கோதை நீ……

 ஸ்ரீ கோதா ஸ்துதி !

16. த்வந்மௌளி தாமநி விபோ : சிரஸா க்ருஹீதே

ஸ்வச்சந்த கல்பித ஸபீதி ரஸ ப்ரமோதா : |

மஞ்ஜூஸ்வநா மதுவிஹேர விதது : ஸ்வயம் தே

ஸ்வாயம்வரம் கமபி மங்கள தூர்ய கோஷம் ||

கோதா தேவியே—–உன் மாலையை, எம்பெருமான் சிரஸா ஏற்றுக்கொண்டான். தேனைத் தேடும் வண்டுகள், அந்த மாலையில் உள்ள ரஸங்களைத் தங்களுடைய ஆசைக்கு ஏற்பப் பருகி, அதிக ஆனந்தத்துடன் ,ரீங்காரமிட்டு அழகாகப் பாடுகின்றன. அந்த ரீங்கார ஓசையே ஸ்வயம்வரத்துக்கான வாத்திய கோஷம் போல் உள்ளது. நீ சூடிக் கொடுத்த மாலையில் , மாலை மாற்றுதலும், அதற்கான வாத்திய கோஷமும் —ஆஹா —-

 

                                                     கோதை நீ……

                                                           பல்லவி

                                           கோதை நீ சூடிக் கொடுத்த மாலையை

                                           மாதவன் கேசவன் மனம் மகிழ ஏற்றான்

                                                          அனுபல்லவி

                                           போதை தரும் தேனையதிலுண்ட வண்டுகள்

                                           கீதமென ரீங்காரம் செய்து பாடின

                                                                சரணம்

                                           நாதமென ரீங்கார ஓசையே யுந்தன்

                                           சுயம்வர வாத்திய இசையென ஆனது

                                           ராதையே அந்த கீதமே உனது

                                           மாலை மாற்றும் மணப் பாடலாய் ஒலித்தது

      

                         

அம்பாயிரவல்லியுன்

 

                                                    அம்பாயிரவல்லியுன்….

                                                             பல்லவி

                                      அம்பாயிரவல்லியுன் அரவிந்த பதம் பணிந்தேன்

                                      எம்பெருமான் ஆடானை நாதருடனிருக்கும்

                                                          அனுபல்லவி

                                      உம்பரும் முனிவரும் இந்திரனும் பணிந்தேத்தும்

                                      அம்புலி பிறையணிந்த கேசவன் சோதரி

                                                            சரணம்                                                               

                                      நம்பித்துதித்திடுமடியாரனைவருக்கும்

                                      இன்பமளித்திடும் ஸ்நேகவல்லியே

                                      வெம்பவக் கடலினைக் கடந்திட வேண்டியே

                                      அம்பிகையே ஈச்வரியே உன்னருள் வேண்டியே

                                       

என்ன பெயர்….

      

                                        என்ன பெயர்….

                                                பல்லவி

                             என்ன பெயர் சொல்லியழைத்தாலும் கணபதியே

                             இன்னருள் தந்தெனைக் காத்தருள்வாயே

                                                   அனுபல்லவி

                             சென்னகேசவன் மருகனே கரிமுகனே

                             பன்னகாபரணன் சிவபெருமான் மகனே

                                                      சரணம்

                             முன்னமரக்கன் கயமுகனைக் கொன்றவனே

                             முன்னறி தெய்வங்கள் துதித்திடும் பரம்பொருளே

                             முன்னம் யான் செய்த பழவினைப் பயன் தொலைய

                             உன்னையே வேண்டியுன் மலர்த்தாள் பணிந்தேன்

    

                              

தகப்பன்

 

                                                               தகப்பன்

                                             அகக்கண் வளர்க்கும் அழகிய மேய்ப்பன்

                                             சுகம் நமக்களித்து சுமைகளை ஏற்பவன்

                                             புகலிடம் உடை உணவு தந்து காப்பவன்

                                             முகம் வாடக் கண்டால் களிப்புறச் செய்பவன்

                                             இகபர சுகங்களின் வழி காண்பிப்பவன்

                                             சகாக்களில் நல்லவர் தீயவர் இனம் சுட்டும் தோழன்

                                             அகம் புறமிரண்டுக்கும் நல்வழியுரைப்பவன்

                                             புகழிகழிரண்டையும் சமமெனக் கொள்ளும்                                

                                             அகம் நாம் பெறவே வழிதனையுரைப்பவன்

                                             மிக நல்ல தோழன் ஆசான் தேவன்

                                             உகந்தவன் தாள் பணிந்து என்றும் வணங்குவோம்

பவனி வரும்…..

 ஸ்ரீதேவியே ! நீண்ட தங்கத்தடியால் உயரத்தூக்கப் பெற்றதும்,பூர்ண சந்திரனின் பிம்பம் போன்றதும், முத்துக்களாலும் பல நிறங்கள் கொண்டரத்தினங்களாலும் அழகானதும், வெண்பட்டு சுற்றியதும், முத்துக்குஞ்சலங்கள் தொங்கவிட்டிருப்பதும், பல

நிறப் பூக்களால் அர்ச்சிக்கப்பெற்றதுமான குடையையும், நிலவு போல் வெண்மையுடன் உயரத்தூக்கப்பெற்ற சாமரங்களையும், தேவருலகப் பெண்கள் தாங்கி நிற்கின்றனர். 

                                                    பவனி வரும்…..

                                                             பல்லவி

                                     பவனி வரும் அம்பிகையே உன் பாதம் பணிந்தேன்

                                     சிவனில் பாதியே  கேசவன் சோதரியே

                                                            அனுபல்லவி

                                     தவயோகியர் முனிவர் ஞானியர் மற்றும்

                                     அவனியோரனைவரும் பணிந்தேத்துமன்னையே

                                                               சரணம்

                                     தங்கத் தடியேந்தும் அழகிய அணிமணி புனைந்த

                                     முழுநிலவைப் பழிக்கும் வெண் பட்டுச் சுற்றிய

                                     முத்துக்குஞ்சலம் தொங்கும் குடையும் சாமரமும்

                                     ஏந்தி நிற்கும் தேவகுல மகளிருடன் காட்சி தரும்

                                     

             

மத்யமர் போலொரு

 

                                                        மத்யமர் போலொரு…..

                                                 மத்யமர் போலொரு அரங்கமுண்டோ

                                                 நித்தியம் முகநூலில் கூடிக் களித்திட

                                                 புத்தியில் தெளிவும் ஞானமும் நிறைந்த

                                                 இத்தரை மாந்தர்கள் சுதந்திரமாகவே

                                                 தத்தம்  கருத்தினைப் பதிவிடச் சிறந்ததோர்                                         

                                                 உத்தமமான உயரிய தளம் களம்       

                                                 வித்தகர் பலரும் அவரவர் விரும்பும்

                                                 வித்யாசமான தம் திறமைகள் காட்டி

                                                 புத்தம் புதிய பல பதிவுகள் தருமிடம்

                                                 எத்தனை எத்தனை வகை மனிதர்களுண்டோ

                                                 அத்தனை அத்தனை கருத்துக்கள் நிறைந்த இடம்

                                                 சித்திரம்,கோலங்கள்,சிறுகதை,பாடல்கள்

                                                 முத்திரை பதிக்கும் பதிவுகளிருப்பிடம்

                                                 மொத்தத்தில் அனைவரும் விரும்பி வரவேற்கும்

                                                 சத்துக்கள் தருமோர் முகநூலரங்கம்

                                                

                                  

           

                                                                          

அகிலாண்டேச்வரியின்

   ஆத்யே ஆகம ஸம்ப்ரதாய நிபுணே ஆசார்யவர்யார்சிதே ஆதாராதி ஸ்ரோஜபீட நிலயே ஆலோல நீலாலகே / ஆதாம்ராதரசாரு மந்தஹிஸிதே ஆபீநவக்ஷோருஹே ஆப்ரஹ்மாசியுத சங்கரார்சிதபதே வந்தே (அ)கிலாண்டேஸ்வரி !!

முதல்வளே (ஆதியானவளே). ஆகம மரபுகளில் தேர்ந்தவளே, ஆசார்ய பெருமக்களால் பூஜிக்கப்பட்டவளே. ஆதாரம் முதலான ஆறுதாமரைப் பீடங்களில் வீற்றிருப்பவளே, அசைகின்ற கருங்கூந்தலை உடையவளே. சிவந்த கீழ் உதட்டில் பரவும் அழகிய புன்சிரிப்புள்ளவளே. பருத்த ஸ்தனமுள்ளவளே, பிரும்மன், விஷ்ணு. சங்கரன் ஆகியோரால் பூஜிக்கப்பெற்ற 

திருவடிகளை உடையவளே,  அகிலாண்டேஸ்வரியே உன்னை நமஸ்கரிக்கின்றேன்.

                                                 அகிலாண்டேச்வரியின்….

                                                               பல்லவி

                                           அகிலாண்டேச்வரியின் மலரடி பணிந்தேன்

                                            ஆன்றோர் சான்றோரனைவரும் போற்றும்

                                                             அனுபல்லவி

                                           ஜகமெலாம் புகழும் கேசவன் சோதரி

                                           பகலவனைப் பழிக்கும் பேரொளியுடைய

                                                                 சரணம்

                                           ஆகம வேதங்களனைத்துமறிந்தவள்

                                           ஆதியும் முதலும் அனைத்துமானவள்

                                           அறுகமல பீடங்களில் அமர்ந்திருப்பவள்

                                           அரனரி பிரமன் பணிந்திடும் சுகபாணி

                                                              துரிதம்

                                           கருத்த கூந்தலும் பருத்த தனமும்

                                           செம்பவளவாயில் புன்னகையுமேந்தும்                              

எப்போதுன் தரிசனம்…..

 

                                                 எப்போதுன் தரிசனம்…..

                                                              பல்லவி

                                          எப்போதுன் தரிசனம் கிடைக்குமோ

                                          முப்போதுமுனையே துதித்திடுமெனக்கு

                                                           அனுபல்லவி                                          

                                          ஒப்பிலா மணியே பெரிய பெருமாளே

                                           நப்பின்னை மணவாளா நாகத்தணையானை

                                                              சரணம்

                                          தப்பேதும் நான் செய்தவனில்லை

                                          இப்போதுமுந்தன் திருநாமம் தனையே

                                          அப்போதைக்கிப்போதே தினமுரைத்தேன்

                                           அப்பா கேசவனே ஶ்ரீ ரங்கநாதா

                                          

                             

உள்ளத்தாமரையில்…….

 தாமரை மீதமர்ந்தவளே ! அழகிய தாயே / ஜாதி, சம்பகம், முல்லை, மகரந்தப் பொடியுடன் கூடிய நறுமணம் கமழும் தாழம்பூ, கடம்பு, அசோகம், வாகை முதலிய பூக்களைச் சூடியதும் நறுமணப்புகை காட்டப்பெற்றதும், மிகக் கறுத்த மை போன்றதும் மதம் பிடித்த வண்டுக் கூட்டம் போன்றதுமான உனது பின்னிய கூந்தல் என் உள்ளத்தாமரையில் அமரட்டும். (41)

      

                                              உள்ளத்தாமரையில்…….                                                 

                                                         பல்லவி

                                     உள்ளத்தாமரையில் வீற்றிருக்க வரவேற்றேன்

                                     வெள்ளைத் தாமரை மீதமர்ந்த ஈச்வரியே

                                                        அனுபல்லவி

                                     அள்ளக்குறையாத அருட்செல்வம் தருபவளே

                                     கள்ளழகன் கேசவனின் அன்பு சோதரியே

                                                            சரணம்

                                     முல்லை மல்லி ஜாதி சம்பகத்தின் மகரந்தம்

                                     மணம் கமழும் தாழம்பூ கடம்பு வாகையசோகம்

                                     பூக்களையணிந்து நறுமணப் புகையிட்ட

                                     கருவண்டுக் கூட்டமெனக் கருங்கூந்தலுள்ள உன்னை

அணியுமணிக்கழகே

 

                                அணியுமணிக்கழகே….      

        

                                                பல்லவி

                        அணியுமணிக்கழகே அரங்கநகர் பெருமாளே

                        பணியேன் ஒருவரையும்  உன் பதம் பணிந்த பின்னே                                                                    

                                              அனுபல்லவி

                        பணிந்தேத்தும் அமரருக்கு அமுதளித்த ஆரமுதே

                        அணியாய்த் திருமார்பில் திருமகளை வைத்திருக்கும்

                                                சரணம்                                                                       

                        மணி வைரம் வைடூர்யம் மரகதம் முத்துக்கள்

                        அணிகலன்களனைத்தும் உந்தன் மேனியிலே

                       அணிந்த தனாலதன் பெருமை கூடிற்றேயல்லாமல்

                        அணிமணிகள் உனக்கெதற்கு அழகான கேசவனே

வடிவேலன்….

 

                                            வடிவேலன்….

                                                  பல்லவி

                              வடிவேலன் புகழ்பாடப் படி வேண்டாமெனக்கு

                              நெடிய திருமால் கேசவன் மருகன்

                                                 அனுபல்லவி

                              கொடியில் சேவலை வைத்திருக்கும் திருமுருகன்

                              கடிமணம் புரிந்து வள்ளியை ஆட்கொண்ட

                                                     சரணம்

                              அடியார் விரும்பும் வரமளிக்குமாறுமுகன்

                              கொடியிடையாள் தெய்வானை கரம் பிடித்த குமரன்       

                              கொடிய தாரகனை வதம் புரிந்த கந்தன்

                              அடி பணிபவர்கருள் புரியும் அழகன் சிவபாலன்

                       

                               

திருமணங்கீச்வரர்

 

                                                      திருமணங்கீச்வரர்……

                                                              பல்லவி

                                           திருமணங்கீச்வரரை  நமச்சிவாயனை

                                          திருமறைகள் போற்றும் ஈசனைத் துதித்தேன்

                                                           அனுபல்லவி

                                          திருமால் கேசவனும் பிரமனும் பணிந்தேத்தும்

                                          திருவுடை நாயகிக்கு ஒரு பாகமளித்தவனை

                                                               சரணம்

                                          வருந்துயர்  பேரிடர் அனைத்தும் நீங்கிடவும்

                                          இருவினைப் பயன்களால் படுந்துயர் விலகிடவும்

                                          பெரும் பிணி பவக்கடல் கடந்திட வேண்டியும்

                                          தருமம் தழைத்திடும் மேலூர் த்தலத்துறை

                                           

                                          

திருவுடைநாயகி….

 

                                                திருவுடைநாயகி….

                                                            பல்லவி

                                     திருவுடை நாயகியை மனமாரத்துதித்தேன் 

                                     பெருமையுடன் மேலூர்த் திருத்தலத்தில் நின்றருளும்

                                                         அனுபல்லவி

                                     திருமால் கேசவனின் அன்பு சோதரியை

                                     திருமணங்கீச்வர் அருகிருந்து காட்சி தரும்

                                                             சரணம்                                                    

                                     திருவுடையாள், கொடியிடையள்,வடிவுடையாள், மூவரையும்

                                     ஒரு நாளில் பணிவோர்க்கு பவரோகம் நீங்குமென

                                     விருப்பமுடனடியார்கள் வணங்கும் வழிகண்டு

                                     இருவினைப் பயன் தொலைய அவ்வண்ணமே பணிந்து

                                                                        

உமையொருபாகனை….

     I bow to the form Where half of the form of Goddess Parvati was with the complexion of the Champaka flowers andthe other half of God Shiva is present with a complexion like that of camphorThe form, where the half of the head (of Parvati) is braided beautifully with a chignon, while the other half (of God Shiva) is with the matted hair I bow to you, Goddess Parvathi and God Shiva in the form of Ardhanareeswara

தங்க நிறங்கொண்ட பகுதி உடலையுடையவளும், கர்பூர வெண்ணிறமான பகுதி சரீரத்தையுடையவரும், கொண்டயிட்ட கேசத்தையுடையவளும், ஜடை தரித்தவரும் ஆகிய சிவைக்கும் சிவனுக்கும் நமஸ்காரம்.

                                                   உமையொருபாகனை….

                                                             பல்லவி

                                        உமையொருபாகனை அர்த்தநாரீச்வரனை

                                        அமைதியும் சாந்தியும் பெற வேண்டித்துதித்தேன்

                                                           அனுபல்லவி

                                        இமைப்பொழுதும்  பிரியாத தெய்வீக தம்பதியை

                                        எமையாளுமீசனும் ஈச்வரியுமாய் விளங்கும்

                                                                 சரணம்

                                         செண்பகப் பூ நிறமும்  கொண்டையுமொருபுறமும்

                                        கற்பூர  நிறமும் சடையுடன் மறுபுறமும்

                                        கொண்டு காட்சி தரும் மங்கை பங்கனை

                                        பிரமனும் கேசவனுமனைவரும் பணிந்திடும்

                                         

                                         

அருமறைகள்…..

  

                                                   அருமறைகள்…..

                                                      பல்லவி

                                  அருமறைகள் துதித்த திருமறைக்காடரை

                                   இருவினைப் பயன் தொலைய  மனமாரத்துதித்தேன்                                 

                                                   அனுபல்லவி

                                  உருவில் சிறிய எலிக்கருள் புரிந்த

                                  கருணா மூர்த்தி கேசவன் நேசனை

                                                      சரணம்

                                  திருநாவுக்கரசரும் ஞானசம்மந்தரும்

                                  திருக்கதவம் திறக்கப் பாடல் பாடிய 

                                  பெருமைக்குரிய திருமறைகாடெனும்

                                  புகழ் மிகு புண்ணிய தலத்தில் வீற்றிருக்கும்

                                   

அப்ரமேயனை….

 

                                             அப்ரமேயனை….

                                                   பல்லவி

                                      அப்ரமேயனை ஸ்வப்ரகாசனை

                                      முப்போதும் பணிந்து பாடிபரவினேன்

                                                    அனுபல்லவி

                                       முப்பரிமாணமும் கடந்த தேவனை

                                        நப்பின்னை போற்றும் மாதவனைக் கேசவனை

                                                       சரணம்     

                                        முப்புரமெரித்த சிவனும் பிரமனும்                              

                                        இப்பிரபஞ்சமும் இனிது போற்றிடும்

                                        முப்பிரி நூலணிந்த வேதியர் துதித்திடும்

                                        ஒப்பிலாதவனை ஶ்ரீமன் நாராயணனை

       

                                         

    

                                        

     

கந்தன் கழலடி….

        

                                                   கந்தன் கழலடி….

                                                           பல்லவி

                                             கந்தன் கழலடி நிழலே போதும்

                                             அந்தகனெந்தனக க்கண் திறந்திட

                                                           அனுபல்லி

                                              சந்தக் கவி அருணகிரிநாதர் பாடிய

                                              செந்தமிழ்க் கடவுள் சிங்கார வேலன்

                                                             சரணம்

                                              அந்தமுமாதியுமில்லாத பரம்பொருள்

                                               நந்தகுமாரன் கேசவன் மருகன்

                                               பந்த பாசத் தளைகளைக் களைந்து

                                               எந்தன் பழவினைப் பயன்களை நீக்கிட

                                              

அம்பிகையே…….

 அம்பிகையே நிறைந்த கலைகளுடன் உதிக்கின்ற

சந்திரனைப் போல் அழகியதும் பக்தர்களிடம் அருள் காட்டுவதும், எப்போதும் மலர்ந்த தாமரை இதழ்களின் அழகை வெல்கிற ஆற்றல் வாய்ந்த கண்களுள்ளதும், ஆநந்தத்துடன் புன்முறுவல் புரிவதும், அடிக்கடி ஆர்வத்துடன் பொங்கி எழுவதும் மல்லிகை போன்ற அழகிய பற்களின் வரிசையால் நிலவைப் போன்று ஒளி வீசுவதுமான வட்டமான முகத்தைத் தியானிக்கிறேன்.(39)

                                                                அம்பிகையே…….

                                                                     பல்லவி

                                                    அம்பிகையே உன்னை அனுதினம் துதித்தேன்

                                                    நம்பித்துதிப்பவர்க்கின்பம் அளிப்பவளே

                                                                   அனுபல்லவி

                                                    உம்பர் முனிவர் பணி கேசவன் சோதரியே

                                                    வெம்பவக் கடல் கடக்க உனதருள் வேண்டியே

                                                                        சரணம்                

                                                    அம்புய இதழ்களைப் பழிக்கும் விழியுடையவளே

                                                    புன்னகை ததும்பும் இன்முகத்தவளே 

                                                    மல்லிகை மொட்டுப் பல்வரிசை காட்டி

                                                    வெண்ணிலவு முகத்துடனே அடியார்க்கருளும்

                                                      

சிவசக்தியே…..

 சிவையே ! உனது இருகாதுகளும் உருக்கிய தங்கத்தாலான

பெருங்குண்டலங்களையும் மாணிக்கமும் முத்தும் வைரமும்

பதித்த ஒப்பற்ற இரு சக்கிரங்கள் வடிவான தங்கத்தாடங்கங்களையும் அணிந்துள்ளவை. மூக்கின் நுனி சுக்கிரனின் ஒளியை அவமதிக்கிற ஒளியுள்ள முத்தை அணிந்து அழகுற்றது. இவ்விரண்டையும் வணங்குகிறேன். (38)

                                                         சிவசக்தியே…..

                                                               பல்லவி

                                        சிவசக்தியே உனது கமல பதம் பணிந்தேன்

                                        தவயோகியர் முனிவர் ஞானியர் வணங்கிடும்

                                                             அனுபல்லவி

                                        புவனம் போற்றும் கேசவன் சோதரியே

                                        பவப்பிணி போக்கிடும் புவனேச்வரியே

                                                                சரணம்

                                       செவிகளிரண்டிலும் சக்கர வடிவினில்

                                       மாணிக்கம் வைரம் முத்துக்கள் பதித்த

                                       தங்கத் தோடுகளும் மூக்கில் சுக்கிரனின்

                                       ஒளியைப் பழிக்கும் முத்துடன் விளங்கும்

                                       

      

                      

கந்தன் பதமலரை….

 

                                        கந்தன் பதமலரை….

                                                   பல்லவி

                               கந்தன் பதமலரை சென்னியில் வைத்தேன்

                               எந்தனைக் காத்தருள வேண்டுமெனத் துதித்து

                                                      துரிதம்

                               நந்தி கணங்கள் நரர் சுரர் நாரதர்

                               நான்முகனனைவரும் கரம் பணிந்தேத்தும்

                                                   அனுபல்லவி

                               தந்தைக்கு மந்திரத்தின் பொருள் சொன்ன குருபரன்

                               சிந்தை கவர்ந்திடும் சிங்கார  வேலன்

                                                     சரணம்

                              விந்தைகள் பல புரிந்த  வள்ளி மணாளன்

                              உந்தி கமலன் கேசவன் மருகன்

                              இந்திரன் மகளை மணந்த சிவ பாலன்

                              செந்திலாண்டவன் கார்த்திகேயன்

                              

                               

என்னவென்று சொல்லுவேன்…..

 

                                   என்னவென்று சொல்லுவேன்…..

                                                 பல்லவி

                          என்னவென்று சொல்லுவேனுன்னழகை  ஶ்ரீராமா

                          மன்னவனே மனங்கவர் பேரழகே கேசவனே

                                              அனுபல்லவி

                          உன்னழகில் மயங்கியே கன்னி ஜானகியும்

                          உன் கரம் பிடித்தாளோ இன்னமுதே ராகவனே

                                                 சரணம்

                          புன்னகை முகத்தோனே கமலக்கண்ணனே

                          அன்னை கோசலையின் அருமை மைந்தனே

                          பன்னக சயனனே பாற்கடல் வாசனே

                          தன்னிகரில்லாத தனிப் பெருமை கொண்டவனே

                          முன்னம் யான் செய்த பழவினைப் பயன் களைந்து

                          என்னை ஆண்டருள உன்னருளை வேண்டினேன்

                          தென்னிலங்கை சென்று தசமுகனையழித்தவனே

                          மன்னு புகழ் மாயனே உன் பொன்னடி பணிந்தேன்

தாமரை மலரமர்….

 ஸ்ரீ ஸ்துதி :(17).....!!!

ச்ரேயஸ்காமா: கமலநிலயே சித்ரமாம்நாய வாசாம்சூ

டாபீடம் தவ பத யுகம் சேதஸா தாரயந்த: |

சத்ரச்சாயா ஸுபக சிரஸ சாமர  ஸ்மேர பார்ச்வா:

ச்லாகா சப்த ச்ரவண முதிதா: ஸ்ரக்விண: ஸஞ்சரந்தி ||

தாமரையில் உரையும் பிராட்டியே! வேதமாகிய பெண்ணிற்கு தலையில் அற்புதாமாக அணியும் ஆபரணம் போன்று விளங்குகிறது உன் திருவடி, இப்படி வேதம் உன்னை பலவாராய் துதிபப்தால் பெருமையுடனேயே விளங்குகிறது, இப்படி இருக்க எவர் உன்னிடமே மிகவும் பக்தியுடன் செல்வத்தையோ, பெரிய பூமியையோ வேண்டுகிறார்கள். அப்படிப்பட்ட வர்களுக்கு நல்ல வெண்மையான குடையின் கீழும், இருபுறத்திலும் சாமரம்  வீசப்பட்டு, பல மக்களால் புகழ்பாடபட்டு வெற்றியுடன் அலைவது உன்னுடைய சிறிய கடைக்கண் பார்வை அனுகிரஹமன்றோ.

பெரிய பிராட்டியே! 

உன் திருவடிகளை வேதங்கள் தம் முடிக்கு ஏற்ற அற்புதமான அணிகளாகத் தரிக்கின்றன. அதாவது  வேதாந்தங்கள் உன் திருவடிகளைப்  புகழ்ந்துகொண்டே  இருக்கின்றன. உலகில்  மண்டலாதிபதியாகவோ  சக்ரவர்த்திகளாகவோ  பெரிய பிரபுக்களாகவோ  ஆக்கவேண்டுமென்று விரும்புபவர்கள் உன் திருவடிகளைத் தன் உள்ளத்தில்  த்யானிக்கின்றனர்.உன் திருவருளால்  அவர்கள் விரும்பும் ஸ்தானத்தைப்  பெறுகின்றனர்.  

ஒற்றை வெண்குடை நிழலில் அமர்கின்றனர்.

இரு மருங்கும் சாமரம் வீசப் பெறுகின்றனர். 

சிறந்த மாலைகளை  அணிகின்றனர்.

தங்களைப் பிறர் போற்றிப் பாடும்  புகழ்ச்சொற்களைக் கேட்டு பெருமிதம் கொண்டு உலகில்  திரிகின்றனர். 

அவர்களின் இந்தப் பெருமைகளுக்கு எல்லாம் காரணம்  உன் திருவருளே.

Those who carry Your lotus feet in their hearts will virtually become emperors on this earth, with all prosperity at their command. Your sacred feet are wondrous head alankAram for the VedAs. Those who are blessed to hold those sacred feet in their heart for conferral of auspiciousness from early times will have the anugraham of rulership later over the universe with the symbols of royalty: white umbrella, the chamara service and eulogies from the people. They will travel on the streets of their kingdom with a happy state of mind and with garlands of flowers around their shoulders.

The VedAs place Your sacred feet as head jewellery for themselves to bring them auspiciousness. Those who wish to be rulers or Emperors or grand Lords in this universe place Your sacred feet noted for the fragrance of VedAs and meditate on them. You become pleased with their devotion and grant them the positions that they desire. They now sit on a throne under a single white umbrella befitting their rank as yEka ChakrAdhipathi. Servants wave the chamarams on their sides. They adorn beautiful flower garlands. They move around the world in a state of joy listening to the eulogies by their subjects and vassals. All of these glories are a direct result of Your anugraha sakthi!

                                                தாமரை மலரமர்….

                                                     பல்லவி

                                    தாமரை மலரமர்  பெரிய பிராட்டியே        

                                    கோமான் கேசவன் திருமார்பிலுறைபவளே

                                                  அனுபல்லவி

                                    மாமறைகளுனது மலரடியைத் தலைமீது

                                    ஆபரணமாய்ப் பூண்டு அழகுடன் திகழ்கிறது

                                                     சரணம்

                                    பூமகளே அந்தப் புனித த்திருவடியை

                                    சேமமுடன் துதிக்குமடியவரெல்லாம்

                                    பூமண்டலம் புகழும் பேரரசராகி

                                    வெண்கொற்றக் குடையும் சாமரமும் பெறுவர்

                                    

                      

முதலும் நடுவும்….

முந்திய முதல் நடு இறுதியும் ஆனாய்

மூவரும் அறிகிலர் யாவர்மற்று அறிவார்

பந்தணை விரலியும், நீயும் நின் அடியார்
பழங்குடில் தொறும் எழுந் தருளிய பரனே!
செந்தழல் புரை திருமேனியும் காட்டித்
திருப்பெருந்துறையுறை கோயிலுங் காட்டி
அந்தணன் ஆவதும் காட்டி வந்து ஆண்டாய்
ஆரமுதே! பள்ளி எழுந்தருளாயே!..........(8)

பொருள்: அனைத்திற்கும் முற்பட்ட முதலும், நடுவும், பிரளய காலத்திற்கு பின்னும் நிற்கும் முடிவும் ஆனவனே! அயன்,அரி,அரன் என்னும் மூவராலும் உன் தன்மையை அறிய முடியவில்லை என்றால் வேறு யாரால் தான் அறிய முடியும்?

இத்தகைய அருமையுடைய நீ, பந்து வந்து அணைகின்ற காந்தள் விரல்களையுடைய உமையம்மையுடன் நீவீரும் வந்து உன் அடியார்களாகிய எங்கள் பழமையான குடிசைகள் தோறும் எழுந்தருளியிருக்கிறாய்! பரம் பொருளே! எம்பெருமானே! கருணை வள்ளலே!

நெருப்பைப் போன்ற உன் சிவந்த திருமேனியைகாட்சியையும் தந்து, திருப்பெருந்துறையில் நீ அமர்ந்த கோயிலையும் காட்டி, என் குரு மூர்த்தியாக அந்தண வேடத்தையும் காட்டி, என்னை ஆட்கொண்ட அமுதம் போன்றவனே! பள்ளி எழுந்தருள்க!

(குருந்த மரத்தடியில் குருவாய் ,  எம்பெருமான் தானே வந்து மாணிக்கவாசகரை திருப்பெருந்துறையில் ஆட்கொண்ட எளிமையை இங்கே பாடுகின்றார் இப்பாடலில்)

    

                                                 முதலும் நடுவும்….

    

                                               பல்லவி

                                   முதலும் நடுவும் முடிவுமானவனே

                                   மூவருமறியா உனை வேறாறிவார்

                                                   அனுபல்லவி

                                   நுதலில் பிறையணிந்த நீயுமுன் நாயகியும்

                                   இதமுடனெம்மில்லம் தொறும் எழுந்தருளிய பரனே

                                                      சரணம்

     

                                   குருவாயந்தணனாய் செந்நிற மேனிகாட்டி

                                       திருப்பெருந்துறையுறையும் கோயிலுங்காட்டி

                                       அருளமுதாயெனையாண்ட கேசவன் நேசனே

                                   கருணாமூர்த்தியே  பள்ளி எழுந்தருளாயே

     

                                        

                                               

                                                

                                                

 

                                                 

அணி அழுந்தூர்….

 செங் கமலத் திருமகளும் புவியும் செம் பொன் 

      திருவடியின் இணை வருட முனிவர் ஏத்த 

வங்கம் மலி தடங் கடலுள் அநந்தன் என்னும் 

      வரி அரவின் அணைத் துயின்ற மாயோன் காண்மின்- 

எங்கும் மலி நிறை புகழ் நால் வேதம் ஐந்து 

      வேள்விகளும் கேள்விகளும் இயன்ற தன்மை 

அம் கமலத்து அயன் அனையார் பயிலும் செல்வத்து 

      அணி அழுந்தூர் நின்று உகந்த அமரர்-கோவே    

திருமங்கையாழ்வார்திருவடிகளேசரணம்

ஶ்ரீஆமருவியப்பன்பெருமாள்திருவடிகளேசரணம்🙏🙏🙏🙏

    செந்தாமரை மலரில் வாழ்கின்ற சீதேவியும், பூதேவியும் தனது இரண்டு திருவடிகளை வருடவும், மாமுனிவர்கள் புகழ்ந்து துதிக்க வும் அலைகள் நிரம்பிய திருப்பாற்கடலில் திருவனந்தாழ் வான் என்ற புள்ளிகளையுடைய பாம்புப் படுக்கையில் அறிதுயில் கொண்டிருக்கும் ஆச்சரியமான குணமுடைய வன் திருவழுந்துாரில் அர்ச்சை வடிவமாக எழுந்தருளி யுள்ளான்' என்கின்றார்.

                                                      அணி அழுந்தூர்….

                                                            பல்லவி

                                         அணி அழுந்தூர் அரசே கேசவனே

                                         பணிந்தேனுன் கமலமலர்க் கழலடியை தினமும்

                                                          அனுபல்லவி

                                         பணிவுடன் திருமகளும் பூமகளுமுந்தன்

                                         இணையடி வருட முனிவர்கள் தொழுது நிற்க

                                                             சரணம்

                                         மறைநான்கும் வேள்விகளைந்தும் ஓதும்

                                         அறவழி அந்தணரும் பிரமனும் பணிந்தேத்தும்

                                         இறையோனே அரவின் அணைதுயின்ற மாயவனே

                                         பிறவிப் பிணி நீக்கி ஆண்டருள வேண்டுமென

                                         

                  

திருப்பெருந்துறை சிவனே…..

 பாடல் எண் : 04

இன்னிசை வீணையர் யாழினர் ஒருபால் 

இருக்கொடு தோத்திரம் இயம்பினர் ஒருபால்

துன்னிய பிணை மலர்க் கையினர் ஒருபால் 

தொழுகையர் அழுகையர் துவள்கையர் ஒருபால்

சென்னியில் அஞ்சலி கூப்பினர் ஒருபால் 

திருப்பெருந்துறை உறை சிவபெருமானே!

என்னையும் ஆண்டுகொண்டு இன்னருள் புரியும் 

எம்பெருமான்! பள்ளி எழுந்தருளாயே.!

பாடல் விளக்கம்‬:

திருப்பெருந்துறையில் வீற்றிருக்கின்ற சிவபிரானே! அடியேனையும் அடிமை கொண்டு, இனிய அருளைச் செய்கின்ற எம் தலைவனே! இனிய ஓசையையுடைய வீணையை யுடையவரும் யாழினையுடையவரும் ஒரு பக்கத்தில், வேதங்களோடு தோத்திரம் இயம்பினர் ஒருபக்கத்தில்; நெருங்கிய தொடுக்கப்பட்ட மலர்களாகிய மாலைகளை ஏந்திய கையை உடையவர் ஒரு பக்கத்தில்; வணங்குதலை உடையவரும், அழுகை உடையவரும், துவளுதலை உடையவரும் சூழ்ந்து ஒரு பக்கத்தில்; தலையின் மீது, இருகைகளையும் குவித்துக் கும்பிடுபவர் ஒரு பக்கத்தில் உள்ளார். அவர்களுக் கெல்லாம் அருள்புரிய பள்ளி எழுந்தருள்வாயாக.

                                    திருப்பெருந்துறை சிவனே…..

                                                         பல்லவி

                                   திருப்பெருந்துறை சிவனே பள்ளி எழுந்தருள்வாயே

                                   வருந்தித் துதித்திடும் எனையாண்டருள

                                                       அனுபல்லவி 

                                   கருநிறத்தழகன் கேசவன் நேசனே

                                   இருவினைப் பயன் தொலைய அனைவரும் வணங்கிடும்

                                                           சரணம்

                                   அருமறையோதும் வேதியர் ஒருபுறம்

                                   சுருதியுடனிசைதரும் யாழிசை ஒருபுறம்

                                   நெருக்கமுடன் தொடுத்த மலர் மாலையேந்தி

                                   விரும்பி வணங்கிட இருப்பவரொருபுறம்

                                   வருமிடர் கவலைகள் நீங்கிட வேண்டியே

                                   இருகை கூப்பி தொழுபவரொருபுறம்

                                   இருவிழியில் கண்ணீருடனடியவரொருபுறம்

                                   திருவடி பணிந்திடுமனைவருக்குமருள் புரிய

                                   

                                   

                                    

     

மரகதாம்பிகையின்….

 

                                         மரகதாம்பிகையின்….

                                                    பல்லவி

                                 மரகதாம்பிகையின் மலர்ப் பதம் பணிந்தேன்

                                 அரனிடம் கொண்ட கேசவன் சோதரி

                                                  அனுல்லவி

                                 புரமெரித்த பரமன் ஈங்கோயிலீசன்

                                 மரகதாசலேச்வரர் மனங்கவர் நாயகி

                                                     சரணம்              

                                 அரக்கன் மகிடனை வதம் செய்த ஈச்வரி

                                 நரர் சுரரிந்திரனும் சனகாதி முனிவர்களும்

                                 பிரமனும் மறைகளும் கரம் பணிந்தேத்தும்

                                 திரிபுரசுந்தரி ஆதி பராசக்தி

எனக்குமுன்னருள்…

அனுதினம் உன்னைப் பாட அடியேனும் ஆண்டாள் இல்லை

அவல்தந்து செல்வம் வாங்க அட நானும் குசேலன் இல்லை

கனவிலும் உன்னைக் கொஞ்ச கண்ணாநான் கோபியர் இல்லை

கடமைசெய் பலனில்லை என்றால் கேட்கநான் அர்ச்சுனன் இல்லை

தினமுந்தன் நாமம் சொல்லித் திரியநான் நாரதன் இல்லை

திறந்து என் நெஞ்சில் உன்னைக் காட்ட நான் அனுமனும் இல்லை.

மனதிலே ஒருநொடி எண்ணி மறுவேலை பார்க்கப் போகும்

மனிதன்நான் என்துயர் போக்க மாதவா மனமா இல்லை?

ஸ்ரீ க்ருஷ்ணா உன் திருவடிகளே சரணம் !

                                                      எனக்குமுன்னருள்…

                                                             பல்லவி

                                           எனக்குன்னருள் தர மனமில்லையா கண்ணா

                                           வனமாலை துளபமணிந்த கேசவனே

                                                             அனுபல்லவி                                    

                                          மனதிலொரு கணப் பொழுது உனை நினைந்த பின்னே

                                          தினசரி என் கடமை செய்யும் மனிதன் நான்

                                                                  சரணம்

                                           தினமுனது நாமம் சொல்ல நாரதனில்லை நான்

                                           பலன் கருதாமல் கடமையைச் செய்யெனும்

                                           உனது சொல் கேட்க நான்  பார்த்தனுமில்லை                                                                                                                           

                                           மனம் திறந்துனைக் காட்ட அனுமனுமில்லை நான்

                                           தினமுனைப் பாட நான் ஆண்டாளுமில்லை

                                           கனவிலுனைக் கொஞ்ச ராதையுமில்லை

                                           பிடி அவல் தந்து தனம் பெறவே நானும்

                                           உனதுயிர் நண்பன் குசேலனுமில்லை

                                           

                                           

காண வேண்டும்….

    

                             காண வேண்டும்….

                                    பல்லவி

                       காண வேண்டும் சிதம்பரநாதனை

                       பேண வேண்டுமந்த ஆடிய பாதத்தை

                                    அனுபல்லவி

                       பாணாசுரனை வென்ற கேசவன் பணிந்த

                       மாணச்சிறந்த மகேசன் பொற்கழலை

                                         சரணம்

                       சோணாச்சலமெனும் அண்ணாமலையானை

                       தேனார்மொழியாள் சிவகாமி மனங்கவர்

                       ஆணழகனை ஆடவல்லானை

                       கோணல் பிறையணிந்த தில்லை நடராஜனை