பாதாதிகேசம்
பல்லவி
ஆதி கேசவனை மனமாரத்துதிதேன்
மயூரவல்லி மனங்கவர் நாதனை
அனுபல்லவி
மேதினியில் சிறந்த திருமயிலைத் தலத்திலங்கும்
மாதவனைத் திருமாலை மதுசூதனனை
சரணம்
வேதியர் ஓதிடும் வேதப்பொருளை
பாதாதி கேசம் பார்த்து மகிழ்ந்தேன்
மாதா திருமகளை மார்பினில் வைத்திருக்கும்
நாதன் திருவடியை சரணமடைந்தேன்
பாதம் கமலம் கேசவா உனது
பாதம் தாங்கும் கால்களும் கமலம்
யாதவனவனிரு முழந்தாள் கமலம்
மாதவன் தொடைகளும் இடையும் கமலம்
ஏதமிலாதான் உதரம் கமலம்
உதரம் தாங்கும் உந்திகமலம்
கோதையமர்ந்திருக்கும் திருமார்பும் கமலம்
சீதரன் தோள்களும் கழுத்தும் கமலம்
தீதறு முகம் கமலம் செம்பவள வாய் கமலம்
ஆதவச்சந்திரக் கண்களும் கமலம்
காது மடல்களும் நாசியும் கமலம்
சீதக் குழலும் கொண்டையும் கமலம்
பாதி சந்திர நுதலும் கமலம்
ஓதக்கடலில் பள்ளிகொண்டிருக்கும்
பூதலம் போற்றும் வைகுண்ட வாசன்
பாதாதிகேசமனைத்தும் கமலம்
No comments:
Post a Comment