தண்மதி பிறையணிந்த…..

                                               தண்மதி பிறையணிந்த…..

                                                      பல்லவி

                                       தண்மதி பிறையணிந்த அம்பிகையுனையே

                                       எண்ணத்திலிருத்தி மலர்த்தாள் பணிந்தேன்

                                                         துரிதம்

                                       சுரபதி பசுபதி சரச்வதியின்பதி 

                                       ஶ்ரீபதி ரதிபதி  தேவ சேனாபதி  

                                       கணங்களின் அதிபதி நிதிபதி அனைவரும்     

                                       கரம் பணிந்தேத்தும் திரிபுரசுந்தரி

                                                    அனுபல்லவி      

                                       பெண்ணணங்கே பேரழகே கேசவன் சோதரி

                                       விண்ணோரும் மண்ணோரும் போற்றுமீச்வரியே     

                                                      சரணம்                                        

                                       வண்ண மஞ்சள் பூசிய வடிவான திருமுகத்தில்          

                                       திண்ணமுடன் அழகுத் திலகமிட்டு த்தலை சீவி

                                       கண்களுக்கழகுடன் அஞ்சனம் தீட்டி         

                                       கன்னத்தில் கரிய  திருஷ்டிப் பொட்டு வைத்து

                                       காதிரண்டில் குண்டலமும் வைரத்தோடுமிட்டு

                                       வெண்சங்குக் கழுத்தில் வைரமணி மாலையிட்டு

                                       பொன் மாலை பூ மலை அணிமணிகள் புனைந்து                                                                                                      

                                       தலைசீவி பின்னலிட்டு தாழம்பூவுடனே

                                       மலர்ந்த மலர் பலவுமதனுடனே சூடி

                                       நெற்றிச்சுட்டியிட்டு காதில் மாட்டலிட்டு

                                       தாமரை, மல்லிகைப் பூமாலையணிந்து

                                       இல்லாத இடுப்பில் ஒட்டியாணம் பூட்டி

                                       கமல மலர்ப் பதங்களில் செம்பஞ்சு பூசி

                                       வெள்ளிக் கொலுசுடன் மெட்டியுமிட்டு

                                       மின்னும் வைர மூக்குத்தியுடனே       

                                       என் மனக் கோயிலில் எழுந்தருள வேண்டினேன்                         

                                               

எம்மாத்திரம் அம்மா…

 

                                                எம்மாத்திரம் அம்மா…..

                                                       பல்லவி

                                      எம்மாத்திரம் அம்மா நானுந்தன் புகழ் பாட

                                      இம்மாநிலம் போற்றும் ஶ்ரீலலிதாம்பிகையே

                                                      அனுபல்லவி

                                      நம்பி நாராயணன் கேசவன் சோதரி

                                      அம்புலி பிறையணிந்த திரிபுரசுந்தரி

                                                          சரணம்                                                                                                                                                                      

                                      நான்கு முகம் கொண்ட  பிரமனுக்கியலவில்லை

                                      ஐந்து முகமுடைய சிவனாலும் முடியவில்லை

                                      ஆறுமுகனவானாலும் எடுத்துரைக்க இயலவில்லை

                                      ஆயிரம் நாவு கொண்ட சேடனும் தோற்றான்

                                      சிம்மாசனமிட்டு இருப்பதுவோ கைலாசம்

                                      பெம்மான் சிவனோ உன் மனம் விரும்பும் நாயகன்

                                      உம்பரும்  முனிரும் இந்திரனும் வணங்கிடும்

                                      அம்புயம் நீயே அகில லோக நாயகியே     

भवानि स्तोतुं त्वां प्रभवति चतुर्भिर्न वदनैः
प्रजानामीशानस्त्रिपुरमथनः पञ्चभिरपि ।
न षड्भिः सेनानीर्दशशतमुखैरप्यहिपतिः
तदान्येषां केषां कथय कथमस्मिन्नवसरः

சதுரங்கமாடிடும்……

 

                                                            சதுரங்கமாடிடும்……

                                                                  பல்லவி

                                                 சதுரங்கமாடிடும் சிவபெருமானை

                                                 சதுரங்கவல்லப நாதனைத் துதித்தேன்

                                                               அனுபல்லவி

                                                 சதுர்புஜன் கேசவனும் சதுர்முகனும் சதுர்மறையும்

                                                 எதிர் நின்று வணங்கிடும் நமச்சிவாயனை

                                                                   சரணம்

                                                  புதுப் பொலிவுடன் திகழும் ராஜராஜேச்வரியை

                                                  இதமுடன் மணந்த புஷ்பவனேச்வரனை

                                                  கதியவன் பதமென போற்றிப் பாடி

                                                  புதுப்புனல் பாமணி பாயும் பூவனூர்த் தலத்தில்

தினமுனை…..

 அல்பீய ஏவ நவமுத்பலமம்ப ஹீனா

மீனஸ்ய வா ஸரணிரம்புருஹாம் ச கிம் வா |

தூரே ம்ருகீ ததஸமஞ்ஜஸமஞ்ஜனம் வா

காமாக்ஷி வீக்ஷணருசௌ தவ தர்கயாம: ||87||.   கடாக்ஷ சதகம் !

अल्पीय एव नवमुत्पलमम्ब हीना

मीनस्य वा सरणिरम्बुरुहां च किं वा ।

दूरे मृगीदृगसमञ्जसमञ्जनं च
कामाक्षि वीक्षणरुचौ तव तर्कयामः ॥87॥

Kamaksi! Thy splendour of Thy look, we debate/ analyse; it makes

insignificant the fresh blue-lily; deprive the fish in beauty; and also

deprive the rows of lotus; the beauty of (tremulous) deer's eye is very far

in beauty; and the collyrium is unintelligible (naturally beautiful and

defeats the collvrium):4-87

தாயே! காமாக்ஷி ! உனது கடாக்ஷசோபையின் எதிரில் புதிதான நீலோத்பலமும், மீன்களின் கோர்வையும், தாமரை புஷ்பங்களும், பெண் மான் கூட்டங்களும் உயர்ந்தமையோ? எல்லாம் தாழ்ந்தவைகளே!!

                                                                தினமுனை…..

                                                                  பல்லவி

                                            தினமுனைத் துதித்தேன் காஞ்சி காமாக்ஷி

                                            எனக்கருள வேண்டுமென மலரடி பணிந்து

                                                               அனுபல்லவி

                                            சனகாதி முனிவரும் நரர் சுரரிந்திரனும்

                                            அனங்கனும் வணங்கிடும் கேசவன் சோதரி

                                                                  சரணம்

                                           உனதிரு கடைக்கண் விழிகளின் அழகு 

                                           மீன்களையும் கருநெய்தல் மலர்களின் அழகையும்

                                           மானின் மருண்ட விழிகளின் காந்தியையும்

                                           அஞ்சனமரவிந்தமனைத்தையும் மிஞ்சியது                         

கமலக்கண்ணனுன்…..

 

                                கமலக்கண்ணனுன்…..

                                        பல்லவி

                        கமலக்கண்ணனுன் கமல பதம் பணிந்தேன்

                        கமல மலர் பூத்தது போல் மேனி எழில் கொண்டவனே

                                     அனுபல்லவி

                        கமலாசனன் வணங்கும் கமலநாபனே

                        கமல மலர்க்கரத்தாள் செங்கமலம் நேசிக்கும்

                                          சரணம்                     

                        கமல மலர்க் கரத்தில் சங்கு சக்கரமேந்தும்

                        கமல முகத்தோனே மாதவனே கேசவனே

                        அமரர் முனிவர் பணி  ஶ்ரீமன் நாராயணனே

                        கமல வனம் போல் காட்சியளித்திடும்

உனையே துதித்தேன்…..

 #சௌந்தர்ய_லஹரி

த்வதந்ய: பாணிப்யாம் அபயவரதோ தைவதகண:

த்வமேகா நைவாஸி ப்ரகடித வராபீத்யபிநயா |

பயாத் த்ராதும் தாதும் பலமபி ச வாஞ்சா ஸமதிகம்

சரண்யே லோகாநாம் தவ ஹி சரணாவேவ நிபுணௌ | | (4)

Balaji Shivam இந்த சௌந்தர்யலஹரி கருத்தை ஓட்டி புகைப்படங்கள் பகிர்ந்திருந்தார். அதையொட்டிய எனது தமிழாக்க ஸ்லோகம்

மற்றெலா தெய்வம்தங்கள் #மலர்க்கரத் தபயம் காட்ட

பற்றெலாம் நீக்கும் தாயே! உன்பாதம் அதையும் தாண்டி

#கற்பகம்போல் நல்வரமும் காலனும் கண்டொடுங்கும்

பொற்பத #அபயம் நல்கும் போதுமென் தேவையென்ன

All deities except Thee,vouchsafe protection to devotees and grant their desires by gestures of their hands. Thou alone art not given to any such external demonstration of giving boons and shelter. It is so because Thy feet are by themselves powerful to protect those in the grip of fear and grant more than what is desired by devotees.”

त्वदन्यः पाणिभ्यामभयवरदो दैवतगणः
त्वमेका नैवासि प्रकटितवराभीत्यभिनया ।
भयात् त्रातुं दातुं फलमपि च वाञ्छासमधिकं
शरण्ये लोकानां तव हि चरणावेव निपुणौ ॥ ४॥

                                              உனையே துதித்தேன்…..

                                                         பல்லவி

                                            உனையே துதித்தேன் திரிபுரசுந்தரி

                                            எனையாண்டருளென மலர்ப் பதம் பணிந்து

                                                        அனுபல்லவி

                                            நினைப்பவர்க்கருளும் கேசவன் சோதரி

                                            வினைப்பயன் நீங்கிட பவபயம் தொலைந்திட

                                                             சரணம்

                                            அனைத்து தெய்வங்களும் அபயகரம் காட்டி

                                            தனை வணங்கு மடியார்க்கு வரம் பல அளித்திட

                                            உனைப் பணிவோர்க்குன் திருவடிச் சரணமே

                                            அனைத்தையுமளிப்பது வியப்பில்லை யென்றே

 

மாதவன் கேசவன்….

कान्तस्ते पुरूषोत्तम : फणिपति :शय्यासनं  वाहनम्     वेदात्मा विहगेश्वरो ,यवनिका माया जगन्मोहिनी |     ब्रह्मेशादि सुरव्रज :सदयित :त्वत्ध्धास दासिगणा :     श्रिरित्येव च नाम ते भगवति !ब्रूम :कथं त्वां वयम् ?

Our Mother, SrI Devi surpasses in some regards Her Lord as a result of Her motherly qualities such as DayA, KshamA (forgiveness), Vaatsalya (tender, endearing affection) just as a mother feels for her children. Through Her innate udhAra svabhAva (magnanimity), She showers us with Her blessings (anugrahams) and grants us aisvaryam, Kaivalyam and Moksham, when we use our Anjali mudra to seek these anugrahams. She has in addition a unique role through Her PurushakAratvam. She intercedes with Her Lord on behalf of the sinners and recommends that the sinners be forgiven by Her Lord so that they can become the object of His grace. 

MahaLakshmi ! You are blemishless and full of auspicious qualities like intelligence, strength, wealth,extra ordinary abilities,changeless self and brilliant luminosity.

Purushotama the Bhagwan Sriman Narayana who is superior to all men is Your husband , He is the desire of Your heart.

Adi Seshan who is leader of all hooded serpents  and who is also the leader of all Nityasuris is Your sacred bed as well as Your seat of throne.

Garuda ,the personification of all Vedas and leader of all birds that fly, is Your vehicle as well as Your throne!

The amazing deeds the primieval Prakruti is capabable of doing and which induces all the people of this world to be desirious of contrasts, is within You.

A curtain of  illusion covers the realisation of this eternal being .Those who transcend this illusion will attain Mukthi.

Brahma and Siva along with their consorts and family as well as all  the Devas are your companions.

Sri is Your sacred and auspicious  name and You are full of infinitely good qualities ,

This being the fact ,how is it possible for us mere mortals to worship  and praise You in a befitting manner?

                                           மாதவன் கேசவன்….

                                                   பல்லவி

                                   மாதவன்  கேசவன் மார்பிலுறை நாயகியே

                                   பாதம் பணிந்துனைப் பாடித் துதித்தேன்

                                                   அனுபல்லவி

                                   ஆதிசேடன் மீதுறைபவளே 

                                   மாதே மகாமாயே பூதலம் காப்பவளே

                                                    சரணம்

                                   வேதநாயகன் பறவையரசன்

                                   மீதமர்ந்தே உலகை ஆண்டருள்பவளே

                                   யாதுமாகிய உனையறிந்து துதிப்பவரை

                                   சேதமின்றிக் காத்தருளும் திருவுமானவளே

                                   பாவங்கள் செய்தவர்க்கும் பரிந்தருள் புரிந்து

                                   யாவுமாகிய தன் நாயகன் ஶ்ரீதரனிடம் 

                                   ஈவிரக்கத்துடனே அவர் பங்கில் எடுத்துரைத்து

                                   நோவின்றி அவர் வாழ வழி வகுத்தவளே

       

                                   ஆதிசிவன் பிரமன் அவர்தம் துணைவியரும்

                                   சாதித்த புண்ணியரும் சுரபதியும் நரர்சுரரும்

                                   மேதினியோரனைவரும் கரம் பணிந்தேத்தும்

                                   மாதே உனைப் புகழும் அருகதை எமக்குண்டோ

                                                             

                                   

                                   

மாதரசே …….

 

                                        மாதரசே …….

                                             பல்லவி

                       மாதரசே உந்தன் பாதம் பணிந்தேன்

                       யாதுமாகி நின்ற லலிதாம்பிகையே

                                         அனுபல்லவி

                       மாதவன் கேசவன் மனம் விரும்பும் சோதரியே

                       நாதன் பரமசிவன் மனங்கவரீச்வரியே

                                            சரணம்

                      வேத புராணங்கள் போற்றும் மகேச்வரியே

                      பாதகம் செய்த பண்டாசுரனை மாய்த்தவளே

                      ஏதமெதுவுமிலா மலையரசன் மகளே

                      ஆதரவளித்திடுவாய் திரிபுரசுந்தரியே

இதுவே வைகுண்டம்….

 

                                  இதுவே வைகுண்டம்….

                                        பல்லவி 

                          இதுவே வைகுண்டம் …  எனக்கு

                          இதுவே வைகுண்டம்….

                          மதுசூதனன் திரு வேங்கடவன் வாழும்

                                      அனுபல்லவி

                          மதுர மொழியாள் அலமேலுமங்கையும்

                          பதுமாவதியும் உடனிருக்கும் திருத்தலம்

                                          சரணம்

                           பதுமநாபன் கோவிந்தன் கேசவன்

                           புதுப்பொலிவுடனே திருமலையில் எழுந்தருளி

                           பக்தருக்கருள் தர கலியுகந்தன்னில்

                           எழுந்தருளிக் காட்சி தரும்

வேடிக்கையாய்…..

 கைவல்ய திவ்ய மணிரோஹண பர்வதேப்ய:

காருண்ய நிர்ஜரபய: க்ருத மஞ்ஜனேப்ய: |

காமாக்ஷி கிங்கரித ஶங்கர மானஸேப்ய-

ஸ்தேப்யோ நமோ‌ऽஸ்து தவ வீக்ஷண விப்ரமேப்ய: ||86||

कैवल्यदिव्यमणिरोहणपर्वतेभ्यः
कारुण्यनिर्झरपयःकृतमञ्जनेभ्यः ।
कामाक्षि किङ्करितशङ्करमानसेभ्य- 
स्तेभ्यो नमो‌உस्तु तव वीक्षणविभ्रमेभ्यः ॥86॥

ஹே காமாக்ஷி ! கைவல்ய மோக்ஷமென்ற ரத்னம் விளையும் பர்வதங்களாய் இருப்பவைகளும், கருணையாகிற மலையருவியின் ஜலத்தில் முழுகியிருப்பவைகளும், பரமசிவனுடைய மனதை உடையவைகளுமான உனது கடாக்ஷ விலாஸங்களுக்கு நமஸ்காரங்கள் !

                                                         வேடிக்கையாய்…..

                                                                   பல்லவி 

                                          வேடிக்கையாய் ப்பல லீலைகள் புரிந்திடும்

                                          வாடிக்கையுடைய காமாக்ஷியைப் பணிந்தேன்

                                                                அனுபல்லவி

                                          நாடிய பேர்க்கருளும் கேசவன் சோதரி

                                          பாடியுனைத் துதித்தேன் எனக்கருள்வாயென

                                                                    சரணம்

                                         வீடெனும் வைரங்கள் விளயும் மலையாய்த் திகழும்

                                         ஓடி வரும் கருணையெனும் அருவியில் மூழ்கிடும்

                                         ஈடிணையில்லாத சிவன் மனதைக் கவருமுன்

                                         கடைக்கண் பார்வையை எனக்கருள வேண்டினேன்

                                                                                  

                                         

சதாசிவன் மகனை……

 

                                          சதாசிவன் மகனை……

                                              பல்லவி

                                 சதாசிவன் மகனை முருகனை

                                 சதா துதி மனமே தினமே

                                           அனுபல்லவி

                                 கதாதரன் கேசவன் மருகனை

                                 உதார சீலனை உமையாள் மைந்தனை

                                              சரணம்

                                 வேதங்கள் சாத்திரங்களனைத்தும் போற்றும்

                                 கீர்த்தி மிகு குமரனைக்  கார்த்திகேயனை 

                                 சாதனை பல புரிந்த சுப்பிரமணியனை

                                 பதாரவிந்தம் பணிந்து வணங்கி                                    

கருஞ்சிவப்பு

 காமாக்ஷி ஶீதல க்ருபாரஸ நிர்ஜராம்ப:-  

ஸம்பர்க பக்ஷ்மலருசிஸ் த்வதபாங்க மாலா |  

கோபி: ஸதா புரரிபோரபிலஷ்யமாணா  

தூர்வா கதம்பக விடம்பனமாதனோதி ||57||

ஹே காமாக்ஷி! உனது  கடாக்ஷத்தின்  வரிசையானது குளிர்ந்ததான உனது தயைரஸமென்ற நீர்வீழ்ச்சியின் ஜலத்தின் ஸம்பந்தத்தால் செழிப்பாயிருப்பதும், திரிபுர ஸம்ஹாரியான  பரமசிவனுடைய கண்களால்(பசுக்களால்) எப்போதும் விரும்பப்பட்டதுமான அருகம்புல்லின் ஸமத்வத்தை அடைகிறது.  

இதில் அம்பிகையின் கடாக்ஷ  மாலையை ஒரு அருகம்புல்  கூட்டத்திற்கு சமமாக வர்ணிக்கப்பட்டது. கடாக்ஷமானது சீதளமான கருணாரஸம் பாய்வதினால் செழிப்பாயும், எக்காலமும் சிவனுடைய  கோக்களால்(கண்கள்) விரும்பப்பட்டதாயும் இருப்பதால் ,  

ஸதா விழுந்து கொண்டிருக்கும்  நீர்வீழ்ச்சியின் அருகில் இருப்பதால்  செழுமையாயும், கோக்களால் (பசுக்களால் ) எப்போதும் விரும்பப்படுவதுமான அருகம்புல் வனத்திற்கு ஒப்பிடப்பட்டது!

कामाक्षि  शीतलकृपारसनिर्झराम्भः

संपर्कपक्ष्मलरुचिस्त्वदपाङ्गमाला।

गोभिः सदा पुररिपोरभिलष्यमाणा

दूर्वाकदम्बकविडम्बनमातनोति ॥५७॥

                                                           கருஞ்சிவப்பு…..

                                                                பல்லவி

                                                 கருஞ்சிவப்பு நிறத்தவளே காமாக்ஷி

                                                 தருமம் தழைத்திடும் காஞ்சியிலுறைபவளே

                                                              அனுபல்லவி

                                                 கருநீலவண்ணன் கேசவன் சோதரி

                                                 அருள் பெற வேண்டியுன் மலரடி துதித்தேன்

                                                                      சரணம்

                                                 உனது குளிர்ந்த கடைக்கண் பார்வைகள்

                                                 வனமென செழித்த புல்வெளி யாகி

                                                 திரிபுராந்தகன் விழியாம் பசுக்கள் 

                                                 விரும்பி மேய்ந்திடுமிடமாயானது

                                                 

                                                 

வளர்பிறை…..

 

                                  வளர்பிறை…..

                    வளர்பிறை என்றாலே வசந்தம் தானே

                    தேய்பிறை நாளில் வசந்தம் ஏது

                    ஓய்விலாதுழைக்கும் நிலவுக்குமோய்வுண்டு

                    மாய்ந்து மறைந்திடும் அமாவாசையன்று

                    பாய்ந்தோடும் மான் தோன்றும் முழு நிலவன்று

                    காய்ந்திடும் முழு நிலவே காதலர்க்குகந்தது

                    சாய்ந்த மூன்றாம் பிறை அனைத்திலும் சிறந்தது

                    தோய்ந்ததில் திளைப்பவர் வளம் பல பெறுவர்

#நம்பித் #துதிப்பவர்க்கு

“ஆடி ஸ்பெஷல்”

  படித்தேன்!ரசித்தேன்! பாடல் புனைந்தேன்!

            #நம்பித் #துதிப்பவர்க்கு

                     பல்லவி

         நம்பித் துதிப்பவர்க்கு இன்பமளித்திடுவாள்

         அம்பிகை மங்களநாயகி காமாக்ஷி

                  அனுபல்லவி

         செம்பொன்னரங்கன் கேசவன் சோதரி

          அம்புலி பிறயணிந்த சங்கரி கௌரி 

                         சரணம்

           சம்பு சதாசிவன் மனங்கவரீச்வரி

           கும்ப முனிக்கருள் செய்த பரமேச்வரி

            உம்பர் முனிவர் பணி திரிபுரசுந்தரி

            அம்புய மலரமர்  ஶ்ரீலலிதாம்பிகை

காமாக்ஷி……

ஹ்ருத் பங்கஜம் மம விகாஸயது ப்ரமுஷ்ண-

உல்லாஸமுத்பலருசேஸ் தமஸாம் நிரோத்தா |

தோஷானுஷங்க ஜடதாம் ஜகதாம் துனான:

காமாக்ஷி வீக்ஷண விலாஸ தினோதயஸ்தே ||58|| கடாக்ஷ சதகம்.

हृत्पङ्कजं मम विकासयतु प्रमुष्ण- 
न्नुल्लासमुत्पलरुचेस्तमसां निरोद्धा ।
दोषानुषङ्गजडतां जगतां धुनानः
कामाक्षि वीक्षणविलासदिनोदयस्ते ॥58॥

ஹே காமாக்ஷி ! உனது கடாக்ஷமாகிற  ஸூர்யோதயமானது, நீலோத்பல புஷ்பங்களின் காந்தியை தோற்கடித்தும், இருளை விலக்கியும்,  லோகங்களுடைய தோஷங்களால் ஏற்படும் ஜடத்தன்மை என்கிற குளிரையும் விலக்கி எனது இதயமாகிற தாமரையை மலரச் செய்யட்டும்!

                                                   காமாக்ஷி……

                                                        பல்லவி

                                         காமாக்ஷி உந்தன் கழலடி பணிந்தேன்

                                         தாமதமின்றி எனக்கருள்வாயென

                                                      அனுபல்லவி

                                         காமனைப் படைத்த கேசவன் சோதரி

                                         நாமகள் பூமகள்  நேசிக்குமீச்வரி

                                                           சரணம்

                                         உனதிரு கடைவிழிக் கதிரொளியாலே

                                         எனது அறியாமை இருளெனும் பனிக்குளிர்

                                         மனம் விட்டு நீங்கியென் இதயத்தாமரை

                                         தினமும் மலர்ந்திட உனதருள் வேண்டியே

அல்லும் பகலும்……

 

                                       அல்லும் பகலும்……

                                          அல்லும் பகலும்……

                                                 பல்லவி

                           அல்லும் பகலும் உனைப் போற்றி நான் பாட

                           சொல்லும் பொருளும் எனக்கருள்வாய் ஶ்ரீராமா

                                               அனுபல்லவி

                           சொல்லொன்று வில்லொன்று இல்லொன்று என்று

                           நல்ல பெயர் பெற்றவனே கேசவனே ரகுராமா

                                                 சரணம்

                            பரசுராமரின் கர்வம் தீர்த்தவனே

                            மரத்தின் பின் மறைந்திருந்து வாலியை வதைத்தவனே

                            கர தூஷணாதியரின் கதை முடித்த ராமனே

                            வரம் தந்து சபரிக்கு மோட்சமளித்தவனே

                           கல்லைக் காரிகையாய் செய்தவனே ராகவனே

                           புல்லை ஆயுதமாய்க் கொண்டவனே ரகுவரனே

                           வில்லை வளைத்தொடித்து ஜானகியை மணந்தவனே

                           பொல்லா அரக்கர்களை மாய்த்தவனே ஜெயராமா

                          

                           

                          

                          

                           

                           

அணிமாமலராள்…..

                                         

                                           அணிமாமலராள்…..

                                                   பல்லவி

                              அணிமாமலராள் அரவிந்த பதம் பணிந்தேன்

                              மணிவண்ணன் கேசவன் மார்பணியாய் விளங்கும்

                                                அனுபல்லவி

                              அணிமணிகள் தோள்வளை மலர்மாலையலங்காரம்

                              அணிந்து அழகுடனே வீற்றிருந்து காட்சி தரும்

                                                    சரணம்            

                              வணிகம் பெருகிடும்  காலச்சூழலில்

                              கணினி மயமாகிவரும் மாயா உலகில்

                              பிணியிடர் பவபயம் நீங்கிடச்செய்யவே

                               இணையடி நிழலே சதமென துணிந்து

தெள்ளிய சிங்கமாய்……..

பள்ளியில் ஓதி வந்த தன் சிறுவன் 
      வாயில் ஓர் ஆயிரம் நாமம் 
ஒள்ளிய ஆகிப் போத ஆங்கு அதனுக்கு 
      ஒன்றும் ஓர் பொறுப்பு இலன் ஆகி 
பிள்ளையைச் சீறி வெகுண்டு தூண் புடைப்ப 
      பிறை எயிற்று அனல் விழிப் பேழ் வாய் 
தெள்ளிய சிங்கம் ஆகிய தேவை
      -திருவல்லிக்கேணிக் கண்டேனே

பள்ளியில் ஓதி வந்த - பள்ளிக்கூடத்தில் வாசித்து விட்டு வீட்டுக்கு வந்த

தன் சிறுவன் வாயில் - தனது மகனான ப்ரஹ்லாதனுடைய வாயில்

ஓர் ஆயிரம் நாமம் - விலக்ஷணமான ஸஹஸ்ர நாமங்கள்

ஒள்ளிய ஆகி போத - அழகாக உச்சரிக்கப்பட்டு வர

ஆங்கு - அக்காலத்திலே

  

                                                                          தெள்ளிய சிங்கமாய்……..

                                                                                   பல்லவி

                                                       தெள்ளிய சிங்கமாய் த்தூணினைப் பிளந்து

                                                       துள்ளி வந்தானந்தக் கேசவன் மாதவன்

                                                                    அனுபல்லவி

                                                       எள்ளி நகையாடிய அரக்கனை மடி கிடத்தி

                                                       மெள்ளத் தன் நகங்களால் கீறியவன் கதை முடித்தான்

                                                                          சரணம்

                                                      பள்ளியில் பயின்று வந்த பாலன் பிரகலாதன்

                                                      தெள்ளத் தெளிவாக ஆயிரம் நாமம் சொல்ல

                                                      பிள்ளையை சீறிக் கேட்டான் அரக்கனிரணியன்

                                                      உள்ளானெங்குன் நாராயணனென்றவுடன்

தெய்வங்களின் தெய்வமாய்…..

 ஈஸானாம் ஜகதோஸ்ய வேங்கடபதேர் விஷ்ணோ: பராம் ப்ரேயஸீம்..

தத்வக்ஷஸ்தல நித்யவாசர ஸிகாம் தத்க்ஷாந்தி ஸம்வர்த்தினீம்....

பத்மாலங்க்ருத  பாணிபல்லவயுகாம் பத்மாஸனஸ்த்தாம் ஸ்ரியம்..

வாத்ஸல்யாதி குணோஜ்வலாம் பகவதீம் வந்தே ஜகன்மாதரம்.... 

ईशानां जगतोऽस्य वेङ्कटपतेर्विष्णो: परां प्रेयसीं

तद्वक्षःस्थलनित्यवासरसिकां तत्क्षान्तिसंवर्धिनीं

पद्मालंकृतपाणिपल्लवयुगां पद्मासनस्थां श्रियं

वात्सल्यादिगुणॊज्ज्वलां भगवतीं वन्दे जगन्मातरम् 

அனைத்து கடவுள்களுக்கும் கடவுளான அந்த ஏழுமலையில் வாழும் ஸ்ரீமன் நாராயணனாகிய வெங்கடேசருக்கு பிரியமானவளும், எப்பொழுதும் ஸ்ரீமன் நாராயணனின் மார்பில் உறைபவளும், திருப்தியை பெருக்குபவளும், புதிதாய் பூத்த தாமரைப் பூ போன்ற கரங்களுடன் அந்தத் தாமரை பூவிற்கே அலங்காரமாய் மென்மையான பாதங்களுடன் தாமரையில் வீற்றிருப்பவளும்,

தாய்க்கே உரித்தான அன்பு, கருணை போன்ற குணங்களுடன் விளங்கும் இந்த உலகிற்கே தாயான பத்மாவதியை வணங்குகின்றேன்.

                                                    தெய்வங்களின் தெய்வமாய்…..

                                                              பல்லவி

                                         தெய்வங்களின் தெய்வமாய்த் திகழும் வேங்கடவன்

                                         திருமார்பிலுறைபவளை கேசவன் ப்ரியசகியை

                                                             அனுபல்லவி            

                                         மெய்பொருளாய் விளங்கும் அலமேலுமங்கையை

                                         பொய்யிலாதவளைத் திருமகளை அலைமகளை

                                                                  சரணம்

                                         கமலபதம் வைத்துக் கமலாசனத்திலமர்

                                         கமலமேந்திய கமலமலர்க் கரத்தாளை

                                         கருணை அன்பு பாசமுள்ள அன்னை                                          

                                         பத்மாவதியின் மலர்ப் பதம் பணிந்தேன்                                        

                                  

அன்னையே காமாக்ஷி ……

 தர்பாங்குரோ மகரகேதன விப்ரமாணாம்

நிந்தாங்குரோ விதளிதோத்பல சாதுரீணாம் |

தீபாங்குரோ பவதமிஸ்ர கதம்பகானாம்

காமாக்ஷி பாலயது மாம் த்வதபாங்கபாத: ||85||

दर्पाङ्कुरो मकरकेतनविभ्रमाणां
निन्दाङ्कुरो विदलितोत्पलचातुरीणाम् ।
दीपाङ्कुरो भवतमिस्रकदम्बकानां
कामाक्षि पालयतु मां त्वदपाङ्गपातः ॥85॥

காமாக்ஷியே! மன்மதனுடைய லீலைகளின் அகந்தைக்கு காரணமாய் இருப்பதும், மலர்ந்த கருநெய்தல் பூக்களின் அழகுக்கு  இகழ்ச்சியை விளைவிப்பதாயும், ஸம்ஸாரமாகிற  இருள் கூட்டங்களுக்கு தீபச்சுடராகவும்  இருக்கும் உனது கடைக்கண் பார்வையானது என்னைக் காப்பாற்றட்டும்.

                                             அன்னையே காமாக்ஷி ……

                                                         பல்லவி

                                       அன்னையே காமாக்ஷி உன்னையே துதித்தேன்

                                       என்னை ஆட்கொள்ள இதுவே தருணம்

                                                      அனுபல்லவி

                                       சென்ன கேசவன் சோதரியே கௌரி

                                       உன்னருளாலன்றோ உலகனைத்தும் இயங்குவது       

                                                             சரணம்                                 

                                       மன்மதனின் அகந்தைக்குக் காரணமாயிருக்கும்

                                       புன்னகைக்கும் கருநெய்தல் பூக்களைப் பழிக்கும்

                                       சம்சார இருளுக்கு ஒளி விளக்காயிருக்கும்

                                       உன்னிரு கடைக்கண் பார்வையெனக்கருளட்டும்

முருகன் கரத்தில்…..

 ஸக்தே பஜேத்வாம் ஜகதோ ஜனித்ரீம்

ஸுகஸ்ய தாத்ரீம் ப்ரணதார்த்திஹந்த்ரீம்
நமோ நமஸ்தே குஹஹஸ்தபூஷே
பூயோ நமஸ்தே ஹ்ருதி ஸன்னிதத்ஸ்வ
- ஜகத்குரு ஆதிசங்கரர் அருளிய வேல் ஸ்லோகம்.

பொதுப்பொருள்: அசுரர்களைக் கொன்ற சக்தி மிகுந்த வேலே! உலகத்தையே பாதுகாத்து அருளும் வல்லமை பெற்ற வேலே! வணங்குவோரின் மனபயத்தை எளிதில் போக்கும் தீரம் மிக்க வேலே, உன்னை வணங்குகிறேன். முருகப் பெருமானின் திருக்கரத்தில் அலங்காரமாக வீற்றிருக்கும் சக்தி வடிவமே! உனக்கு என் சிரம் தாழ்ந்த வணக்கங்கள். நீ எப்போதும் என் இதயத்தில் வீற்றிருந்து, மன உறுதி தந்து அருள வேண்டும். 

    

                                 முருகன் கரத்தில்…..

                                          பல்லவி

                           முருகன் கரத்தில் விளங்கும் சக்தி வேல்

                           திருவருள் பெற வேண்டி அனைவரும் துதிக்கும் வேல்

                                          அனுபல்லவி

                       

                           பெருமைக்குரிய சக்தி வடிவான வேல்

                           திருமால் கேசவன் மருகன் கை வேல்

                                              சரணம்

                          அரக்கரையழித்த வேல் உலகைக் காக்கும் வேல்

                          மரணபயம் மனபயம் அனைத்தையும் போக்கும் வேல்

                          சரவணனேந்தும்  வெற்றி வேல் வீர வேல்

                          கரம் பணிந்து சிரம் தாழ்த்தி நான் வணங்கும் ஞானவேல்