உனக்கிணை ஆருளார்….
பல்லவி
உனக்கிணை ஆருளார் ஶ்ரீ ரகுராமா
தனக்கொருவர் நிகரில்லாத் தனிப்பெருங்கடவுளே
அனுபல்லவி
வனமாலை கௌஸ்துபமணிந்த கேசவனே
தினகர குலத்தித்த மாமணியே மாதவனே
சரணம்
தனம் குலம் கல்வி நல்வாழ்வனைத்தும்
தினம் துதிக்குமடியார்க்கு விரும்பி அளிப்பவனே
வனம் சென்று தந்தையின் சொல் காத்த தனயனே
அனைவரும் நலம் பெற மனிதனாய் பிறந்தவனே
அனங்கனை மிஞ்சும் பேரழகுடையனே
மனத்துக்கினியானே ஜானகி நாயகனே
உனைவணங்கிப் பணிந்திடும் பக்தருக்கெல்லாம்
ஜனன மரண பயம் போக்கிடும் ராகவனே
No comments:
Post a Comment