சீதா நாதனே……
பல்லவி
சீதா நாதனே ஶ்ரீராமச்சந்திரனே
பாதாரவிந்தம் பணிந்தேன் எனக்கருள்வாய்
அனுபல்லவி
மாதா சீதையின் மனங்கவர்ந்த ராகவனே
ஆதாரம் நீயே உலகனைத்திற்கெல்லாம்
சரணம்
வேதாகம சாத்திர புராணங்கள் போற்றும்
மாதவனே மதுசூதனனே கேசவனே
பாதகம் புரிந்த அரக்கர்களை வதைத்த
சீதரனே சிவ தனுசை முறித்தவனே
யாதவ குலத்துதித்த லீலைகள் பல புரிந்த
மாயக் கண்ணனே மரகதவண்ணனே
நாதனாயன்று குன்றைக் குடையாச்செய்து
யாதவ குலம் காத்த கோவர்த்தனனே
வாதாத்மஜன் பணியும் கோதண்டபாணியே
நூதனமான பல சாதனை புரிந்தவனே
வேதனை வினை தீர்க்கும் ஆதவகுலத்தோனே
பூதலம் கொண்டாடும் அயோத்தி மாமன்னனே
No comments:
Post a Comment