பத்மாவதி ரமணன்
பல்லவி
பத்மாவதி ரமணனை கோவிந்தனை
பக்தியுடன் துதித்து திருவடி பணிந்தேன்
அனுபல்லவி
உத்தமனைக் கேசவனை உலகளந்த பெருமாளை
வித்தகர் போற்றும் விண்ணோர் வேந்தனை
சரணம்
கத்தும் கடல்நடுவே பள்ளிகொண்டிருப்பவனை
நித்திலத்தொத்தெனும் நிமலனை அமலனை
தித்திக்கும் செம்பவள வாயனை மாலனை
எத்திசையும் புகழ் விளங்கும் திருவேங்கடமுடையானை
No comments:
Post a Comment