சீதாபதியே……
சீதாபதியே……
பல்லவி
சீதாபதியே நீயே என் துணை
மாதா சீதையின் மனங்கவர்ந்தவனே
அனுபல்லவி
ஆதாரம் நீயே அனைத்துலகுக்கெல்லாம்
வேதாகமங்கள் போற்றும் கேசவனே
சரணம்
கோதாவரி தீரத்தில் குடியமர்ந்தவனே
பாதகம் செய்த ராவணனை வதைத்தவனே
பூதலம் போற்றும் கோதண்டராமனே
ஓதக் கடல் துயிலும் நாராயணன் நீயே
மாதா பிதா குரு தெய்வமனைத்துமே
நீதானன்றோ கோதண்ட ராமா
சாதாரணரையும் மேதாவியாகச்செய்யுமுன்
பாதாரவிந்தம் பணிந்தேன் எனக்கருள்வாய்
No comments:
Post a Comment