மருந்தீச்வரன்

                மருந்தீச்வரன்

பல்லவி

அருள் தரும் சிவனை மருந்தீச்வரனை

திருவான்மியூர்த்தலத்தில் மனமாரத்துதித்தேன்

துரிதம்

பெரும் புகழ் மேவும் திரிபுரசுந்தரி

முருகன் கணபதி பிரமன் பணிந்திடும்

அனுபல்லவி

பெருங்கடல்வண்ணன் கேசவன் நேசனை

அருந்தவ முனிவரகத்தியர் வணங்கிடும்

சரணம்

வருந்துயரனைத்திற்கும் மருந்தென இருப்பவனை

ஒருபாகம் நங்கைக்கு உவந்தளித்தவனை

இருவினைப்பயன் போக்கும் கருணாகரனை

அருமறைகள் போற்றும் வேதபுரீச்வரனை