திருவேங்கடமுடையன்
பல்லவி
மறவாதே நன்னெஞ்சே திருவேங்கடமுடையானை
அறவோர் பணிந்தேத்தும் அருள் மிகு கேசவனை
அனுபல்லவி
பறவை யரசனை வாகனமாய்க்கொண்டவனை
பரம்பொருளாய்த் திருமலையில் வீற்றிருக்கும் திருமாலை
சரணம்
துறவிகளும் தேடும் பங்கய பதத்தானை
உறவனைத்தும் தானாகி நின்ற கோவிந்தனை
கறவைகள் மேய்த்தவனை கருநீலவண்ணனை
அறம் பொருளின்பமனைத்தையு மளிப்பவனை
No comments:
Post a Comment