பார்த்தவுடன் மனம்……
பல்லவி
பார்த்தவுடன் மனம் பரவசமானதடி
கார்வண்ணமேனியனை மாயக்கண்ணனை
அனுபல்லவி
வார்த்தெடுத்த சிலைபோல வடிவழகானவனை
நாற்திசையும் புகழ் விளங்கும் மாதவனைக்கேசவனை
சரணம்
பார்த்தனுக்கு கீதை சொன்ன பார்த்தசாரதியை
ஆர்த்தெழுந்த கௌரவரை அடக்கிய பரந்தாமனை
கீர்த்தி மேவும் வடமதுரை மன்னனை
பார் புகழும் குழலோனை ஆயர்குலபாலனை
No comments:
Post a Comment