ஶ்ரீராமனைப் போலொரு…..,
பல்லவி
ஶ்ரீராமனைபோலொரு தெய்வமில்லை
பாரிலவனைத் துதிக்காதவர் மனிதரில்லை ( என்றும் மனிதரில்லை)
அனுபல்லவி
ஓராயிரம் தெய்வமுண்டு இவ்வுலகில் ஆனால்
தீராவினை தீர்க்கும் திருமால் கேசவன்
சரணம்
தந்தை சொல் காத்த தனயனவன்
விந்தையாய்ப் பலப்பல லீலைகள் புரிந்தவன்
இந்திரனும் வணங்கும் தேவாதி தேவன்
சந்திரனைப் பழிக்கும் அழகு முகமுடையவன்
மரியாதைக்குரிய உத்தம புருஷன்
சரி நிகர் சமானம் ஒருவருமில்லாதவன்
கிரிதரனவனே பால ராமனாய்
தரிசனமளித்திடும் அயோத்திமன்னன்
No comments:
Post a Comment