ஶ்ரீராம நாமமறிந்து…….
பல்லவி
ஶ்ரீராம நாமமறிந்து சொல்வாய் மனமே
தீரா வினை தீர்க்கும் திருமந்திரமதுவே
அனுபல்லவி
ஆராவமுதன் கேசவன் நாமம்
பேராயிரமுடைய நாராயணன் நாமம்
சரணம்
பேரானந்தம் தரும் திருநாமமதுவே
பாராயணம் செய்ய உகந்த திருநாமம்
காரார் குழலாள் சீதை விரும்பிடும் நாமம்
கோர சம்சாரக் கடல் கடக்கச் செயும் நாமம்
வீராஞ்சநேயன் விரும்பும் திருநாமம்
ஏராளம் நன்மைகளளிக்கும் திருநாமம்
தாரக மந்திரமாய் விளங்கும் திருநாமம்
பாரோரனைவரும் துதித்திடும் நாமம்
No comments:
Post a Comment