தாயும் சேயும் கோவிந்தனே

         தாயும் சேயும் கோவிந்தனே 

    பல்லவி

    நீயின்றி நானில்லையே  கோவிந்தா

     நானின்றி  நீயில்லையே  என்றும்

       அனுபல்லவி

      தாயின்றி சேயுண்டோ  சொல்வாய்

      மாயனே கேசவா மதுசூதனனே

              சரணம்

      நீயாகவே வந்தெனுள்ளம் புகுந்தாய்

      தாயாகித் தந்தையுமாய் நீயாண்டுகொண்டாய்

      சேயென்னைக் கனிவோடுன் மடிமீது தாங்கி

      கோயில் கொண்டுள்ளத்தில் நீயே யமர்ந்தாய்


**********************************

இன்றாக நாளையே யாக, இனிச்சிறிதும்

நின்றாக நின்னருளென் பாலதே, - நன்றாக

நானுன்னை யன்றி யிலேன்கண்டாய், நாரணனே

நீயென்னை யன்றி யிலை.

(Thirumazhisai Azhwar)

O Lord Narayana! You may grace me today, or tomorrow, or some time later, but your grace is definitely coming.
I cannot be without you, Nor can you be without me.