ஶ்ரீ ராமச்சந்திரனை…..
பல்லவி
ஶ்ரீ ராமச்சந்திரனை மனமாரத்துதித்தேன்
ஓராயிரம் பெயருடைய நாராயணனை
அனுபல்லவி
தீரா வினை தீர்க்கும் வீர ராகவனை
ஆராவமுதன் கேசவனை மாதவனை
சரணம்
காரார் குழலாள் ஜானகியின் கரம் பிடித்த
ஜானகி ராமனை தசரதன் மைந்தனை
மாரனைப் பிரமனைப் படைத்த பரந்தாமனை
கோர அரக்கர்களை அழித்த ரகுராமனை
நரர் சுரரிந்திரன் நாரதர் பணிந்திடும்
பரந்தாமனைக் கோசலைப் புதல்வனை
பரசுராமரின் கர்வம் தீர்த்தவனை
பாரோர் பணிந்தேத்தும் பட்டாபி ராமனை
No comments:
Post a Comment