#நாமங்கள் #சொல்லி…….
பல்லவி
நாமங்கள் சொல்லி நாமுறங்கப் பழகுவோம்
ஷேமமுற வழியதுவே என்றறிந்தனைவரும்
அனுபல்லவி
காமக்ரோதங்கள் தீய எண்ணம் அகல
நாமனுதினமுமே நமக்குப் பிடித்த
சரணம்
நாரணன் பேர் சொன்னால் நல்லது நடக்கும்
கோவிந்தனென்றாலே கோடி வினை தீரும்
வாசுதேவனென்னும் பெயர் சொன்னாலே
வாழ்வு வளம் பெரும் நன்மைகள் சேரும்
கேசவன் பேருரைத்தால் ஞானம் பெருகிடும்
ஶ்ரீதரனென்றாலே ஶ்ரீதேவி துணை வருவாள்
பதுமநாபனென ச்சொல்வோர்க்கெல்லாம்
பழவினையகலும் பரமபதம் கிடைக்கும்
நரசிம்மனெனச் சொன்னால் நலமனைத்தும் தேடிவரும்
மாதவன் நாமமோ மாதவப் பலனருளும்
ஶ்ரீராமனென்னும் ஒரு நாமம் சொன்னால் போதும்
ஓராயிரம் நாமமோதிய பலன் கிடைக்கும்
No comments:
Post a Comment