நீலவண்ணப்பெருமாள்
பல்லவி
திருவடியே சரணம் கேசவா
அருள் மழை பொழியும் கருணைக்கடலே
அனுபல்லவி
திருநாமம் எப்போதும் உரைத்திடும் நாவும்
ஒரு நாளும் உன்னை மறவாத மனமும் பெற
சரணம்
திருமகளைத் திருமார்பில் வைத்திருக்கும் திருமாலே
திருப்பாற்கடல் நீங்கி எமக்கருளவென்று
பெருமைக்குரிய நன்மங்கலம் தலத்தில்
எழுந்தருளிக் காட்சி தரும் கருநீலவண்ணனே
No comments:
Post a Comment