கந்தனை….
பல்லவி
கந்தனை முத்துக்குமரனை முருகனை
வந்தனை செய்தேன் எந்தனை காக்கவே
அனுபல்லவி
இந்திரன் மகள் தெய்வானையை மணந்தவனை
நந்த குமாரன் கேசவன் மருகனை
சரணம்
விந்தைகள் புரிந்து வள்ளியை மணந்தவனை
தந்தைக்கு மந்திரமோதிய குருபரனை
நிந்தனை செய்த சூரனுக்கும் திருவருள்
தந்த வேலனைக் கார்த்திகேயனை
சந்திரசேகரன் மைந்தனை சரவணனை
அந்தணர் அறவோர் துதித்திடும் குகனை
பந்த பாசத் தளைகளைக் களைந்து
முந்தைய வினைப்பயனைப் போக்கிடும் சண்முகனை
No comments:
Post a Comment