சங்கரன் பங்கிலுறை….
பல்லவி
சங்கரன் பங்கிலுறை சிவசங்கரியை
அங்கயற்கண்ணியை அனுதினம் துதித்தேன்
அனுபல்லவி
பங்கய நாபன் கேசவன் சோதரியை
திங்கள் பிறையணிந்த உமா மகேச்வரியை
சரணம்
பொங்கரவணிந்தவனின் இடப்பாகம் கொண்டவளை
மங்களாம்பிகையை பாகம் பிரியாளை
அங்கமில் மதனுக்கருள் புரிந்த ஈச்வரியை
அங்காளப்பரமேச்வரியை திரிபுரசுந்தரியை
வெங்கதிரோனொளியை மிஞ்சுமொளியுடைவளை
வெங்கண் பணியணைமேல் துயிலுறும் வைஷ்ணவியை
எங்கும் நிறைந்திருக்கும் அகிலாண்டேச்வரியை
மங்காத புகழ் மேவும் ஶ்ரீலலிதாம்பிகையை
No comments:
Post a Comment