காத்திருக்கும் தலைமுறைகள்

காத்திருக்கும் தலைமுறைகள் 

நல்லிரவின் 

முடிவுக்குப்ப்பின் 

வெவ்வேறு 

 விடியலுக்கு

காத்திருக்கும் 

இரு தலைமுறைகள் !

க (வி ) தை

                                 
                                              க (வி ) தை

                                      பெண்ணே உன்னை

                                       நேசித்தால் கவிதை

                                         வாசித்தால் கவிதை

                                          சேர்ந்தாலும் பிரிந்தாலும்

                                            கவிதை

                                              நீயே  கவிதைக்கு விதை

                                               இவையெல்லாம் முடிந்தபின்

                                                 ** ** ** ** ** **

                                                  வெறும் கதை !!

பசி

பசி 

வறுமை வயிற்றில் 

எரியும் நெருப்பை அணைக்க 

சோற்றுப் பானையின் கீழ் 

எரியும் நெருப்பு !

மேய்ப்பன்

                                               மேய்ப்பன்


                          மேய்ப்பன்
 
                           ஏசுவானாலும் சரி

                           கேசவனானாலும்  சரி

                            ஆடு மட்டும்

                              நானாக வேண்டும்

                               ஆமேன் !!

பிள்ளையாரப்பன்

                   

பிள்ளையாரப்பன் 

பல்லவி 

கொள்ளை இன்பம் காண்பவர்க்களித்திடும்  

பிள்ளையாரப்பனை மனமாரப்பணிந்தேன் 

அனுபல்லவி 

அள்ளக்குறையாத கருணையளித்திடும் 

வள்ளலை வாரண முகத்தோனைக் கரிமுகனை 

சரணம் 

உள்ளத்தில் வைத்து மலரடி போற்றும் 

நல்லடியார்க்கருளும் கேசவன் மருகனை 

முள்ளாயுறுத்தும் பவநோய் தீர்த்திட 

துள்ளி வரவேண்டுமென அனுதினம் துதித்து 

யானை

       
             யானை

             பல்லவி

 மதிதரும் கரிமுகனை மதமுடையானை

 கதியெனத்துதித்தேன் இனியெனைப்படையானை

     அனுபல்லவி

 புதியவை தொடங்குமுன் தும்பிக்கையானை

 துதித்திடும் வழக்குடைய மதிப்புடையானை

      சரணம்

  கதிரவன் ஒளியினும் ஒளியுடையானை 

   எதிரியை வெல்லும் படையுடையானை

   விதியையும் மாற்றும் வலியுடையானை

   மதியுடையானை அழகுடையானை


     இடர்களை நீக்கும் பதிவுடையானை

     விட அரவணிந்த இடையுடையானை

      இடபம் கணங்கள் பணி கழலுடையானை

       புடமிட்ட பொன்னை மோதகக்கையானை


      பாசங்குசமேந்தும் கரமுடையானை

      வாசமலர் மாலைக்கழுத்துடையானை

      கேசவன் மருகனெனும் புகழுடையானை

       ஈசன் மகனெனும் பேறுடையானை


       அடியவர்க்கருளும் கருணையுடையானை

       ஒடிந்த ஒற்றைக் கொம்புடையானை

        தடித்த மத்தள  வயிறுடையானை

        வடிவுடையானை  வனப்புடையானை

     



       

       


       

   

சேகரன் மகன்

சேகரன் மகன் 

பல்லவி 

ஸ்ரீ கணபதி யுனை மனமாரத்துதித்தேன் 

நீ கதியெனவே மலர்ப்பதம் பணிந்தேன்  

அனுபல்லவி 

நாகத்தணையான்  கேசவன் மருகனே 

யோகியர் ஞானியர் புத்தியிலுரைபவனே 

சரணம் 

சாகசங்கள் பல புரிந்தவனே கரிமுகனே 

சேகரன் மகனே நாகாபரணனே 

மேகக்கருநிற மேனியனே சுமுகனே 

வேகமே வந்தெனை யாண்டருள வேண்டுமென 

குழலூதும் கேசவன்

குழலூதும் கேசவன் 

பல்லவி 

புன்னை மரத்தடியே புல்லாங்குழலூதி நிற்கும் 

சென்னகேசவனை மனமாரத்துதித்தேன் 

அனுபல்லவி 

கன்னங்கரியவனை ராதையின் காதலனை 

தன்னொப்பாரில்லாத தேவாதிதேவனை 

சரணம் 

தன்னிலை மறந்து ஆவினங்களனைத்தும் 

கன்னியரும் கோபியரும் ஆயர்குலத்தோரும் 

இன்னிசையில் மயங்கி அசைவின்றி நின்றிருக்க 

புன்னகை தவழும் இன்முகத்துடனே 

கோலகணபதி

 கோலகணபதி

பல்லவி 

பலவித கோலங்களில் காட்சிதரும் கணபதியை 

நலமருள வேண்டுமென மனமாரத்துதித்தேன்

அனுபல்லவி 

சுலபமாய் பக்தர்கள் வணங்கிட வேண்டியே 

எளிமையாயரச மரத்தடியே வீற்றிருக்கும் 

சரணம் 

மலைமகளும் சிவனும் கொஞ்சிடும் மைந்தனை 

அலைமகள் நாதன் கேசவன் மருகனை 

கலைமகளை  மணந்த மலரயனும் முருகனும் 

கலைஞரும் தேவரும் முனிவரும் பணிந்தேத்தும் 

  

சுகவனேச்வரர்

                                              சுகவனேச்வரர்

                                            பல்லவி

                      சுகவநேச்வரனை கிளிவனநாதனை

                      அகம் குளிரக் கண்டு மனமாரத்துதித்தேன்

                                           அனுபல்லவி

                        புகழ்மிகு சேலம் பதிதனிலெழுந்தருளி

                        சொர்ணாம்பிகையுடன் காட்சியளித்திடும் 

                                                 சரணம்

                        குகபெருமானும்  இரட்டை கணபதியும்

                        சுகசனகாதியரும்  கணங்களும்  நந்தியும்

                        முகுந்தன் கேசவனும் பிரமனுமிந்திரனும்

                         சகலரும் பணிந்தேத்தும் மும்முடிநாதனை

                       

            Moolavar of this temple is Arulmigu Sugavaneshwarar.
வசந்த நவராத்திரியை முன்னிட்டு, சுகவனேஸ்வரர் கோவிலில் வரும், 31ம் தேதி முதல், 10 நாட்களுக்கு குங்கும லட்சார்ச்சனை நடக்கிறது. வசந்த நவராத்திரியை முன்னிட்டு, சேலம் சுகவனேஸ்வரர் கோவிலில் மார்ச், 31ம் தேதி முதல் ஏப்ரல், 9ம் தேதி வரை தினமும் மாலை, 6.30 மணிக்கு, சொர்ணாம்பிகை அம்மனுக்கு குங்கும லட்சார்ச்சனை நடக்கிறது. லட்சார்ச்சனையின் போது, அம்மனுக்கு சிறப்பு அபிஷேக அலங்காரங்கள் செய்யப்பட்டு, பதினாறு வகையான உபசாரங்களுடன் வேத மந்திரங்கள் முழங்க பூஜை செய்யப்படவுள்ளது. லட்சார்ச்சனைக்கு பயன்படுத்தும் குங்குமம், பூஜை முடிவில் பக்தர்களுக்கு வழங்கப்படுகிறது. ஏப்ரல், 8ம் தேதி ராமநவமி அன்று காலை, 8 மணிக்கு, 108 மூலிகைகளால் லலிதா சகஸ்ரநாம ஹோமம் நடக்கிறது.
The name of the god underliying because parrot get a wishes from this god.Other names of this god was Kili Vananathar,Babanasar,Pattesurar,Nahisar,Mummudinathar.Other names of Amman in this temple is Sornambigai,Maragathavalli,patchivalli.Vinayagar alies Valampuri Vinayagar (Irattai Vinayagar).These gods are "Mummoorthigal" of this temple.

மகாவிஷ்ணு

மகாவிஷ்ணு 

பல்லவி 

அவதாரமீரைந்து  அவனியிலெடுத்தவனை 

மகாவிஷ்ணுவை மனமாரத்துதித்தேன் 

அனுபல்லவி 

தவயோகியரும் சுகசனகாதியரும் 

அமரருமிந்திரனும் பிரமனும் பணிந்தேத்தும் 

சரணம் 

மூவுலகும் காத்து தருமநெறி  தழைத்திட 

மீனாயாமையாய் பன்றியாய் சிம்மமாய் 

வாமனனாய்ப் பரசுராம ராமனாய் 

ஸ்ரீ க்ருஷ்ணபலராம கல்கியாய் 

விச்வநாதன்

                                              விச்வநாதன்

                                                   பல்லவி

                          பசுபதினாதனை பரமேச்வரனை

                          இசையால்  போற்றி மனமாரத்துதித்தேன்


                                                    அனுபல்லவி

                          முசுகுந்தராஜனும் வசுக்களும் தேவரும்

                          முனிவரும் நந்தியும் கணங்களும் பணிந்திடும்

                                                     சரணம்

                           விசாலாட்சியின் திருக்கரம் பற்றிய 

                           விசுவநாதனை விச்வேச்வரனை

                           விசயனுக்காயுதமளித்த ஈசனை

                           வசுதேவன் மைந்தன் கேசவன் நேசனை 

                         

                           



                           

ராஜகாளியம்மன்

ராஜகாளியம்மன் 

பல்லவி 

அழகிய ராஜகாளியம்மனை 

பழகுதமிழில் பாடித்துதித்தேன்  

அனுபல்லவி 

 அழலினையேந்தும் நெற்றிக் கண்ணனின் 

 இடம் கொண்டவளைக்  கேசவன்  சோதரியை 

சரணம் 

பிழைபல புரிந்தேன் சிறுவயதினிலே 

உழன்று வீணாய் உலகில் திரிந்தேன்

மழலையென் பிழைபொறுத்து ஆண்டருள வேண்டுமென 

கழலடி தொழுது  நாமமே போற்றி  

நாத கணபதி

                          .

நாத கணபதி 

பல்லவி 

கீத வாத்திய வினோத வடிவினனை 

மோதகக்கையானை மனமாரத்துதித்தேன் 

அனுபல்லவி 

வேதமுதல்வனை வினைதீர்ப்பவனை 

நாதரூபனைக்  கேசவன்  மருகனை 

சரணம் 

ஆதவனை மிஞ்சும் ஒளியுடையவனை 

பூதகணங்களும் நந்தியும் நான்முகனும் 

வேத வியாசரும் மாதவமுநிவரும் 

பாதம் பணிந்திடும் துங்கக்கரிமுகனை 

   

மணித்வீப கணபதி

                                                     மணித்வீப கணபதி

                                                           பல்லவி
         
                       அருள் தரும்  ஆனை முகத்தோனைத் துதித்தேன்

                        இருளகன்றிடவும்  ஒளி பெருகிடவும்    (மன )

                                                          அனுபல்லவி

                         திருமகள் நாயகன் கேசவன் மருகனை

                          பெருமைக்குரிய மனித்வீப கணபதியை

                                                           சரணம்

                          வருமிடர் நீங்கவும்  தருமநெறி தழைக்கவும்

                          அருங்கலைகளிசை ஞானம்அனைத்தும் பெறவும்

                          கருணையுடன் கடைக்கண் வைத்தெனையாளவும்

                          அருமறை போற்றும்  காரமர் மேனியனை

                       


                        

தீபம்

                                                         தீபம்

                                                      பல்லவி

                           திருவிளகேற்றி தினம் துதித்தேன்  - மன

                            இருளகன்றிடவும்  ஒளி பெருகிடவும்

                                                    அனுபல்லவி

                           அருள் தரும் ஸ்ரீலலிதா திரிபுரசுந்தரியின்

                           கருணை யைப்பெறவும் நன்மைகள் பெருகவும்

                                                     சரணம்

                            வருமிடர் நீங்கவும் தருமம்தழைக்கவும்

                            குருவருள் திருவருள் அனைத்தும் கிடைத்திடவும்

                            திருவாய் மேருவில் வீற்றிருக்கும் தாயின்
                           
                             உருவாய் சோதியாய் சுடராய் விளங்கும்
                           

                           

எசப்பாட்டு

. கண்ணீர் காதல் கண்ணீர் 
^^^^^^^^^^^^^^^^^^^^^^^^^^^^^^^^^^^^^^^^^

ஆச களி எடுத்து 
பாச நீர் தெளிச்சி ...
பிசஞ்சி இசவாக்கி....
பக்குவமா பதமாக்கி....
ஓங் கையும்
ஏங் கையும்
ஓர் கையா நாமாக்கி ....
செஞ்சு வச்ச ..
காதல் பானை ...
நெஞ்சு வெடிச்சி ...
செத்து போச்சி .....

கரிச காட்டுக்குள
கள்ளிச்செடி ஓரத்துல ...
கேப்ப களி திங்கையில...
நெஞ்சு குழி தின்னவளே ...
கண்ணால நாம் போட்ட ...
காதல் பல்லாங்குழி ஆட்டமெல்லாம் ....
பருத்தி பஞ்சா
பறந்து ....
பரலோகம்
போயிடிச்சி .....

பொங்கலுக்கு பான வச்சி
பொங்க சோறு பொங்க வச்சி
கரும்பு நீ கடிக்கையில ...
கட்டெறும்பா ஓன் எலும்புக்குள்ள ...
குறும்பா
நா புகுந்து ....
காதல் கொழம்பு வச்சி ...
கை நனச்ச ...
கரையாத .........
காலமெல்லாம் ...
கண்ணீரா
கரைஞ்சி போச்சி

நெலவுக்கே தெரியாம
நெலவ செற புடிச்சி ...
வளவுக்குள் நாம .
வசமா கட்டிவச்சி
இரவெல்லாம் வெதச்ச ..
கல்யாண கனவு வெத
கால் மொளச்சி
சொல்லாம
நெலவோட
ஓடி போச்சி

அய்யனார் சாமிக்கு ...
அருவா படைக்கையில ...
கொடுவா பார்வையாள
கொக்கி போட்டவளே ...
சிறுக்கி ஓன் கிறுக்கில் ....
சரிஞ்ச எங் காதல் குடல் ...
ஒனை உறிஞ்சி
நிமிர முன்ன
செரிக்காம
செத்துருச்சி ....

பக்குவமா பதுக்கி வச்ச
ரெண்டு பொஸ்தகத்து மயிலிறகா
உசுருக்குள
பொதச்சி வச்ச
ஓன் பெயரும்
என் பெயரும்
பருவத்து காத்தடிக்க
பொஸ்தகத்த
மறந்து போச்சி ...
றெக்க கட்டி வெவ்வேறா
எங்கோயோ ...
பறந்து
தொலஞ்சி
போச்சி ......

இப்படிக்கு -கீதமன்

எசப்பாட்டு 

ஒம்பாட்டுக்கெசப்பாட்டு 

நாம்பாடப்போகையிலே 

எம்பாடு சங்கடமா 

ரொம்ப சங்கடமா 

போச்சுதெய்ய  என்ன சொல்ல 

நெக்குருகி  காதல் கதெ 

நான் கேட்டு பட்டுக்கிட்டேன் 

இனிமே என்கதையை 

என்னான்னு நாஞ்சொல்வேன் 

 

காதலுக்கு கண்ணில்லெ 

கண்ணீரு மட்டுந்தேன் 

பூமிக்கே தெரியுமப்பு  

அந்த 

சாமிக்கும்  தெரியுமப்பு 

இப்படிக்கு 'அக்ரிஷ்'

கோவர்த்தனன்

                               கோவர்த்தனன்

                                        பல்லவி

                              கோவர்த்தனனை கோபாலகிருஷ்ணனை

                              ஆவினங்கள் காத்தவனை மனமாரத்துதித்தேன்

                                        அனுபல்லவி

                                தேவரும் முனிவரும்  நாரதரும் நான்முகனும்

                                 யாவரும் வணங்கிடும் ஸ்ரீ வாசுதேவனை

                                             சரணம்

                                 மூவடியாலுலகளந்த    வாமனனைக்கேசவனை

                                  மாவலியை வென்றவனை  மதுசூதனனை

                                  குவலயம் காக்க  குன்றேந்தி நின்றவனை

                                  தேவேந்திரனின் கர்வம் தீர்த்தவனை

                                 

                               
                                   

விக்ன விநாயகன்

                                                     விக்ன விநாயகன்

                                                           பல்லவி

                                    பாதமே துணை பரிந்தருள் புரிவாய்

                                    வேதனை வினைதீர்க்கும் கணபதியே உனது

                                                           அனுபல்லவி

                                    வேத சாஸ்த்திர புராணங்கள் போற்றும்

                                    ஆதிதேவனே ஆனைமுகத்தோனே

                                                             சரணம்

                                     பூதகணங்களும் நந்தியும் துதித்திடும்

                                     நாதவடிவானவனே கேசவன் மருகனே

                                     மாதரார் சித்தியும் புத்தியும் மணந்த

                                     மோதகக்கையனே விக்னவினாயகனே

ஊஞ்சலாடும் கணபதி

                                  ஊஞ்சலாடும் கணபதி
                                   
                                       பல்லவி

       .நூதனமாயூஞ்சலில் அமர்ந்தாடும் கணபதியை

         மோதகக்கையானை   மனமாரத்துதித்தேன்

                                       அனுபல்லவி

        வேதங்கள் நான்கும் சங்கிலியாகவும்

         நாதமந்திரங்கள் தாங்கும் பலகையுமாய்

                                         சரணம்

          நாதஸ்வரம் ஒலிக்க கீதங்கள் முழங்க

         மாதரார் பாட்டிசைக்க  வேதியர்  மறையோத

         பூதகணங்களும் நந்தியும் துதி பாட

         மாதவன் கேசவனமரரும் பணிந்தேத்த

       


       

       

        

தாண்டவன்

தாண்டவன் 

பல்லவி 

தாண்டவமாடிடும் ஆண்டவன்  சிவனை 

ஆண்டருள  வேண்டுமென மனமாரத்துதிதேன் 

அனுபல்லவி 

ஆண்டிடும் அரசனும் ஆண்டியுமானவனை 

வேண்டுவோர் வேண்டும் வரங்களையளிப்பவனை 

சரணம் 

நீண்ட சடை முடியில் மதிபுனலணிந்தவனை 

தீண்டுமரவணிந்த உமையொருபாகனை 

காண்டீபன் பார்த்தனுக்கு ஆயுதமளித்தவனை 

ஆண்டளக்குமையன்  கேசவன் நேசனை 

செல்வமுத்துக்குமரன்

செல்வமுத்துக்குமரன்  

பல்லவி 

செல்வமுத்துக்குமரனை சிங்காரவேலனை 

                                   வைத்தீஸ்வரன் மகனை  மனமாரத்துதித்தேன்

                                                                       அனுபல்லவி

                                    வல்லி தெய்வானையுடனிருக்கும் முருகனை

                                     சொல்லுக்கடங்கானை  கேசவன் மருகனை

                                                                       சரணம்

                                    வல்லரக்கன் சூரனை வதம் செய்தவனை

                                    புள்ளி மயில் வாகனனை சேவற்கொடியோனை

                                    அல்லும் பகலும் துதித்திடுமடியார்க்கு

                                     நல்லகதியளித்திடும் கார்த்திகேயனை

                                   
  .