யானை
பல்லவி
மதிதரும் கரிமுகனை
மதமுடையானை
கதியெனத்துதித்தேன்
இனியெனைப்படையானை
அனுபல்லவி
புதியவை தொடங்குமுன்
தும்பிக்கையானை
துதித்திடும் வழக்குடைய
மதிப்புடையானை
சரணம்
கதிரவன் ஒளியினும் ஒளியுடையானை
எதிரியை வெல்லும் படையுடையானை
விதியையும் மாற்றும் வலியுடையானை
மதியுடையானை அழகுடையானை
இடர்களை நீக்கும் பதிவுடையானை
விட அரவணிந்த இடையுடையானை
இடபம் கணங்கள் பணி கழலுடையானை
புடமிட்ட பொன்னை மோதகக்கையானை
பாசங்குசமேந்தும் கரமுடையானை
வாசமலர் மாலைக்கழுத்துடையானை
கேசவன் மருகனெனும் புகழுடையானை
ஈசன் மகனெனும் பேறுடையானை
அடியவர்க்கருளும் கருணையுடையானை
ஒடிந்த ஒற்றைக் கொம்புடையானை
தடித்த மத்தள வயிறுடையானை
வடிவுடையானை வனப்புடையானை
No comments:
Post a Comment