அலங்காரம்......
பல்லவி
அலங்காரம் உனக்கெதற்கு அழகான கேசவனே
அலமேலு மங்கை மனங்கவர்ந்த மணிவண்ணா
அனுபல்லவி
கலங்கிடுமென் மனக் கப்பல் பவக்கடலில் கரைசேர
கலங்கரைவிளக்கம் நீ காட்டுமருள் ஒளியெனக்கு
சரணம்
பளிங்கு போல் மேனி பவளச் செவ்வாய்
அலர்ந்த செந்தாமரை போல் அழகிய செவ்வாய்
மலர் மார்பில் மங்களமாய் மகாலக்ஷ்மியுடன் துலங்கும்
உலகமெல்லாமளந்த திருவடிகள் கொண்டவனே
இராகம் : சுருட்டி
தாளம் : ஆதி
No comments:
Post a Comment