிடும் தாயே
அனுபல்லவி
வருமிடர் காப்பவளே வாராகி நீயே
கருநிறத்தவளே கருமாரியும் நீயே
சரணம்
எருமை முகம் கொண்ட மகிடனை மாய்த்தவளே
தரும நெறி காக்க தரணியிலவதரித்த
பெருமையுடைவளே திரிபுரசுந்தரியே
அருகிருந்துனையே துதிக்கும் எனக்கு உன்
கண்ணார கண்டேன் கண்ணனை -2 பல தடைகளை தாண்டி நுழைவாயில் உள்ளே சென்று மீண்டும் ஒரு செக் . ஆம் . சீவேலி . ஆகையால் உள் பிரகாரத்தில் ஒதுங்கி நின்றபோது சின்னகுயில் சித்ராவை பார்த்தோம்.
நீண்ட தந்தங்களுடனான பெரிய யானை சன்னதிக்கு நேரே வந்து நின்றது . சில பூஜைகள் நடைபெற்றது. கூட்டம் அதகம் ஆகையால் அடியேனுக்கு சரியாக தெரியவில்லை. சிறிது நேரத்தில் யானை தனது கால்களை மடித்து நம்பூதிரி ஏற லாவகமாக நின்றது . உள்ளிருந்து வந்தான் குருவாயூரப்பன். ஆஹா யானை மீது ஒய்யாரமாக குட்டி கிருஷ்ணன் ஆனந்தமாய் மந்தஹாச புன்னகை தவழ , அந்த தாமோதரனை அணைத்தபடி நம்பூதிரி . இவர்களை ஆனந்தமாய் சுமந்தபடி அசைந்தாடி கஜராஜன் நடை போட , கண் கொள்ளை காட்சி . இவர்களுக்கு முன் விளக்கேந்தியபடி ஒருவரும் பின்னே இருவரும் வந்தனர் . இவர்களை மக்கள் ஹரே ராம ஹரே கிருஷ்ணா என்று சொல்லிக்கொண்டே தொடர்ந்தனர். அடித்த வெயிலை யாரும் கண்டுக்கொள்ளவே இல்லை. கால்கள் அவன் பின்னால் தானாக நடைப்போட்டன. நாம கோஷம் முழங்க குருவாயூரப்பன் வருவது மெய்சிலிர்க்க வைத்த தருணம். மிக அருகில் சிறிய உற்சவ மூர்த்தியை நான்கு திருக்கரங்கள் இடக்கையில் சங்கு ஏந்தி வலக்கையில் சக்கரமும் ஏந்தி ஒத்த மாலை கழுத்தில் கதாயுதம் தாங்கி இடுப்பில் அரைஞாண் கயிறு இசைபாட மூன்று அடுக்கு குடையின் கீழ் ,வெயில் பட்டு தங்கம் மேலும் ஜொலிக்க மந்தஹாச புன்னகை தவழ வந்து என் நெஞ்சில் குடிபுகுந்தான் அச்சுதன். ( எத்தனை தடங்கல்கள் . அத்தனைக்கும் பதிலாக இந்த புறப்பாடு தரிசனம் பாக்கியம் பரம பாக்கியம். வீடியோவில் உள்ள காட்சியை கண்ணால் மட்டும் படம் பிடித்தேன் . நேரில் கண்டேன். வீடியோ உபயம் குகூள்) பிரதட்சணம் முடித்து கலைத்து போய் உள்ளே போக, பதினைந்து நிமிடத்தில் பொது மக்களை தரிசிக்க உள்ளே அனுமதித்தனர். குட்டி கிருஷ்ணாவுக்கு திருமஞ்சனம் . அதனால் திரு ஆபரணங்கள் சார்த்தவில்லை . கண்ணார கண்டு நெஞ்சார உண்டு வாயார கதறினேன் கண்ணா கண்ணா .அங்கேயும் துவாரபாலகர்கள் போல இரண்டு லேடீஸ் வா அம்மே என்று கை பிடித்து இழுத்து தள்ள கணபதி சன்னதியில் விழுந்தேன் . அதில் ஒருவர் மட்டும் கொண்டு போன வெண்ணெய் உருகுவது கண்டு துடைக்க துணிக் கொடுத்தார்.
கணபதியை சேவித்து கொஞ்சம் நகர்ந்தால் நம்ம ரெங்கன் ஒய்யாரமாக பூதேவி தாயார் மடியில் தலை வைத்து சயனம் . திருவடியில் ஸ்ரீதேவி தாயார். பரிவார தேவதைகளுடன் காட்சி . எங்கு சுத்தினாலும் ரெங்கனை சேவி . அது இது தானா . பொறுமையா நின்னு நிதானமா சேவித்து வெளியே வர தாமரை கண்ணனை கண்டோ என சேச்சி விளிக்க அது எதானோ என்று தேட சிக்கவே இல்லை. பார்த்தால் சுவரில் சித்திரமாக "யான் இங்குண்டு "என சிரிக்கிறான் கள்ளன். திருப்தியா சேவித்து உள் பிரகாரம் விட்டு வெளி வந்து கொஞ்சம் மூச்சு விட்டோம் .
பகவதி அம்மன் சேவித்து மீண்டும் லைன். முதல்லேருந்தா ..........
பிகு : நீங்களும் என்னுடன் சேவிக்க நினைத்து ஏதோ பகிர்நதுள்ளேன். யானைகளின் பெயர்கள், உற்சவத்தின் பெயர் இன்னும் நிறைய தெரிந்துக்கொள்ள ஆசை உங்கள் உமா என்கிற சரண்யா, ஸ்ரீரங்கம்
கண்ணன்…..
பல்லவி
கண்ணன் குருவாயுரப்பன் பவனிவரக்கண்டேன்
கண் முன்னே ஒளிவடிவில் காட்சி தரும் கேசவன்
அனுபல்லவி
பண்ணிசையும் மேள தாளங்களும் முழங்க
மண்ணையுண்ட வாயன் தண்மதி முகத்தோன்
சரணம்
அண்ணாந்து பார்க்கும் வண்ணம் அழகிய கஜராஜன்
சன்னிதியின் முன் நிற்க அதிலேரி நம்பூதிரி
தன் கரத்தில் தாங்கும் குருவாயுரப்பனெனும்
சின்னக் கண்ணனழகுடனே கொலுவிருக்க
முன்னே விளக்குடனும் பின்னே இருவர் வர
நாராயணாவெனும் நாம முழக்கங்களுடன் வர
அருகில் உற்சவர் நான்கு திருக்கரங்களுடனே
சங்கு சக்கரமும் கதையும் கரத்திலேந்தி
இடுப்பில் அரைஞாண் அழகுடனிசைபாட
அடுக்கடுக்கான மூன்று குடையின் கீழ்
தங்கப் பட்டாடை வெயிலில் பள பளக்க
அங்கம் தக தகக்க வருமந்த அச்சுதன்
கலாரசிகனே……
பல்லவி
கலாரசிகனே கண்ணனே கேசவனே
நிலாத்துண்ட திங்கள் துண்டத்தாயுனைப் பணிந்தேன்
அனுபல்லவி
அலாதியானவனே அனந்தசயனனே
நிலாவின் கலையணிந்த உமையாள் சோதரனே
சரணம்
பலா பலன்களை நிர்ணயிக்கும் பரமனே
சிலாதோரணமமைத்தத் திருமாலே
துலாபாரம் பெற்று குறைகள் தீர்ப்பவனே
தலங்களுள் சிறந்த காஞ்சியிலுறைபவனே
அரங்கனும் நீயே…..
பல்லவி
அரங்கனும் நீயே ஆதி கேசவனும் நீயே
பரந்தாமனே ஶ்ரீராமா உனைப்பணிந்தேனே
அனுபல்லவி
கரங்களில் கோதண்டமேந்தி நிற்பவனே
மராமரமேழும் ஒரு கணையால் துளைத்தவனே
சரணம்
சரணாகதவத்சலனெனும் பெயர் கொண்டவனே
மரகதவண்ணக் கண்ணனும் நீயே
அரன் போற்றுமழகிய திருநாமமுடையவனே
பரம் பொருள் ஶ்ரீமன் நாராயணனும் நீயே
உற்றதுணை நீயே…..
பல்லவி
உற்ற துணை நீயே ஶ்ரீ ரகு ராமா
மற்றனைத்தும் பயனில்லை மரகதவண்ணனே
அனுபல்லவி
பொற்றாமரைக் கரத்தாள் ஜானகி மணாளனே
வற்றாத கருணைக் கடலே கேசவனே
சரணம்
நற்றவ முனிவரும் ஞானியரும் யோகியரும்
பற்றற்றவரும் மற்றோரும் போற்றும்
குற்ற மற்ற குணவானே கோதண்ட ராமனே
பற்றினேனுன் பதம் பரிந்தெனக்கருள்வாய்
கார்த்திகேயன் தமயனை…..
பல்லவி
கார்த்திகேயன் தமயனை கணபதியை
பார்த்தேன் ரசித்தேன் பாடித்துதித்தேன்
அனுபல்லவி
நேர்த்தியுடன் அழகு சிலை வடிவாய் நிற்கும்
பார்வதி மைந்தனை கேசவன் மருகனை
சரணம்
நாற்திசையும் புகழ் விளங்கும் கீர்த்திமிகு கரிமுகனை
கூரான அங்குசமும் பாசமும் வைத்திருப்பவனை
ஆர்த்தெழுந்த அரக்கன் கஜமுகனை வதைத்தவனை
பார்த்தெனக்குமருள் புரிய வேண்டுமென வணங்கி
தாயே கௌரி……
பல்லவி
தாயே கௌரி தயாபரி பணிந்தேன்
நீயே எனக்கருள்வாய் ஏகாம்ப்ரேச்வரி
அனுபல்லவி
மாயே மரகதமே கேசவன் சோதரி
தீயேந்தும் நெற்றிக் கண்ணன் நாயகி
சரணம்
ஆயிரம் நாமம் கொண்ட திரிபுரசுந்தரி
சேயெனவே நினைந்து ஓயாதுனைத் துதித்தேன்
தாயினும் மேலான தயவளிப்பவளே
தூயவளே காமாக்ஷி துயர் துடைக்கும் தேவி
கனகசபேசா…….
பல்லவி
கனக சபேசா கைலாசவாசா
உனையே துதித்தேன் எனக்கருள் புரிவாய்
அனுபல்லவி
உனதருளாலன்றோ உலகமியங்குவது
வனமாலையணிந்த கேசவன் நேசனே
சரணம்
அனங்கனையெரித்த அரனே சிவனே
சனக சனந்தனர் பணிந்திடுமீசனே
கனக சைலமுறை காமாக்ஷி நாயகனே
உனதருள் இல்லையேல் உலகமுய்யுமோ
அவனே இவனே…….
பல்லவி
அவனே இவனே என்றுனைப் பாடித்திரியும்
இவனைக் காத்தருள்வாயே சாம்ப சதாசிவனே
அனுபல்லவி
புவனம் பதினான்கையும் ஆண்டருளுமீசனே
புவனமுண்டுமிழ்ந்த கேசவன் நேசனே
சரணம்
தவனம் மரிக்கொழுந்து கொன்றையணிந்தவனே
உவகையுடனுமைக்கு ஒரு பாதியளித்தவனே
குவலயம் கொண்டாடும் ஓங்காரப் பொருளே
பவ பயம் நீக்கிடும் பரமேச்வரனே
சாம்ப சதாசிவ சாம்ப சதாசிவ
சாம்ப சதாசிவ சாம்ப சிவா
திருமாலின் முக்கியமான பன்னிரு நாமங்களில் ஒன்பதாவது பெயர் ஸ்ரீதரன். குருக்ஷேத்திரப்போர் முடிந்தபின், பீஷ்மர்,மன்னனான தர்மருக்கு, பல நீதிகளையும் சொல்லி, முடிவில் விஷ்ணு சஹஸ்ரநாமம் என்ற அரிய தோத்திரத்தையும் சொல்லி வைக்கிறார். அதில் விஷ்ணுவின் ஆயிரம் நாமங்கள் பட்டியலிடப்படுகின்றன.
ஸ்ரீதரன் என்றபெயர் 610-வது பெயராக வருகிறது. ‘லட்சுமி’ தேவியைத் தாங்குபவர் என்பது பொருள். எல்லா உயிர்களுக்கும் தாயாக இருப்பவள் மகாலட்சுமி. ‘மணிக்கு ஒலி போலவும், மலருக்கு மணம் போலவும், மதிக்கு நிலவு போலவும், அமுதத்திற்குச்சுவை போலவும், இயற்கையாகவுள்ள தொடர்பினால் எப்போதும் லட்சுமியைச் சேர்ந்திருப்பவர்’ என்று இராமனுஜரின் முதன்மைச் சீடரான கூரத்தாழ்வாரின் மகனான, பராசர பட்டர் உரை எழுதுகிறார்.
திருமகளைத் திருமார்பில்…..
பல்லவி
திருமகளைத் திருமார்பில் தாங்கும் ஶ்ரீதரனின்
திருமாலின் கேசவனின் திருவடியைப் பணிந்தேன்
அனுபல்லவி
பெருமைக்குரிய நாராயணனுமவனே
அருமாகடலமுதன் அனந்தபத்மனாபன்
சரணம்
மணிக்கு ஒலியெனவும் மலருக்கு மணமெனவும்
மதிக்கு நிலவெனவும் அமுதத்தின் சுவையெனவும்
கதியவன் பதமெனத் துதிக்குமடியார்க்கு
நிதியென அவனருளை அள்ளி அளித்திடும்
அன்னையே……
பல்லவி
அன்னையே ஶ்ரீ லலிதாம்பிகையே
உன்னையே துதித்தேன் எனக்கருள் புரிவாய்
அனுபல்லவி
முன்னைப் பழம் பொருளே மூவருக்கும் முதலே
சென்ன கேசவன் சோதரி மாயே
சரணம்
பன்னிரு ராசி தேவதைகளும் நீயே
மின்னும் முக்கிய நட்சத்திரங்களும் நீயே
இன்னுமெதிர் காலம் சொல்லும் கோள்களும் நீயே
உன்னையன்றி வேறு பரம்பொருள் உலகிலில்லை
சுந்தர வரதராஜனை…….
பல்லவி
சுந்தர வரதராஜனைத் துதித்தேன்
மந்தர மலை கொண்டு வங்கக்கடல் கடைந்த
அனுபல்லவி
அந்தமுமாதியுமில்லாத தேவனை
உந்தி கமலப் பெருமானைக் கேசவனை
சரணம்
சந்திரனுக்கருளிய ராமச்சந்திரனை
நந்த குமாரனை நவநீத சோரனை
இந்திரன் நரர் சுரர் நாரதர் நான்முகன்
வந்தனை புரிந்திடும் ஶ்ரீமன் நாராயணனை
குருவாயுரப்பனெனும்…..
பல்லவி
குருவாயுரப்பனெனும் திருமாலைத் துதித்தேன்
பெருமானே முகுந்தா எனக்கருள வேண்டுமென
துரிதம்
பாவலர் பண்டிதர் நாரதர் நான்முகன்
தேவர்களிந்திரன் யாவரும் வணங்கும்
அனுபல்லவி
அருமாகடலமுதனவன் ஆதிகேசவன்
பெருமைக்குரிய ஶ்ரீமன் நாராயணனவனே
சரணம்
வருமிடர் தீர்த்தெனை வாஞ்சையுடன் காக்கும்
அனந்தபத்மனாபனும் அச்சுதனுமவனே
திருமலையில் வீற்றிருக்கும் கோவிந்தனுமவனே
இருவினைப் பயன் நீக்கும் வாசுதேவனவனே
रामः कमलपत्त्राक्ष: सर्वसत्त्वमनोहरः। रूपदाक्षिण्यसम्पन्नः प्रसूतो जनकात्मजे।।
ராம: கமல பத்ராக்ஷ: ஸர்வ ஸத்வ மனோஹர: ரூப தாக்ஷிண்ய ஸம்பன்ன: ப்ரஸுதோ ஜனஹாத்மஜே
அழகன் ஶ்ரீராமன்……
பல்லவி
அழகன் ஶ்ரீராமன் கமலக்கண்ணன்
அழகு முகம் கண்டு மனம் பரிகொடுத்தேன்
அனுபல்லவி
எழில் மிகு தடாகமென விளங்குமவன்
சுழலும் கண்களுக்குள் விழுந்து மூழ்கினேன்
சரணம்
நிழல் தரும் மரமென பணிந்தோர்க்கருள்பவன்
பழகுதற்கு எளிவன் இனியவன் கேசவன்
கழலடி பணிந்தோரின் சஞ்சலம் களைபவன்
குழலாள் ஜானகியை கண்டனுமனிதைச்சொன்னான்
வீடுகளில் காப்புக்கட்டப்படுகிறது. பெண்கள் வீதிகளை அடைத்துக் கோலமிடுகிறார்கள். உற்றார் உறவினர்கள் எல்லாம் திருவிழாவினைக் காண ஊர் விட்டு ஊர் செல்கிறார்கள். பூச்சொரிதல் விழாக்காலங்களில் ஆயிரக்கணக்கான பக்தர்கள் கோவிலில் கூடுவர். நிறைய மணமுள்ள மலர்களைக் கொணர்ந்து மூலவரான பெண் தெய்வங்கள் மேல் சொரிந்து வணங்குவர்.
விரதமிருந்து வழிபடுதல், சக்திக்கரகம் அழைத்தல், முளைப்பாரி ஊர்வலம், பால்குட ஊர்வலம், தீச்சட்டி ஏந்துதல், தீ மிதித்தல், அலகு குத்துதல் போன்ற நேர்த்திக்கடன்களும் இங்கு நிறைவேற்றப்படுகின்றன. கோவில்களில் தேரோட்டம், பூம்பல்லாக்கு, தெப்பம் போன்ற நிகழ்வுகளும் நடைபெறுகின்றன. தண்ணீர்ப்பந்தல்கள் மற்றும் அன்னதானம் எல்லாம் உண்டு.
சமயபுரம் மாரியை…..
பல்லவி
சமயபுரம் மாரியை பூச்சொரிதல் காண்பவளை
உமயாளைக் கேசவன் சோதரியைத் துதித்தேன்
துரிதம்
நாயகி, நான்முகி, நாராணி, சாயகி,
வாயகி, மாலினி, வாராகி, சூலினி,
சாம்பவி, சங்கரி, சாமளை,ஆயகி,
மாலினி,சூலினி, வாராகி என்னும்
அனுபல்லவி
இமவான் மகளவளே கயிலைநாதன் நாயகி
குமரன் கணபதியை ப்படைத்த மகேச்வரி
சரணம்
வீதியெங்கும் கோலங்கள் விழாக்கோலாகலங்கள்
பாதி மதியணிந்த சுந்தரியின் பூம்பல்லாக்கு
முளைப்பாரி,பால் குடம், தீச்சட்டி ஊர்வலம்
தீ மிதி,அலகு குத்தல், தெப்பம், தேரோட்டம்
சக்திக் கரகமுடன் நேர்த்திக் கடன் வழிபாடு
தண்ணீர் பந்தல்கள், அன்னதான ஏற்பாடு
அத்தனை கொண்டாட்டங்களும் சிறப்புடன் நடைபெற
பச்சைப் பட்டினியேற்று விரதங்கள் காணும்
