வேங்கடம்
பல்லவி
திருவேங்கடத் துறையும் திருமாலே கோவிந்தா
கருமா முகில் வண்ணா கமலபதம் பணிந்தேன்
அனுபல்லவி
அருமறைகள் போற்றும் கேசவனே மாதவனே
திருவுறை மணிமார்பா தீன சரண்யனே
சரணம்
பெருமை தரும் பேரரச பதவியும் பட்டமும்
பொருள் புகழ் போகம் எதுவும் வேண்டேன்
திருமலையில் ஓடுகின்ற பூம்புனலாய் விளங்கும்
அருளொன்றே போதுமென தினமுனைத்துதித்தேன்
**** **** ****
வானாளும் மாமதிபோல் வெண்குடைக்கீழ் மன்னவர்தம்
கோனாகி வீற்றிருந்து கொண்டாடும் செல்வறியேன்
தேனார்பூஞ் சோலைத் திருவேங் கடமலைமேல்
கானாறாய்ப் பாயும் கருத்துடையே னாவேனே
(Kulasekara Azhwar)
No comments:
Post a Comment