என்ன பெயர்….
பல்லவி
என்ன பெயர் சொல்லியழைத்தாலும் கணபதியே
இன்னருள் தந்தெனைக் காத்தருள்வாயே
அனுபல்லவி
சென்னகேசவன் மருகனே கரிமுகனே
பன்னகாபரணன் சிவபெருமான் மகனே
சரணம்
முன்னமரக்கன் கயமுகனைக் கொன்றவனே
முன்னறி தெய்வங்கள் துதித்திடும் பரம்பொருளே
முன்னம் யான் செய்த பழவினைப் பயன் தொலைய
உன்னையே வேண்டியுன் மலர்த்தாள் பணிந்தேன்
No comments:
Post a Comment