விந்தைகள்……
விந்தைகள்…….
பல்லவி
விந்தைகள் புரிந்திடும் செந்திலாண்டவனை
சிந்தையில் வைத்து சீரடி போற்றினேன்
துரிதம்
நந்தி கணங்கள் நரர் சுரரிந்திரன்
நான்முகன் நாரதர் கரம் பணிந்தேத்தும்
அனுபல்லவி
மந்திரப் பொருளை தந்தைக்கோதிய
கந்தனை வேலனை சுவாமிநாதனை
சரணம்
நிந்தனை செய்த சூரனுக்குமருள் தந்து
விந்தையாய் சேவலும் மயிலுமாய் செய்து
சந்ததமருகில் வைத்திருக்கும் குமரனை
புந்தியில் வைத்து சீரடி போற்றினேன்
நந்த குமாரன் கேசவன் மருகனை
இந்திரன் மகளை மணந்த வேலனை
சந்திரகலையணிந்த ஈசன் சிவன் மகனை
முந்தைய பழவினைகள் தொலைந்திட வேண்டியே
No comments:
Post a Comment