கொப்புடைநாயகியை…
பல்லவி
கொப்புடை நாயகியை மனமாரத்துதித்தேன்
முப்பெருந்தேவியர்க்கும் மூத்தவளை மாத்தவளை
அனுபல்லவி
ஒப்புயரில்லாதவளை கேசவன் சோதரியை
சுப்பிரமணியனும் கணபதியும் உடனிருக்கும்
சரணம்
முப்புரமெரித்த மூவிழியான் பங்கில்
செப்பமுடனமர்ந்திருக்கும் மலைமகளவளே
முப்பத்து முக்கோடி தேவர்களும் முனிவர்களும்
முப்போதும் பணிந்திருக்கும் ஆதிபராசக்தியவள்
ஆலயத்திலமர்ந்திருக்கும் மூலவருமவளே
கோலமுடன் வலம் வரும் உற்சவருமவளே
ஞாலம் போற்றும் திரிபுரசுந்தரியாய்
சாலச்சிறந்த காரைக்குடி தலத்திலுறை
No comments:
Post a Comment