அன்னபூரணி

அன்னபூரணி

பல்லவி

அன்னபூரணி அகிலாண்டேச்வரி

உன்னருள் வேண்டியே உன் பதம் பணிந்தேன்

அனுபல்லவி

சென்ன கேசவன் சோதரி கௌரி

பன்னகபூஷணி பரமதயாகரி

சரணம்

அன்னவாகனி கலைமகள் போற்றும்

புன்னகை முகத்தினளே உமாமகேச்வரி

பன்னகாபரணன் சங்கரன் பங்கிலுறை

அன்னபூரணி அருள் புரிவாயே 1

அன்னையே உன்னையே பணிந்திடுமடியார்க்கு

பொன்னும் பொருளும் புகழும் போகமும்

நன்னலமனைத்தும் அளித்திடும் தேவி

அன்னபூரணி அருள் புரிவாயே 2

மின்னும் அணிமணிகள் ஆபரணங்கள்

பொன்மாலை பூமாலை தாடங்கம் சுட்டி

இன்னும் கைவளையும் கால்கொலுசுமணிந்த

அன்னபூரணி அருள் புரிவாயே 3

அன்புடனனைவர்க்கும் அமுதளிப்பவளே

மென்மலர்க்கரங்களில் பாசாங்குசமும்

நன்மறை நூலும் மாலையுமேந்தும்

அன்னபூரணி அருள் புரிவாயே 4

வன்மமில்லாதவளே வனப்புடையவளே

கன்மவினைதீர்க்கும் காசீபுரவாசி

இன்னிசையில் மயங்கும் திரிபுரசுந்தரி

அன்னபூரணி அருள் புரிவாயே 5

பன்மடங்கொளியுடன் சூரிய சந்திரரை

வென்றிடும் பேரொளியாய் நின்றிடுமன்னையே

உன்னிதழ் கொவ்வைச்செவ்வாயோ கமலமோ

அன்னபூரணி அருள் புரிவாயே 6

மன்மதன் மயங்கிடும் பேரெழிலே தாமரையே

பொன்மகளே தக்ஷன் கர்வம் தணித்தவளே

மென்முலையாளே ஆனந்தம் தருபவளே

அன்னபூரணி அருள் புரிவாயே 7

இன்னருள் தந்திடும் கன்னலே தேனே

முன்வினைப்பயன் நீக்கும் மூவாசைப்பிணி போக்கும்

இன்னமுதே இனியவளே காசீபுரவாசி

அன்னபூரணி அருள் புரிவாயே 8

அன்னையும் பிதாவும் பார்வதியும் சிவனுமென

உண்மையறிந்தே தருமமாய் வேன்டினேன்

 நன்னெறியறிவும் ஞானவைராக்கியமும்

அன்னபூரணி அருள் புரிவாயே 9

நன்மொழியிதனைப் படிப்பவர் கேட்பவர்

அன்பரனைவர்க்கும் குறைவின்றியனைத்து

நன்மையும் கிடைத்து பேரின்பமெய்திட

அன்னபூரணி அருள் புரிவாயே 10